აუდიტორია 115

აუდიტორია 115 - ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის 115-ე აუდიტორიაში 2016 წლის გაზაფხულზე დაფუძნებული მემარცხენე მოძრაობა^[1]. მოძრაობის შემადგენლობაში სხვადასხვა სასწავლებლის სტუდენტები, ლექტორები და სამოქალაქო აქტივისტები ირიცხებიან^[2]

ისტორია

მოძრაობა 2016 წლის გაზაფხულზე დაფუძნდა. მის ჩამოყალიბებას ხელი შეუწყო თბილისის სახელმწიფო უნივერსიტეტის კანცლერის არჩევნებში სტუდენტთა ნაწილისათვის მიუღებელი კანდიდატის მონაწილეობამ^[3]. კონკრეტული კანდიდატის წინააღმდეგ დაწყებული სტუდენტური გამოსვლები წარმატებით დასრულდა და სასწავლებელში დაგეგმილი კენჭისყრა ჩაიშალა^[4]. არჩევნების გადავადების მიუხედავად, სტუდენტები მაინც არ დაშლილან და მთელი გაზაფხულის განმავლობაში განათლების სისტემის ფუნდამენტური რეფორმისა და უნივერსიტეტიდან სახელმწიფო უშიშროების სამსახურის წევრების გათავისუფლების მოთხოვნით აქციებს მართავდნენ^[5]. ერთ-ერთი დემონსტრაციის მიმდინარეობისას "აუდიტორია 115"-ის წევრებმა თსუ-ის მეექვსე კორპუსის შენობაც დაიკავეს, რომელიც რამდენიმე დღეში პრემიერ-მინისტრ გიორგი კვირიკაშვილის მოწოდების შემდეგ გაათავისუფლეს. პრემიერ-მინისტრი სტუდენტებს "კანონში უმაღლესი განათლების შესახებ" ცვლილებების განხორციელებას დაპირდა^[6]^[7].

მოძრაობის წევრთა მტკიცებით პრემიერ-მინისტრმა ნაკისრი ვალდებულებები არ შეასრულა და საკანონმდებლო ცვლილებების პროცესის დაწყებას ხელი არ შეუწყო. პროტესტის ნიშნად "აუდიტორია 115"-ის წევრებს 2016 წლის ბოლოსა და 2017 წლის დასაწყისში რამდენიმე თვის განმავლობაში ჰქონდათ ოკუპირებული თსუ-ის სოციალურ და პოლიტიკურ მეცნიერებათა ფაკულტეტის ადმინისტრაციული შენობა^[8]^[9]^[10]^[11]

განათლების სისტემის რეფორმის მოთხოვნით გამართული კამპანიების გარდა, მოძრაობა მონაწილეობდა გიგანტური ჰესების მშენებლობის საწინააღმდეგო აქციებსა^[12] და დასაქმებულთა სოლიდარობის ღონისძიებებში. მშრომელთა უფლებების დაცვის მოთხოვნით მიმდინარე გამოსვლების დროს მოძრაობამ მოახერხა საქართველოს საზოგადოებრივი მაუწყებლის^[13], რუსთავის აზოტის^[14], საქართველოს რკინიგზისა^[15] და "პალიტრა ჰოლდინგის" შენობების დროებითი ბლოკირება. "აუდიტორია 115"-მა ჩაშალა თბილისის დიდ საკონცერტო დარბაზში მიმდინარე საქართველოს კონსტიტუციის რეფორმის განხილვაც^[16]^[17].

შემადგენლობა

მოძრაობას ვერტიკალური სტრუქტურა არ გააჩნია. ის ფართო მემარცხენე პლატფორმის საფუძველზე არაერთ ურთიერთგანსხვავებულ ჯგუფს აერთიანებს^[18].

[1] ttps://on.ge/story/8108-%E1%83%90%E1%83%A3%E1%83%93%E1%83%98%E1%83%A2%E1%83%9D%E1%83%A0%E1%83%98%E1%83%90-115-%E1%83%98%E1%83%A1-%E1%83%94%E1%83%A0%E1%83%97%E1%83%98-%E1%83%AC%E1%83%94%E1%83%9A%E1%83%98

[2] ttps://imedinews.ge/ge/dzalovnebi/10056/auditoria-115is-tsevrebi-politsiashi-daibares

[3] ttp://liberali.ge/articles/view/21349/rogor-gakhda-giorgi-gafrindashvili-kantslerobis-kandidati

[4] ttp://www.ipress.ge/new/26616-giorgi-gafrindashvili-me-ukan-vikhev

[5] ttp://liberali.ge/news/view/21518/auditoria-115is-studentta-motkhovnebi

[6] ttp://www.interpressnews.ge/ge/sazogadoeba/375626-premieri-thsu-shi-auditoria-115-is-tsevrebs-khvdeba.html?ar=A

[7] ttps://www.tsu.ge/ge/government/administration/departments/pr/information/WD5RloQEin7N7ylgy/?p=11

[8] ttp://rustavi2.ge/ka/news/62048

[9] ttp://netgazeti.ge/news/157276/

[10] ttps://www.radiotavisupleba.ge/a/28210953.html

[11] ttps://www.radiotavisupleba.ge/a/ras-itxoven-auditoria-115-is-cevri-studentebi/28160807.html

[12] ttp://epn.ge/?id=27579

[13] ttp://newspaper.tsu.ge/ge/articles/view/217

[14] ttp://www.ipress.ge/new/59689-auditoria-115-azotis-qarkhanashi-policiam-uflebamosilebas-gadaacharba-da-aqtivistebi-scema

[15] ttp://liberali.ge/news/view/30955/auditoria-115-rkinigzis-shenobastan-aqtsiaze-tsotne-tskhvediani-da-irakli-kupradze-daakaves

[16] ttps://pia.ge/en/post/122031-parlamentis-tavmjdomaris-azrit-auditoria-115-is-wevrebi-axalgazrda-komunistebi-arian

[17] ttp://1tv.ge/en/news/view/160974.html

[18] ttp://liberali.ge/articles/view/21410/auditoria-115

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]