Lenga gorèng
Lenga gorèng ya iku lenga kan asale saka gajih tandhuran utawa kewan kang dimurnèkake lan wujude cair ing suhu kamae lan biasane kanggo nggoreng panganan.[1] Lenga goreng saka tandhuran biasane saka tandhuran kaya kelapa, winih, kacang, jagung, kedele, lan kanola.[1]
Rusake lenga gorèng
Lenga gorèng biasane bisa digunakake nganti ping 3 utawa 4 panggorengan.[2] Yen digunakake terus-terusan, werna lenga bakalan maleh.[2]
Rikala dianggo nggoreng, ikatan rangkap kang ana ing asam lemak tak jenuh bakal pedot lan mbentuk asam lemak jenuh.[2] Lenga kang apik ya iku lenga kang ngandut asam lemak tak jenuh kang luwih akeh tinimbang karo kandutan asam lemak jenuhe.[2]
Sawise dianggo ping prang-pirang, asam lemak kang ana ing lenga bakal saya jenuh.[3] Kahanan kang kaya ngono diarani lenga jelantah utawa lenga wis rusak.[3] panganggo lenga kang ping pirang-pirang bakal nggawe ikatan rangkap lenga teroksidasi mbentuk gugus peroksida lan monomer siklik, lenga kang kaya ngono wis rusak lan ora apik kanggo kasarasan.[3] Suhu kang saya dhuwur lan saya suwe manasi, nyebabake kadar asam lemak jenuh bakal saya munggah.[3] Minyak nabati kang duwé kadar asam lemak dhuwur bakal ngakibatake panganan kang digoreng dadi mbebayani kasarasan.[3]
Saliyane amerga dianggo nggoreng bola-bali, lenga bisa rusa amerga kesuwen disimpen saengga ikatan trigliserida pecah dadi gliserol lan asam lemak bebas.[3]
Sumber
Biasane lenga gorèng asale saka lenga kelapa sawit.[4] Lenga kelapa bisa digunakake kanggo nggoreng amerga struktur lengane kang duwé ikatan rangkep saengga lengane bisa kelebu lemak tak jenuh kang siate stabil.[4] Saliyane iku ing lenga kelapa duwé asam lemak esensial kang ora bisa disintesis karo awak.[4] Asam lemak kasebut iku asam palmitat, stearat, olet lan linoleat.[4]
Lenga kang biasane kanggo nggoreng saliyane lenga kelapa sawit ya iku lenga palm kernel, parl olein, palm stearin lan tallow.[5] Saliyane iku ana uga lenga liya kaya lenga winih anggur, kembang matahari, kedele, lan zaitun.[5] lenga-lenga iku ora trep yen kanggo nggoreng nanging lenga-lenga iki duwé kandhutan asam lemak kang dhuwur lan biasane digunakake mawa bahan tambahan ing salad lan panganan liya.[5]
Cathetan suku
- ↑ a b (ing basa Indonésia)Club Discussion Jakarta (dipunundhuh tanggal 27 Januari 2013)
- ↑ a b c d (ing basa Indonésia)Minyak Goreng (dipunundhuh tanggal 27 Januari 2013)
- ↑ a b c d e f (ing basa Indonésia)Minyak goreng dan kolesterol (dipunundhuh tanggal 27 Januari 2013)
- ↑ a b c d (ing basa Indonésia)RSI Cempaka (dipunundhuh tanggal 27 Januari 2013)
- ↑ a b c (ing basa Indonésia)Rumah Kangker (dipunundhuh tanggal 27 Januari 2013)