Maranhão
Modelo:Primeira entidade subestatal O Marañón, en portugués Maranhão, é un dos estados do Brasil situado na Rexión Nordeste. Ten como límites ao norte o Océano Atlántico; ao leste e sueste o estado de Piauí; a suroeste e oeste o estado de Pará. A súa capital é a cidade de São Luís. Outra cidade importante é Imperatriz.
Xeografía
Diferente de outros estados do Nordeste brasileiro, o Maranhão non ten rexións de clima semi-árido. Hai 5 tipos principais de vexetación no estado:
- ó oeste, xunto á divisa co estado do Pará o seu clima e vexetación aseméllanse máis ós da selva ecuatorial
- no centro do estado, predomina a chamada Mata de Cocais, con bosques palmeiras como o burití,
- próximo ó litoral, hai unha rexión de campos naturais,
- no litoral, hai mangleirais, dende a foz do río Gurupi ata a foz do río Periá,
- finalmente, ó sur do estado, hai vexetación de sabana, que forma o chamado cerrado brasileiro.
Economía
As principais actividades económicas do estado son a industria (destacándose a transformación de aluminio, a alimenticia e a madeireira), a extracción de babasú, a agricultura (principalmente soia, mandioca, arroz e millo) e a gandería. Máis da metade do PIB do estado concentrase na capital, São Luís. O turismo ten grande potencial no estado, grazas principalmente ás paisaxes naturais da rexión dos Lençóis Maranhenses, ás construcións históricas da capital, São Luís, e da cidade de Alcántara.