A National League A (NLA) é a máxima categoría do hóckey sobre xeo en Suíza. Antes da tempada 2007-08, a liga era denominada oficialmente Nationalliga A (en Alemán, Ligue Nationale A (LNA) (en francés), Lega Nazionale A (en italiano).
Esta liga consta normalmente de 12 equipos. Os oito mellores clasificados logo da liga regular clasifícanse para os play-offs polo título, que son disputados ao mellor de sete partidos en tódalas roldas. Os catro últimos clasificados teñen que xogar para evitar o descenso no chamado play-outs. O perdedor da playout-final xoga un play-off ao mellor de sete partidos contra o gañador da National League B para continuar na NLA.
Historia
Da tempada 1908-09 á 1932-33 existía un Championnat International suízo serie A que non tiña ningún límite de xogadores estranxeiros. Dende a tempada 1915-16 trócase o Championnat International de serie A por un Championnat National de serie A que limita o número de xogadores internaciónais. O Championnat International desapareceu definitivamente na tempada 1932-33 para deixar paso ao Campionato Nacional. Na tempada 1937-38, o Campionato Nacional desaparece para deixar paso á Liga Nacional A.
A seguinte táboa amosa o número total de campionatos acadados por cada club dende 1916. En letra grosa o títulos dende a implantación dos play-offs, e dicir, os acadados dende 1986: