Filipe de Edimburgo
Modelo:Ficha de nobre O Príncipe Filipe, duque de Edimburgo (Filipe de Grecia e Dinamarca), nado en Mon Repos, Corfú, Grecia, o 10 de xuño de 1921, naceu príncipe de Grecia e Dinamarca ao ser fillo de Andreas de Grecia e Dinamarca e de Alicia de Battenberg. É o esposo da raíña Isabel II do Reino Unido e ostenta ademais os títulos de conde de Merioneth, barón Greenwich, cabaleiro da Orde da Jarretera, cabaleiro da Orde do Cardo, Chanceler da Orde do Imperio Británico e Membro da Gran Loxia Unida de Inglaterra.
En 1947, contraeu matrimonio coa princesa Isabel, filla e herdeira do rei Xurxo VI do Reino Unido. Antes do seu matrimonio, Xurxo VI nomeouno duque de Edimburgo, conde de Merioneth e barón Greenwich, outorgándolle o tratamento de Alteza Real. En 1957, Filipe foi nomeado Príncipe do Reino Unido pola raíña Isabel II.
Á parte dos seus deberes reais, o duque de Edimburgo é patrocinador de moitas organizacións, entre elas os Premios Duque de Edimburgo e a World Wide Fund for Nature. Ademais é reitor da Universidade de Cambridge e da Universidade de Edimburgo (a súa filla Ana relevoulle neste último cargo en 2011). En concreto, dedicouse a intentar que a humanidade tome conciencia da súa relación co medio ambiente desde que visitou as illas Sandwich do Sur en 1956. Publicou escritos e realizou charlas sobre temas do medio ambiente ao longo de máis de medio século.