Պոլ Սինյակ

Պոլ Սինյակ; Paul Signac
Ծնվել է	նոյեմբերի 11, 1863[…]
Ծննդավայր	Փարիզ Ֆրանսիա
Վախճանվել է	օգոստոսի 15, 1935[…] (71 տարեկան)
Մահվան վայր	Փարիզ Ֆրանսիա
Ազգություն	Ֆրանսիացի
Քաղաքացիություն	Ֆրանսիա
Կրթություն	Բինգի ազատ արվեստանոց
Մասնագիտություն	նկարիչ, գծանկարիչ, նկարիչ-փորագրող, գծանկարիչ և գծագրող
Ոճ	պուանտիլիզմ
Ժանր	դիմապատկեր, Ֆիգուր, բնանկար, քաղաքային բնանկար և նատյուրմորտ
Թեմաներ	գեղանկարչություն
Ուշագրավ աշխատանքներ	Deux stylistes Rue du Caire?, Golfe Juan? և Les Démolisseurs?
Ուսուցիչ	Էմիլ Ժան Բատիստ Ֆիլիպ Բեն
Աշակերտներ	Lucie Cousturier?
Պարգևներ	Պատվո լեգեոնի ասպետ
Պաշտոն	ընկերության նախագահ
Անդամակցություն	Ընկերություն ХХ և Անկախների սալոն
Ամուսին	Berthe Roblès?
Համատեղ ապրող	Jeanne Selmersheim-Desgrange?
Զավակներ	Ginette Signac?
	ստորագրություն;
	Paul Signac Վիքիպահեստում

Պոլ Սինյակ (ֆր.՝ Paul Signac, նոյեմբերի 11, 1863(1863-11-11)^[1]^[2]^[3]^[…], Փարիզ, Ֆրանսիա^[4]^[5] - օգոստոսի 15, 1935(1935-08-15)^[4]^[1]^[2]^[…], Փարիզ, Ֆրանսիա^[4]^[5]), ֆրանսիացի նկարիչ-նեոիմպրեսիոնիստ, պուանտիլիզմ ուղղության ներկայացուցիչ։

Կենսագրություն

Սովորել է Փարիզում, Բինգի ազատ արվեստանոցում։ Մոտ էր իմպրեսիոնիզմին․ 1886 թվականին Ժորժ Սյորայի և Կամիլ Պիսսարոյի ազդեցությամբ դիմել է նեոիմպրեսիոնիզմին (հետագայում՝ նրա առաջատար վարպետներից և տեսաբանը), միաժամանակ իր գործերի հարթազարդապատկերային բնույթով կանխորոշել մոդեռն ոճի երևան գալը (Ֆ․ Ֆենեոնի դիմանկարը, 1890, մասնավոր հավաքածու, Նյու Յորք)։ Մյուս աշխատանքներում (հիմնականում ծովային բնապատկերներ) Սինյակը հասել է մոտիվների արտահայտման կենսալի անմիջականության («Մարսելի նավահանգիստը», 1911, ժամանակակից արվեստի ազգային թանգարան, Փարիզ)։ Եղել է «Անկախների սալոնի» (1884) կազմակերպիչներից, հասարակական ակտիվ գործիչ, գաղափարապես մոտ Ֆրանսիայի կոմունիստական կուսակցությանը։ 1930-ական թվականներից այցելել է ԽՍՀՄ։

Անձնական կյանք

1892 թվականի նոյեմբերի 8-ին, Սինյակը Փարիզի 18-րդ շրջանի քաղաքապետարանում ամուսնացավ Բերտա Ռոբլեսի հետ։ Հարսանիքին ներկա էին Ալեքսանդր Լեմոնյեն, Լյուս Մաքսիմիլենը, Կամիլ Պիսսարոն և Ժորժ Լեկոնտը։ 1897 թվականի նոյեմբերին, Սինյակը տեղափոխվեց նոր բնակարան Բերանժի ամրոցում` կառուցված Էկտոր Գիմարի կողմից։ Նույն թվականի դեկտեմբերին նա ձեռք բերեց La Hune անվանումով տուն Սեն Տրոպեում։ Այդտեղ նկարիչը կառուցեց մեծ ստուդիա, որի բացումը տեղի ունեցավ 1898 թվականի օգոստոսի 16-ին։

1913 թվականին, Սինյակը վարձակալեց տուն Անթիբում, որտեղ նա բնակություն հաստատեց Ժաննա Սելմերսխեյմ-Դեգրանժի հետ, ով 1913 թվականի հոկտեմբերի 2-ին Սինյակին պարգևեց Ժինետին։ Նույն ժամանակում Սինյակը Սեն Տրոպեի տունը և Բերանժի ամրոցի բնակարանը թողեց Բերտային։ Նրանք ընկերներ մնացին մինչև նկարչի կյանքի վերջը։

1927 թվականի ապրիլի 6-ին, Սինյակը ընդունեց Ժինետին որպես իր ապօրինի դուստր։

Պոլ Սինյակը մահացավ սեպսիսից 1935 թվականի օգոստոսի 15-ին, Փարիզում։ Մահանալու ժամանակ նա 71 տարեկան էր։ Նրա մարմինը դիահերձեցին և թաղեցին օգոստոսի 18-ին Պեր Լաշեզ գերեզմանատանը։

Պատկերասրահ

Ճանապարհ դեպի Ժենվիլյե, 1883, Օրսե թանգարան
Գոլֆ-Ժուան, 1896, Վուստերի արվեստի թանգարան
Մեծ ջրանցք (Վենետիկ), 1905, Տոլիդոյի արվեստների թանգարան
Նոտր-Դամ-դե-լա-գարդ, 1905–06, Մետրոպոլիտեն թանգարան
Ռոտերդամի նավահանգիստը, 1907, Բոյմանս վան Բյոնինգենի թանգարան
Սոճու ծառը Սեն Տրոպեում , 1909, Պուշկինի անվան Կերպարվեստի թանգարան
Անթիբ, 1911, Ալբերտինա պատկերասրահ
Անթիբի երեկո, 1914, Ստրասբուրգի ժամանակակից արվեստի թանգարան
Փարոս, Գրուա, 1925, Մետրոպոլիտեն թանգարան
Սեն-Տրոպեյի նավահանգիստը, 1901, Արևմտյան արվեստի ազգային թանգարան

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 ^2,2 ^2,3 ^2,4 Paul Signac (նիդերլ.)
↑ ^3,0 ^3,1 Benezit Dictionary of Artists — OUP, 2006. — ISBN 978-0-19-977378-7
↑ ^4,0 ^4,1 ^4,2 ^4,3 ^4,4 ^4,5 ^4,6 Синьяк Поль // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.
↑ ^5,0 ^5,1 ^5,2 ^5,3 ^5,4 ^5,5 ^5,6 ^5,7 ^5,8 https://rkd.nl/explore/artists/72519
↑ Union List of Artist Names — 2021.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 10, էջ 393)։

Վիքիպահեստն ունի նյութեր, որոնք վերաբերում են «Պոլ Սինյակ» հոդվածին։

[_c2954ac5ed2ebba8-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_48c42ff9b26b501c-2] 2,0 ^2,1 ^2,2 ^2,3 ^2,4 Paul Signac (նիդերլ.)

[_844644a4e99e9698-3] 3,0 ^3,1 Benezit Dictionary of Artists — OUP, 2006. — ISBN 978-0-19-977378-7

[_40562bf288f574f5-4] 4,0 ^4,1 ^4,2 ^4,3 ^4,4 ^4,5 ^4,6 Синьяк Поль // Большая советская энциклопедия (ռուս.): [в 30 т.] / под ред. А. М. Прохоров — 3-е изд. — М.: Советская энциклопедия, 1969.

[_5ee59a6a9ae712fb-5] 5,0 ^5,1 ^5,2 ^5,3 ^5,4 ^5,5 ^5,6 ^5,7 ^5,8 https://rkd.nl/explore/artists/72519

[_611ffe304c6eaf30-6] Union List of Artist Names — 2021.

[1]

[2]

[3]

[4]

[5]

[6]