Javier Fernández Abruñedo
Modelo:InfFut2 Javier Fernández Abruñedo, coñecido como Bicho, nado en Sada, A Coruña[1] o 20 de febreiro de 1996,[2] é un futbolista galego. Xoga de mediapunta e o seu equipo actual é a SD Compostela, cedido polo Deportivo da Coruña.
É curmán do escritor Isaac Xubín.
Traxectoria
Formado no Rayo Sadense, con 11 anos pasou a formar parte das categorías inferiores do Deportivo da Coruña. Con 16 anos debutou no Fabril.
Bicho debutou co primeiro equipo do Deportivo o 17 de agosto de 2013, xogando os tres últimos minutos do partido gañado por 0-1 contra a UD Las Palmas.[3]
O 14 de xullo de 2014 confírmase que xogará dúas tempadas cedido no FC Barcelona B.[4]
O 31 de agosto de 2015 anunciouse a súa cesión durante unha tempada no CD Leganés.[5]
O non haber contado con ningún minuto no que vai de tempada, o 31 de decembro de 2015 fíxose oficial a súa cesión á SD Compostela polo que resta dela.[6]
Selección nacional
Foi internacional nas categorías sub-16, sub-17 e sub-19 da selección española.
Notas
- ↑ El amanecer de «Bicho»
- ↑ Biografía de Bicho na páxina da LFP
- ↑ Marca.es, ed. (17 de agosto de 2013). "Valerón no puede hacer milagros" (en castelán).
- ↑ FCBarcelona.es, ed. (14 de xullo de 2014). "Javier Fernández llega cedido al Barça B" (en castelán).
- ↑ Deportivo da Coruña, ed. (31 de agosto de 2015). "Bicho, cedido al Leganés. Queijeiro, al Pontevedra" (en castelán).
- ↑ Deportivo da Coruña, ed. (31 de decembro de 2015). "Bicho, cedido a la SD Compostela" (en castelán).
Véxase tamén
Ligazóns externas
- Datos do xogador en lapreferente.com (en castelán)
- Datos do xogador en transfermarkt.es (en castelán)
- Datos do xogador en scoresway.com (en inglés)