Kürdüstan qəzası

Kürdüstan qəzası (rus. Курдистанский уезд) - 1923 - 1929-cu illərdə Azərbaycan Sovet Sosialist Respublikasının ərazisində mövcud olmuş qəza. Qəza Sergey Kirovun təklifi ilə 1923-cü il 21 iyun Azərbaycan Xalq Kommisarları Sovetinin iclasında yaradılmışdır. Kürdüstan qəzasının ilk mərkəzi Pircahan kəndi idi. Daha sonralar mərkəz Laçın şəhərinə köçürülmüşdür. Qəzanın ilk katibi Şuşada anadan olmuş, azərbaycanlı bolşevik Hüsü Hacıyev olmuşdur. 1926-cı ildəki siyahıya alınmada Kürdüstan qəzasında əhalinin etnik tərkibi 72,3% kürd, 26,7% türklər olsa da əhalinin 92,5%-nin ana dili türk dili və yalnız 6,1%-nin ana dili isə Kürd dili olmuşdur. SSRİ daxilində inzibati ərazi vahidlərinin dəyişdirilməsi sahəsində işlərin aparılması, bir sıra inzibati ərazi vahidlərinin ləğv edilməsi,Kürdüstan qəzasınında ləğvinə səbəb olmuşdur. 1929-cu ilin 8 aprel tarixili Azərbaycan Sovet Sosialist Respublikasının qərarı ilə Kürdüstan qəzası ləğv edilmişdir.

Əhali

Etnik tərkib

Qırmızı Kürdüstan qəzası

Etnik qrup	Bütün qəza	Laçın ş.	Qaraqışlaq d.	Kəlbəcər d.	Qoturlu d.	Qubadlı d.	Kürdhacı d.	Muradxanlı d.
Cəmi	51,426	435	6,050	12,046	4,888	13,533	8,285	6,189
Kürd	37,182	110	6,003	11,967	4,873	1	8,169	6,059
Azərbaycan türkü	13,745	164	21	62	13	13,367	99	19
Erməni	373	66	8	12	2	162	13	110
Rus	81	57	15	4	y.	1	3	1
Ukraynalı	20	18	2	y.	y.	y.	y.	y.
Gürcü	3	3	y.	y.	y.	y.	y.	y.

Dil

Qırmızı Kürdüstan qəzası

Ana dili	Bütün qəza	Laçın ş.	Qaraqışlaq d.	Kəlbəcər d.	Qoturlu d.	Qubadlı d.	Kürdhacı d.	Muradxanlı d.
Cəmi	51,426	435	6,050	12,046	4,888	13,533	8,285	6,189
Azərbaycan türkcəsi	47,594	274	4,186	11,658	3,965	13,328	8,122	6,061
Kürdcə	3,123	2	1,799	298	871	y.	141	12
Ermənicə	380	65	14	12	2	162	13	112
Rusca	98	74	16	4	y.	1	3	y.
Ukrayınca	5	4	1	y.	y.	y.	y.	y.
Gürcücə	3	3	y.	y.	y.	y.	y.	y.
Almanca	1	1	y.	y.	y.	y.	y.	y.
Farsca	1	1	y.	y.	y.	y.	y.	y.
Tatarca	1	y.	1	y.	y.	y.	y.	y.

Mənbə

Букшпан А. Азербайджанские курды : Лачин, Кельбаджары, Нахкрай: Заметки /А. Букшпан; Выпускающий. З. Агаев Азербайджанский Гос. Научно-Исследоват. Институт Отделение Востока Баку, 1932.- 94 с.