Bəhram bəy Axundov

Bəhram bəy Axundov
Şəxsi məlumatlar
Doğum tarixi	1861
Doğum yeri	Şuşa, Şuşa qəzası, Bakı quberniyası, Rusiya imperiyası
Vəfat tarixi	1932
Vəfat yeri	Bakı, Azərbaycan SSR, ZSFSR, SSRİ
Təhsili	Şuşa real məktəbi
Fəaliyyəti	həkim

Bəhram bəy Axundov (1861, Şuşa – 1932, Bakı) — Fransanın Lill Akademiyasının məzunu, ADR-in Milli məclisinin üzvü, həkim.

Həyatı

Bəhram bəy Mirzə Cəfər bəy oğlu 1861-ci ildə Şuşa şəhərində doğulmuşdu. Şəhər real məktəbini, sonra gimnaziyanı bitirmişdi. 1893-cü ildə Fransanın Lill Akademiyasının qarışıq elmlər (fizika, kimya, biologiya) fakültəsinin aspiranturasına qəbul olunmuşdu. 1896-cı ildə aspiranturanı başa vuran B. axundov həmin akademiyanın tibb fakültəsində təhsilini davam etdirir və tibb doktoru diplomuna sahib olmuşdu. 1904-cü ildə Xarkov universitetinin tibb fakültəsində yoxlama imtahanından uğurla çıxan Bəhram bəyə "Lekar" təxəllüsü verilir.

Bəhram bəy Axundov Azərbaycan Xalq Cümhuriyyətinin Milli məclisinin üzvü idi. O inqilabdan qabaq Bakı tibb müəssisələrində həkim işləmiş, azərbaycanda sovet hakimiyyəti qurulduqdan sonra respublika Sovnarkomluğunda həkim, 1920–1925-ci illərdə Qosstraxın (Dövlət Sığorta Idarəsinin) inanılmış həkimi olmuşdur. Bəhram bəy axundov 1932-ci ildə vəfat edib.

Ailəsi

Bəhram bəy Səltənət xanımla ailə qurmuşdu. Əli bəy adlı oglu vardı.

Mənbə

• Ənvər Çingizoğlu, Axundovlar, "Soy" dərgisi, 10 (18), 2008.
• Анвap Чингизoглы. Ахундoвы. В сборнике: Гeнeaлoгия нapoдoв Kaвкaзa. Трaдиции и coврeмeннoсть. Влaдикaвкaз. 2010. ст. 271–287.