Derry
| |
| Lema | |
|---|---|
| Vita Victoria Veritas "Vida Vitoria Verdade" | |
| Datos básicos | |
| Estado: |  Reino Unido  Irlanda do Norte
|
| Provincia: |  Ulster
|
| Condado: |  Derry County
|
| Superfície: | 372 km² |
| Poboación: | 214.000 hab. <small]]>(2002) |
| Densidade de poboación: | 336 hab. / km² |
| Altitude: | 70 m. |
| Prefixo telefónico: | +0034 |
| Coordenadas: | 54°59′N 7°19′O / 54.983, -7.317 |
| Política | |
| Alcaldesa: | Helen Quigley (SDLP) |
| Web institucional | |
Derry (denominación católica), Londonderry (denominación protestante) ou Doire (denominación gaélica) é unha cidade de Irlanda do Norte.
Está integrada na rexión do Ulster e no departamento de Derry County e constitúe a segunda cidade máis importante de Irlanda do Norte despois da capital Belfast e a cuarta da illa de Irlanda ( República de Irlanda e Irlanda do Norte)
Cidade
A poboación da cidade era de 83.652 habitantes no 2001, ascendendo a unhas 200.000 se engadimos as localidades veciñas. Está situada cerca da costa, na fronteira coa República de Irlanda. A cidade está rexida por un concello chamado Derry City Council e ten un aeroporto, o Derry City Airport, xunto cun porto, o Londonderry Port. A cidade está atravesada polo río Foyle, e nas súas beiras albérgase a cidade. No lado oeste está o centro da cidade ou Foyle Side e na outra banda atópase Waterside. Existen dúas pontes que atravesan o río Foyle.
Clima
| Xan | Feb | Mar | Abr | Mai | Xuñ | Xul | Ago | Set | Oct | Nov | Dec | Anual | ||
|---|---|---|---|---|---|---|---|---|---|---|---|---|---|---|
| Media diaria de temperaturas máximas (°C) | 10 | 10 | 11 | 12 | 14 | 17 | 18 | 19 | 17 | 15 | 11 | 11 | 13'75 | |
| Media diaria de temperaturas mínimas (°C) | 0 | 0 | 2 | 3 | 5 | 8 | 10 | 10 | 9 | 6 | 4 | 1 | 4'8 | |
| Precipitacións (mm) | 110 | 80 | 90 | 60 | 60 | 70 | 70 | 90 | 100 | 120 | 120 | 100 | 1070 | |
| Fonte: Yahoo! Weather | ||||||||||||||
Historia
Durante o reinado de Carlos II, quen tentou restaurar os dereitos dos católicos, os irlandeses trataron de botar aos granxeiro escoceses protestantes que se instalaran nesas terras, pero estes resgardáronse na cidade de Derry ou Londonderry. Cando Carlos II foi dstituido por Gillerme de Orange, os catolicos irlandeses foron duramente castigados e privados de dereitos tales coma traballar nun servivio público, ou ter escolas católicas. Nin sequera podían mercar un cabalo que costase máis de 5 libras.
Dende ese momento produciuse na cidade unha división entre católicos defensores da República de Irlanda, e protestantes a favor da monarquía británica.
Así, o 30 de xaneiro de 1972 produciuse o chamado Domingo Sanguento (Bloody Sunday). Ese día morreron na cidade 13 homes e nenos non armados a causa dos disparos da forza paracaidista británica tras unha manifestación a favor dos Dereitos Civís para os católicos de Irlanda do Norte no barrio de Bogside. Na honra destas mortes creouse o Bloody Sunday Museum ou Free Derry Museum, e tamén hai visíbeis murais católicos e protestantes nas rúas de Derry.
Galería de imaxes
-
Free Derry Corner
(Rossville St.) -
Batalla do Bogside
(Rossville St.) -
A tarde do desastre
(Rossville St.) -
Operación Motorman
(Rossville St.) -
Bloody Sunday
(Rossville St.) -
Víctimas do Bloody Sunday (Westland St.)