Včelákov

Včelákov
kampurbo
Flago Blazono
Oficiala nomo: Včelákov
Ŝtato	Ĉeĥio
Regiono	Regiono Pardubice
Distrikto	Distrikto Chrudim
Administra municipo	Hlinsko
Historia regiono	Bohemio
Montaro	Fera montaro
Rojo	Bystřička
Situo	Včelákov
- alteco	493 m s. m.
- koordinatoj	49° 49′ 10″ N 15° 53′ 05″ O (mapo)
Areo	13,55 km² (1 355 ha)
Loĝantaro	568 (2024)
Denseco	41,92 loĝ./km²
Unua skribmencio	1349
Horzono	MET (UTC+1)
- somera tempo	MET (UTC+2)
Poŝtkodo	539 01 ĝis 539 57
NUTS 3	CZ053
NUTS 4	CZ0531
NUTS 5	CZ0531 572462
Katastraj teritorioj	3
Partoj de kampurbo	7
Bazaj setlejunuoj	4
Situo enkadre de Ĉeĥio Situo enkadre de Ĉeĥio
Vikimedia Komunejo: Včelákov
Retpaĝo: www.vcelakov.cz
Portalo pri Ĉeĥio

Včelákov estas kampurbo situanta en Ĉeĥio, regiono Pardubice, distrikto Chrudim, en valo de la rivereto Bystřička, ĉe orienta deklivo de montetaro kaj protektata pejzaĝa regiono Železné hory, 8 km norde de la urbo Hlinsko, 10 km oriente de la urbo Nasavrky, ĉe la ŝoseo inter Lukavice kaj Hlinsko. Vivas ĉi tie 568 loĝantoj (2024).

La najbaraj municipoj de la setlejo estas Vysočina, Hlinsko, Holetín, Miřetice kaj Tisovec.

Partoj de kampurbo

• Včelákov
• Bystřice
• Dolní Babákov
• Hůrka
• Příkrakov
• Střítež
• Vyhnánov

Historio

La vilaĝo estis en pasinteco nomata ankaŭ Čelákov. Unue ĝi estis rememorata en la jaro 1349 kiel paroĥa vilaĝo de litomyšla episkopejo, sed origina prisetlo estis multe pli frua. Oni supozas, ke tiun ĉi teritorion uzadis jam keltoj por minado de fererco. En mezepoko oni ĉi tie minis feran kaj sulfuran ercon, kupron, plumbon kaj arĝenton. La minado estis haltigita en la duono de 18-a jarcento.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	1 328
1880	1 251
1890	1 225
1900	1 218
1910	1 222
1921	1 156

Jaro	Loĝantoj
1930	1 242
1950	847
1961	883
1970	767
1980	651
1991	615

Jaro	Loĝantoj
2001	548
2014	552
2016	552
2017	543
2018	542
2019	550

Jaro	Loĝantoj
2020	547
2021	530
2022	554
2023	575
2024	568

Memorindaĵoj

Preĝejo

Dominanto de Včelákov estas malfruklasikisma preĝejo de Sankta Maria Magdalena, konstruita de konstruisto Hanuš en la jaroj 1844 - 1848 sur monteto super la vilaĝo, kie origine estis pli malnova sanktejo. Ĝi estas ununava kun ortangula fermo kaj prisma turo en orienta flanko kun sakristio en teretaĝo. La ekipaĵo estas klasikisma kaj empira, instalita samtempe kun la konstruo. Bonkvalitaj altaraj bildoj de Maria Magdalena, Krucumado kaj Dolorplena Virgulino Maria estas de Schmidt el la jaroj 1830 - 40, bildoj de Kalvaria vojo estas de J. Umlauf el la jaroj 1860 - 1870.

Paroĥestrejo

Domo de paroĥestrejo, staranta proksime de la preĝejo, estas baroka duetaĝa konstruaĵo el la dua duono de 18-a jarcento. En fasado estas kadroj ĉirkaŭ la fenestroj, la teretaĝo estas volbita, en la dua etaĝo estas plataj plafonoj.

Statuo

En la vilaĝo estas bonkvalita statuo de Sankta Johano Nepomuka el la jaro 1740, ikonografie ne tradicia, ĉar la sanktulo havas en la mano kranion.

Popolkonstruaĵoj

En la municipa komunumo estas konservita ankaŭ origina ĉarpentita arkitekturo inkluzive de akva muelejo n-ro 5 en Střítež.

Monumento

Antaŭ la lernejo estas monumento omaĝe al murditaj infanoj el vilaĝeto Ležáky, kiuj tiun ĉi lernejon vizitadis.

Bibliografio

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Eksteraj ligiloj

• Paĝaro de mikroregiono Hlinsko Arkivigite je 2010-10-03 per la retarkivo Wayback Machine ĉeĥe
• Militista pietloko ĉeĥe