令子
令子，或係歌谜、谜歌，係一只传统游戏。佢搦话者嗰意思用文字表达出来，但字面上係寻不到直观含意嗰。
令子嗰传统有老早嗰历史。像《古谣谚》收录喽只汉·献帝初期嗰京师童谣，里头话话：“千里草，何青青。十日卜，不得生。”令子实际上係暗话篡权嗰董卓。书里头话明：
| “ | 续汉书五行志一。献帝践祚之初，京师童谣曰云云。案千里草为董，十日卜为卓。凡别字之体，皆从上起。左右离合，无有从下发端者也。今二字如此者，天意若曰。卓自下摩上，以臣陵君也。青青者，暴盛之貌也。不得生者，亦旋破亡。 | ” |
‘一’
千根线、万根线，跌到水里看不见——（落雨）
‘二’
什哩水面翻跟斗？什哩水面起高楼？什哩水面撑阳伞？什哩水面共白头？ 鸭仔水面翻跟斗。大船水面起高楼。荷叶水面撑阳伞。鸳鸯水面共白头。
‘三’
什哩秋去春天来？什哩飞过剪刀裁？什哩叫得满山震？什哩唱得千户开？ 雁鹅秋去春天来？燕仔飞过剪刀裁？老虎叫得满山震？鸡公唱得千户开？