Manuel Chorens
Chorens | |||
---|---|---|---|
Información persoal | |||
Nome | Manuel Chorens García | ||
Nacemento | 22 de xaneiro de 1916 | ||
Lugar de nacemento | Provincia da Coruña | ||
Falecemento | valor descoñecido | ||
Lugar de falecemento | Cuba | ||
Posición | Defensa | ||
Carreira sénior | |||
Anos | Equipos | Aprs | (Gls) |
Britis | |||
Ferrolán | |||
Hércules CF | |||
1928 | Deportivo da Coruña | ||
1929–1934 | DC Gallego | ||
1934 | Sporting de Gijón | ||
1934–1940 | DC Gallego | ||
Selección nacional | |||
Cuba | |||
Na rede | |||
| |||
Partidos e goles só en liga doméstica. [ editar datos en Wikidata ] | |||
Manuel Chorens García, nado na Coruña o 22 de xaneiro de 1916 e finado en data descoñecida, foi un futbolista galego, que xogaba en Cuba, onde chegou a ser o capitán da selección cubana.
Gañou seis veces o Campionato Nacional de Fútbol de Cuba defendendo as cores do Deportivo Centro Gallego e foi o capitán da histórica selección cubana que disputou a Copa do Mundo de 1938.[1]
Traxectoria
[editar | editar a fonte]Clubs
[editar | editar a fonte]Deu os seus primeiros pasos futbolísticos na Coruña, onde xogou nos equipos Britis, Ferrolán, Hércules CF e Deportivo da Coruña, neste último só uns poucos partidos.[2] Despois marchou a Cuba, onde pasou a xogar no Deportivo Centro Gallego da Habana, club ao que se incorporou en xuño de 1929.[3] Pasou a ser un dos xogadores máis destacados do equipo e pouco despois da súa chegada xa era capitán. Co club "galego" gañou a liga cubana en 1932 e 1933 e comezou a actuar tamén como adestrador.[2] A pesar dos rumores da súa fichaxe polo Deportivo da Coruña, e de recibir ofertas tamén do Celta e de equipos mexicanos,[2] finalmente fichou polo Sporting de Xixón en 1934.[4] Con todo, volveu poucos meses despois ao DC Gallego,[5] onde se desempeñou de novo como defensa e en ocasións como adestrador[6] e onde volveu ser un dos xogadores máis destacados do campionato.[7][8] Con este equipo gañou catro campionatos nacionais de xeito consecutivo entre 1937 e 1940.[9]
Selección nacional
[editar | editar a fonte]Xogou na selección cubana, da que foi capitán. Participou como capitán de Cuba na Copa Mundial da FIFA de 1938 en Francia, a única participación dun país caribeño nun Mundial.[10] Eliminaron a selección romanesa e caeron en cuartos de final contra Suecia.[11]
Vida persoal
[editar | editar a fonte]Casou en marzo de 1937 con Emilia García Rouco, na Igrexa de Nosa Señora do Carme da Habana.[12]
Notas
[editar | editar a fonte]- ↑ "Unha ducia de pezas históricas do fútbol galego". Praza.gal. Consultado o 29 de maio de 202.
- ↑ 2,0 2,1 2,2 "La historia Deportivo-habanera de Chorens" (en castelán). 12 de maio de 1933. Consultado o 27 de maio de 2020.
- ↑ "Noticias y comentarios". Diario de la Marina (en castelán). 21 de xuño de 1929. Consultado o 27 de maio de 2020.
- ↑ "Un defensa al Sporting" (en castelán). 1 de febreiro de 1934. Consultado o 27 de maio de 2020.
- ↑ "Tópicos futbolísticos". Diario de la Marina (en castelán). 10 de maio de 1934. p. 11. Consultado o 27 de maio de 2020.
- ↑ "Chorens es el que manda". Diario de la Marina (en castelán). 9 de maio de 1936. p. 16. Consultado o 27 de maio de 2020.
- ↑ "Chorens, el hombre del día". Diario de la Marina (en castelán). 16 de xaneiro de 1936. p. 15. Consultado o 27 de maio de 2020.
- ↑ "El jugador más útil". Diario de la Marina (en castelán). 22 de maio de 1936. p. 15. Consultado o 27 de maio de 2020.
- ↑ "Ahora queda por resolver quien quedará en el segundo lugar: si el Hispano o el Puentes Grandes". Diario de la Marina (en castelán). 28 de maio de 1940. p. 15. Consultado o 27 de maio de 2020.
- ↑ "Cuba, su única victoria mundialista" (en castelán). 9 de xuño de 2018. Consultado o 27 de maio de 2020.
- ↑ "Equipo de Cuba no Mundial de 1938" (en castelán). Consultado o 27 de maio de 2020.
- ↑ "La boda de mañana". Diario de la Marina (en castelán). 28 de febreiro de 1937. p. 5. Consultado o 27 de maio de 2020.
Véxase tamén
[editar | editar a fonte]Outros artigos
[editar | editar a fonte]- Nados en 1916
- Nados na Coruña
- Futbolistas da Coruña
- Futbolistas de Cuba
- Defensas de fútbol
- Galegos de Cuba
- Xogadores do Deportivo da Coruña
- Xogadores do DC Gallego
- Xogadores do Sporting de Gijón
- Xogadores da selección de fútbol de Cuba
- Finados en ano descoñecido
- Xogadores do Hércules CF
- Xogadores do Mundial de Fútbol de 1938
- Futbolistas mundialistas de Galicia