Murad Dadaşov
Murad Dadaşov | |
---|---|
| |
Doğum tarixi | 21 dekabr 1978 (45 yaş) |
Doğum yeri | |
Həyat yoldaşı | Aytən Əliyeva (e. 2001)[1][2] |
Uşağı | 3 |
Atası | Əli Dadaşov |
Anası | Tamilla Əliyeva |
Boyu | 1.70 sm[3] |
Təhsili | |
Fəaliyyəti | aktyor, prodüser, televiziya prodüseri[d] |
Mükafatları |
|
Murad Əli oğlu Dadaşov (21 dekabr 1978, Bakı) — şoumen, tanınmış teleaparıcı, prodüser, aktyor, "Bakılı oğlanlar" Şən və Hazırcavablar Klubunun üzvü, "M Group Production" şirkətinin prezidenti, "20-ci əsrin çempionları" titulunun sahiblərindən biri (2000), Azərbaycan Respublikasının əməkdar artisti (2014)[1] və Azərbaycan Respublikasının xalq artisti (2018), Xəzər TV-nin prezidenti (2020)[5].
Həyatı
[redaktə | mənbəni redaktə et]Erkən illəri
[redaktə | mənbəni redaktə et]Murad Əli oğlu Dadaşov 21 dekabr 1978-ci ildə Bakı şəhərində ziyalı ailəsində anadan olub.[6]
O 1985–1995-ci illərdə Bakı şəhəri 160 saylı tam orta məktəbdə təhsil alıb. 1996–2000-ci illərdə Bakı Dövlət Universitetinin "Sosial elmlər və psixologiya" fakültəsində təhsil alıb, ixtisasca psixoloqdur.[1]
Fəaliyyəti
[redaktə | mənbəni redaktə et]XX əsrin sonları Azərbaycan gəncliyinin inkişafında rolu olan "Bakılı oğlanlar" ŞHK ilə tanışlığı oxuduğu məktəbdən başlayıb və bununla da 1993-cü ilin dekabrında böyük və peşəkar səhnəyə gəlib.[7]
2000-ci ildə isə "Bakılı oğlanlar" komandası "XX əsrin çempionları" tituluna sahib oldu. Şən və hazırcavab çempionlardan biri də Murad Dadaşov idi.[1]
Universitetdə təhsil aldığı müddətdə, 1999–2002-ci ildə həm də Proqnoz Müstəqil Sosioloji Tədqiqatlar mərkəzində müdir müavini vəzifəsində çalışıb.[1]
Televiziyada ilk fəaliyyətinə 1990-cı illərin ortalarında Azərbaycan Televiziyasında başlayıb. Burada "Bakılı oğlanlar" ŞHK-ın digər üzvü Cabir İmanov ilə bərabər "Bir Cənub şəhərində" adlı layihə hazırlayıb.[1][8]
1990-cı illərin sonlarında isə Space televiziyasında "Road Master" adlı layihənin aparıcısı olub.[9]
2002-ci ilin yanvar ayından həmin ilin oktyabr ayına kimi ANS Müstəqil Yayım və Media Şirkətində Baş Prodüser vəzifəsinə təyin edilib. Eyni zamanda həmin dövrdə bu kanalda yayımlanan "Yeriniz Məlum" adlı gündəlik şou proqramın müəllif və aparıcısı olub.[10]
2003-cü il fevralın 7-də M Group Production şirkətini təsis edib. Burada 2008-ci ilədək baş direktor vəzifəsində olub.[1][11]
2003-cü ildə Lider telekanalında M Group Production şirkətinin ilk layihəsi olan "Mərc şou", 2005-ci ildə isə həmin telekanalda "Maşın" realiti şousu efirə gedib. Hər iki layihənin müəllif və aparıcısı Murad Dadaşov olmuşdur.[1]
2008–2010-cu illərdə "Lider Media Holdinq" — Lider televiziyasında Baş prodüser vəzifəsinə təyin olunub.[1]
2010-cu ildən bu günə qədər M Group Production şirkətinin Prezidentidir. Şirkət hər bir layihənin işlənməsinə bütün yaradıcı gücünü və potensialını cəlb edir. Təqdim etdiyi ideyalarda novator metodlara əsaslanaraq, maraqlı tendensiyalar tətbiq etməklə şirkət hər zaman aktuallığını saxlayır.[1]
Murad Dadaşov son illər müasir teleməkanda yayımlanan bir çox layihələrdə peşəkar ekspert və münsif qismində iştirak edir. Belə ki, 2004–2011-ci illərdə Azad Azərbaycan (ATV) telekanalında "Yeni Ulduz" musiqi yarışması, 2008-ci ildə Soçi şəhərində keçirilən "Beş ulduz" mahnı müsabiqəsi, 2014-cü il İctimai televiziyada "Böyük Səhnə" vokal şousu və 2015-ci il Azad Azərbaycan telekanalında yayımlanan "Özünü Tanıt" istedad müsabiqəsinin münsiflər heyətində təmsil olunub.[1]
Murad Dadaşov ölkənin ictimai-siyasi, mədəni həyatında da yaxından iştirak edib.[12] O, 2015-ci il Bakıda keçirilən Birinci Avropa Oyunlarının ulduz səfiri idi.[12]
Murad Dadaşov Murad Arifin "Popumuz Var" adlı internet verilişində "Neft sənin deyil, dövlətindir" deyib və o, buna görə də sərt şəkildə tənqid edilib.[13]
2020-ci il 5 mart tarixində Murad Dadaşov Xəzər TV[14]yə Baş direktor təyin edilib[15].
Şəxsi həyatı
[redaktə | mənbəni redaktə et]Atası Dadaşov Əli Mürsəl oğlu ixtisasca nəqliyyat işçisidir. Anası Əliyeva Tamilla Abuzər qızı ixtisasca musiqiçidir, fortepiano müəlliməsidir. Qardaşı Fərid Dadaşov "KOKON" yaradıcılıq agentliyinin təsisçilərindən biridir. Azərbaycan Respublikasının əməkdar artisti, tarzən Əhsən Dadaşov Murad Dadaşovun atasının əmisidir.[1]
2001-ci ildə ixtisasca şərqşünas olan Əliyeva Aytən Elxan qızı ilə ailə həyatı qurub. Kamal, Əli, Ziya adlı üç övladı var.[1]
Filmoqrafiya
[redaktə | mənbəni redaktə et]- Milli bomba (film, 2004) — aktyor (Gənc montajçı)
- Çətin yol (film, 2006) — aktyor (Ata)
- Bir dəfə Qafqazda (film, 2007) — aktyor (Kazbekin dostu)
- Halal pullar (film, 2008) — aktyor (Türk vətəndaşı)
- Qorxma, mən səninləyəm! 1919 (film, 2013) — aktyor (Epizod)
- Bayram axşamı (film, 2017) — aktyor, prodüser
Təltifləri
[redaktə | mənbəni redaktə et]"Azərbaycan Respublikasının əməkdar artisti" — 2014[16] 27 may 2018-ci ildə Azərbaycanın xalq artisti fəxri adına layiq görülmüşdür.[17][16][18][19]
"Azərbaycan Respublikasının xalq artisti" — 2018
İstinadlar
[redaktə | mənbəni redaktə et]- ↑ 1 2 3 4 5 6 7 8 9 10 11 12 13 "Murad Dadaşov: "Sinfimizə gələn hər təzə qızı birinci mən sevmişəm"" (az.). 31 oktyabr 2013. 2018-05-30 tarixində orijinalından arxivləşdirilib. İstifadə tarixi: 2018-05-11.
- ↑ "Murad Dadaşov ailəsi ilə (Foto)" (az.). 18 iyun 2013. 2018-05-11 tarixində arxivləşdirilib. İstifadə tarixi: 2018-05-11.
- ↑ "Azərbaycan müğənnilərinin boy və çəkiləri "nəhs" reytinqdə (FOTO)". 2023-08-20 tarixində arxivləşdirilib. İstifadə tarixi: 2023-08-20.
- ↑ ""Машын 6 Коррида – это экстра скорость", - уверен продюсер, шоумен Мурад Дадашев" (rus). 28 fevral 2007. 2018-05-11 tarixində arxivləşdirilib. İstifadə tarixi: 2018-05-11.
- ↑ "Arxivlənmiş surət". 2022-09-02 tarixində arxivləşdirilib. İstifadə tarixi: 2020-01-08.
- ↑ "Tanınmış simalar: aktyor Murad Dadaşov" (az.). 2018-05-11 tarixində arxivləşdirilib. İstifadə tarixi: 2018-05-11.
- ↑ "Мурад Дадашов: "Сейчас опасно везде, кроме Азербайджана" — ИНТЕРВЬЮ". 2021-12-06 tarixində arxivləşdirilib. İstifadə tarixi: 2018-05-11.
- ↑ "Мурад Дадашов готов к "реваншу" звезд на "Машын-шоу" (фотосессия)". 2020-08-15 tarixində arxivləşdirilib. İstifadə tarixi: 2018-05-11.
- ↑ "Мурад Дадашов: Евроигры стали необходимым компонентом национальной самоидентификации". 2021-12-06 tarixində arxivləşdirilib. İstifadə tarixi: 2018-05-11.
- ↑ "Murad Dadaşov: Avropa Oyunları milli özünüeyniləşdirmənin zəruri komponenti oldu". 2021-04-14 tarixində arxivləşdirilib. İstifadə tarixi: 2018-05-11.
- ↑ "Даже профессиональные артисты не выдерживают такого напора — Мурад Дадашов, член жюри "Большой сцены"". 2021-06-19 tarixində arxivləşdirilib. İstifadə tarixi: 2018-05-11.
- ↑ 1 2 ""Biz xalq olaraq növbəti dəfə birləşdik" — Murad Dadaşov yazır". 2021-12-06 tarixində arxivləşdirilib. İstifadə tarixi: 2018-05-11.
- ↑ "Murad Dadaşov "neft dövlətindir" dedi, tənqidlərlə üzləşdi". 2022-11-05 tarixində arxivləşdirilib. İstifadə tarixi: 2022-11-05.
- ↑ "Xəzər TV". 2022-09-27 tarixində arxivləşdirilib. İstifadə tarixi: 2022-02-25.
- ↑ "Arxivlənmiş surət". 2022-02-25 tarixində arxivləşdirilib. İstifadə tarixi: 2022-02-25.
- ↑ 1 2 "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". President.az (az.). president.az. 18 dekabr 2014, 19:00. 2017-09-23 tarixində arxivləşdirilib. İstifadə tarixi: 2014-12-24.
- ↑ President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində arxivləşdirilib. İstifadə tarixi: 2018-05-27.
- ↑ Мурад Дадашов: Только личное вмешательство президента становится толчком к "работе над ошибками", а что же общество? [ölü keçid]
- ↑ "Murad Dadaşov prezidentə təşəkkür etdi". 2020-09-24 tarixində arxivləşdirilib. İstifadə tarixi: 2018-05-11.
Xarici keçidlər
[redaktə | mənbəni redaktə et]- Murad Dadaşov — Facebook səhifəsi