Dampflok

A Damflok isa Lok, de mid Wossadamf odrim wiad. Damfloks san de eschdn maschinäi odrimna Fuaweaka gwen, de afan Gleis foan. Se hom den Schinavokea fo Ofang o, bis ind Mitt fum 20. Johundat ogfiad kod. Da nazionoie und intanazionoie Handl hod se no mim Schinavokea narrisch gschdeigad kod.

Oawadsweis fo da Damflok

A Fuizoi vo Damfloks mid untaschiadlicha Bauweis san dabaud woan, owa nofoigand wiad grod de eiropäische Reglbauoat mim klassischn Roakessl und mid da Koimdamfmaschina bschrim.

Aufbau einer Dampflokomotive
Baugruppm fo da Schlepptendalok mid da Axnfoing 1'C1'
1 – Schlepptenda mid Wossa - und Koinstock 2 – Fiarastand 3 – Damfpfeifal 4 – Steiastang 5 – Kesslsicherheitsventil 6 – Liachtmaschina 7 – Sandkostn mid Sandfoiroa 8 – Reglazug 9 – Damfdom 10 – Lufdbumbm fiad Drucklufdbrems 11 – Rauchkammal 12 – Eistremroa 13 – Rauchkammaldia 14 – Handlaaf 15 – Schleppraalsatz 16 – Umlaaf 17 – da Rama fo da Lok 18 – Bremshängeisn 19 – Sandfoiroa 20 – Kupplstanga 21 – aissare Steiarung 22 – Bleil 23 – Koimstanga 24 – Damfzülinda	25 – Schiawa (fo da innan Steiarung) 26 – Schiawakostn 27 – Feiabix 28 – Hoaz - und Rauchroa 29 – Langkessl 30 – Iwahitzelement 31 – Naßdamfventilregla 32 – Damfsammekostn 33 – Essn 34 – Spitznsignoi 35 – Bremsschlauch 36 – Wossakostn 37 – Koinkostn 38 – Feiarost 39 – Oschnkostn 40 – Raalsatzlaga 41 – Ausgleichshebe 42 – Feda 43 – Dreib- und Kupplraalsätz 44 – Druckstück 45 – Standroa und Blosroakobf 46 – Laafraalsatz 47 – Kupplung

A Damflok bschdäd moast ausam Damfkessl, wou se da Damf mid da Huif fom Feia buid, da Koimdamfmaschina, wou da hoasse Damf des Weagl odreibt, an Fogschdai und Raalsätz, damid se des Viech beweng ko und am Fiarastand, damid se des Damfross a wida moi dabremsn losst. Fia des dasd weida fuat fon kost, hod a Damflok a Wossa und Koin owei dabei. Entwäda af da Lok säim, no iss a Tendalok oda afan nogfiadn Wong, aran Tenda. No sogt ma hoid Schlepptendalok dazua.

Diaggad am Rama fo da Lok is da Damfkessl mid da Feiabixn, da Damfmaschina und da Fiarastand dabaud. Drong wiad da Rama fom Dreibraalsatz, de Kupplraalsätz, de iwa Kupplstanga vabundn san und ofd no fo oi laa laafadn Laafraalsätz. D Koimdamfmaschina hod ofd zwe Zülinda, ko owara drei oda fia hom, de ofd aussahoi, owara innahoi am Rama drobaud san. Mid de Dreibstanga wiad da Schwung fo de Koimstanga af de Kuabezabfn fo de Raalsätz iwadrong und no fod de Gschicht.

Haubdsechle dabrennt a Dampflok Koin oda Schwaaäi. Owara Hoiz, Koinschdaub, Minaroiäi oda Torf is megle. Owa ned ois afamoi und ned in da säim Lok. A Lok wo mid Schwaaäi fod, ko ned mid Koin fon. Und umkead aned. Do brauchds scho späziäie Eibautn.

Im Netz

 Commons: Damflok – Oibum mit Buidl, Videos und Audiodateien

• Suach noch Dampflok in da Deutschen Digitalen Bibliothek
• Aufbau und Technik der Dampflokomotive – Deutsche Gesellschaft für Eisenbahngeschichte