Grandes Lagos Africanos
Para outras páxinas con títulos homónimos véxase: Grandes Lagos.
Os Grandes Lagos Africanos son lagos de orixe tectónica, localizados na África oriental, que inclúen algúns dos lagos máis profundos do mundo. A maior parte destes lagos foi formada hai preto de 35 millóns de anos no Gran Val do Rift Occidental, un dos sectores desta formación xeolóxica que abrangue a Etiopía, Quenia, Tanzania, Uganda, Ruanda, Burundi, Malawi e Mozambique.
Son os seguintes os Grandes Lagos Africanos (de sur para norte):
- Lago Niassa, compartido por Mozambique, Malawi e Tanzania;
- Lago Tanganica, que fai a fronteira entre a República Democrática do Congo, a Tanzania e o Burundi;
- Lago Kivu, que separa Ruanda do Congo;
- Lago Eduardo e Lago Alberte, que separan Uganda do Congo;
- Lago Vitoria, que é o maior de todos, encóntrase entre os dous sectores (oriental e occidental do Val do Rift) e é compartido pola Quenia, Uganda e Tanzania; e
- Lago Turkana, en Quenia, que é o único grande lago africano no sector oriental do Val do Rift.
