Chayanne

Chayanne, nado en San Lorenzo o 28 de xuño de 1968, é un cantante, portorriqueño que vive nos Estados Unidos de América. O seu verdadeiro nome é Elmer Figueroa Arce, é fillo dunha profesora e dun director de vendas, e é o terceiro de cinco irmáns.

Foi integrante dun grupo popular na década de 1980 en Porto Rico, "Los Chicos". No ano 1987 grava o seu primeiro álbum en solitario, Chayanne, e comezou a combinar a súa carreira como cantante e actor. Apareceu no filme Dance with Me no ano 1998. O 28 de setembro de 2008, protagonizou un filme chamado Gabriel - amor inmortal, gravado en Miami para Mega Films.

Está casado cunha venezolana, Marilisa Maronese, e ten dous fillos: Lorenzo Valentino e Isadora Sofía.