John Mayall

John Mayall
	; (2017) Irudi gehiago
Bizitza
Jaiotzako izen-deiturak	John Brumwell Mayall
Jaiotza	Macclesfield, 1933ko azaroaren 29a
Herrialdea	Erresuma Batua
Heriotza	Los Angeles eta Kalifornia, 2024ko uztailaren 22a (90 urte)
Hezkuntza
Heziketa	Manchester Metropolitan University (en)
Hizkuntzak	ingelesa
Jarduerak
Jarduerak	gitarra-jotzailea, musikagilea, piano-jotzailea, kantugilea, abeslaria, estudioko musikaria eta autobiografialaria
Lantokia(k)	Kalifornia
Jasotako sariak	ikusi Britainiar Inperioko Ordenaren ofiziala (2005) ;
Kidetza	John Mayall & the Bluesbreakers (en)
Genero artistikoa	blues rock; bluesa; British blues (en) ; electric blues (en)
Musika instrumentua	gitarra; aho-soinua; pianoa; ahotsa; harpa; musika teklatua
Diskoetxea	Decca (en)
Zerbitzu militarra
Adar militarra	Britainia Handiko Armada
Parte hartutako gatazkak	Koreako Gerra
	johnmayall.com

John Brumwell Mayall (Macclesfield, Cheshire, Erresuma Batua, 1933ko azaroaren 29a – Los Angeles, 2024ko uztailaren 22a) blues eta pop rock abeslari, instrumentista (batez ere gitarra-jotzailea), eta konpositorea izan zen. Alexis Kornerrekin batean, Britainia Handiko bluesaren inbasioaren aitzindari nagusienetakoa izan zen.

1955ean bere lehenengo taldea sortu zuen, The Powerhouse Four, eta gero bere bandarik famatuena: The Bluesbreakers. Talde horretan Eric Clapton, Peter Green eta Mick Taylor gitarra-jotzaileak ibili ziren, besteak beste, eta horietako batzuek beste talde garrantzitsuak sortu zituzten gero; Fleetwood Mac, adibidez.

Disko eder askoak egin zituen The Bluesbreakers taldeak 60ko hamarkadan, Bluesbreakers izenekoa, adibidez. Disko horretako azalean, Eric Clapton ageri da Beano komikia irakurtzen.

Claptonek taldea utzi egin zuen, Cream blues-rock banda sortzeko, eta bere ordez Peter Green gitarra-jotzailea sartu zen. A hard road diskoa grabatu ondoren, Greenek ere alde egin zuen, Fleetwood Mac taldea osatzeko. Orduan, Mick Taylor agertu zen. Gitarra-jotzaile gazteak liluratu egin zuen Mayall. Elkarrekin grabatu zituzten Crusade disko ospetsua, eta 1969an, Bare Wires psikodelikoa. Gero, Taylor Rolling Stones taldera joan zen Brian Jones ordezkatzera.

1969tik aurrera, Mayallek bere izenean argitaratu zituen diskoak. Hala ere, zenbaitzutan, "and The Bluesbreakers" gehitzen zion bere izenari, berarekin jotzen zuten musikariak ere diskoen eta emanaldien izenetan ordezkaturik ager zitezen.

Banda behin betiko desagertu zen 2008an, eta egun, Mayallek beste musikari batzuekin jo zuen.

2009an Hondarribia Blues Saria jaso zuen.

Diskografia

1966 - Bluesbreakers with Eric Clapton.
1967 - A hard road.
1968 - Bluesbreakers with Paul Butterfield (Lau kantako EPa, gonbidatua: Paul Butterfield).
1967 - Blues alone.
1967 - Crusade.
1968 - Bare wires.
1968 - Blues from Laurel Canyon.
1969 - Looking back.
1969 - Thru the years.
1970 - Empty rooms.
1970 - Usa Union.
1971 - Back to the roots (doble).
1971 - Memories.
1973 - Ten years are gone.
1974 - The latest edition.
1975 - New year new band new company.
1975 - Notice to appear.
1976 - Banquet in blues.
1977 - A hard core package.
1979 - The bottom line.
1981 - Road Show Blues.
1987 - Chicago line.
1990 - A sense of place.
1992 - Cross Country Blues.
1993 - Wake up call.
1995 - Spinning Coin.
1997 - Blues for the lost days
1999 - Padock in the Blues
2001 - Along for the ride
2002 - Stories
2005 - Road dogs
2007 - In the palace of the king
2009 - Tough