აუდიტორია 115

დასაბეჭდი ვერსია აღარ არის მხარდაჭერილი და შეიძლება ჰქონდეს რენდერის შეცდომები. გთხოვთ, განაახლოთ თქვენი ბრაუზერის სანიშნეები და გამოიყენეთ ბრაუზერის თავისი ბეჭდვის ფუნქცია.

აუდიტორია 115 — ივანე ჯავახიშვილის სახელობის თბილისის სახელმწიფო უნივერსიტეტის პირველი კორპუსის 115-ე აუდიტორიაში 2016 წლის გაზაფხულზე დაფუძნებული მემარცხენე მოძრაობა^[1]. მოძრაობის შემადგენლობაში სხვადასხვა სასწავლებლის სტუდენტები, ლექტორები და სამოქალაქო აქტივისტები ირიცხებიან^[2].

ისტორია

მოძრაობა 2016 წლის გაზაფხულზე დაფუძნდა. მის ჩამოყალიბებას ხელი შეუწყო თბილისის სახელმწიფო უნივერსიტეტის კანცლერის არჩევნებში სტუდენტთა ნაწილისათვის მიუღებელი კანდიდატის მონაწილეობამ^[3]. კონკრეტული კანდიდატის წინააღმდეგ დაწყებული სტუდენტური გამოსვლები წარმატებით დასრულდა და სასწავლებელში დაგეგმილი კენჭისყრა ჩაიშალა^[4]. არჩევნების გადავადების მიუხედავად, სტუდენტები მაინც არ დაშლილან და მთელი გაზაფხულის განმავლობაში განათლების სისტემის ფუნდამენტური რეფორმისა და უნივერსიტეტიდან სახელმწიფო უშიშროების სამსახურის წევრების გათავისუფლების მოთხოვნით აქციებს მართავდნენ^[5]. ერთ-ერთი დემონსტრაციის მიმდინარეობისას „აუდიტორია 115“-ის წევრებმა თსუ-ის მეექვსე კორპუსის შენობაც დაიკავეს, რომელიც რამდენიმე დღეში პრემიერ-მინისტრ გიორგი კვირიკაშვილის მოწოდების შემდეგ გაათავისუფლეს. პრემიერ-მინისტრი სტუდენტებს „კანონში უმაღლესი განათლების შესახებ“ ცვლილებების განხორციელებას დაპირდა^[6]^[7].

მოძრაობის წევრთა მტკიცებით პრემიერ-მინისტრმა ნაკისრი ვალდებულებები არ შეასრულა და საკანონმდებლო ცვლილებების პროცესის დაწყებას ხელი არ შეუწყო. პროტესტის ნიშნად „აუდიტორია 115„-ის წევრებს 2016 წლის ბოლოსა და 2017 წლის დასაწყისში რამდენიმე თვის განმავლობაში ჰქონდათ ოკუპირებული თსუ-ის სოციალურ და პოლიტიკურ მეცნიერებათა ფაკულტეტის ადმინისტრაციული შენობა^[8]^[9]^[10]^[11]

განათლების სისტემის რეფორმის მოთხოვნით გამართული კამპანიების გარდა, მოძრაობა მონაწილეობდა გიგანტური ჰესების მშენებლობის საწინააღმდეგო აქციებსა^[12] და დასაქმებულთა სოლიდარობის ღონისძიებებში. მშრომელთა უფლებების დაცვის მოთხოვნით მიმდინარე გამოსვლების დროს მოძრაობამ მოახერხა საქართველოს საზოგადოებრივი მაუწყებლის^[13], რუსთავის აზოტის^[14], საქართველოს რკინიგზისა^[15] და „პალიტრა ჰოლდინგის„ შენობების დროებითი ბლოკირება. „აუდიტორია 115“-მა ჩაშალა თბილისის დიდ საკონცერტო დარბაზში მიმდინარე საქართველოს კონსტიტუციის რეფორმის განხილვაც^[16].

შემადგენლობა

მოძრაობას ვერტიკალური სტრუქტურა არ გააჩნია. ის ფართო მემარცხენე პლატფორმის საფუძველზე არაერთ ურთიერთგანსხვავებულ ჯგუფს აერთიანებს.^[17]

რესურსები ინტერნეტში

აუდიტორია 115 Facebook-ზე

სქოლიო

[1] აუდიტორია 115-ის ერთი წელი

[2] აუდიტორია 115“-ის წევრები პოლიციაში დაიბარეს^{[მკვდარი ბმული]}

[3] როგორ გახდა გიორგი გაფრინდაშვილი კანცლერობის კანდიდატი

[4] გიორგი გაფრინდაშვილი: მე უკან ვიხევ^{[მკვდარი ბმული]}

[5] აუდიტორია 115-ის სტუდენტთა მოთხოვნები

[6] პრემიერი თსუ-ში ”აუდიტორია 115”-ის წევრებს ხვდება

[7] პრემიერ-მინისტრი უნივერსიტეტში "აუდიტორია 115"-ის წარმომადგენლებს შეხვდა^{[მკვდარი ბმული]}

[8] თსუ-ის მე-6 კორპუსი ბლოკირებულია - "აუდიტორია 115"-მა აქციები განაახლა

[9] აუდიტორია #115-მა თსუ-ის მეექვსე კორპუსი დაიკავა

[10] სტუდენტური პროტესტის 40 დღე

[11] რას ითხოვენ „აუდიტორია 115“-ის წევრი სტუდენტები

[12] "არა ნენსკრა ჰესს, არა დიდ კაშხლებს"-ხვალ თავისუფლების მოედანზე აქცია გაიმართება

[13] „მშრომელთა უფლებების დასაცავად“

[14] აუდიტორია #115: "აზოტის ქარხანაში" პოლიციამ უფლებამოსილებას გადააჭარბა და აქტივისტები სცემა^{[მკვდარი ბმული]}

[15] „აუდიტორია 115": რკინიგზის შენობასთან აქციაზე ცოტნე ცხვედიანი და ირაკლი კუპრაძე დააკავეს

[16] The members of the "Auditorium 115" are the young Communists^{[მკვდარი ბმული]}

[17] აუდიტორია #115

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]