Músculo extensor longo do polgar

O músculo extensor longo do polgar é un músculo do membro superior humano, pertencente ao compartimento posterior do antebrazo.

Orixe e insercións

A súa orixe áchase na superficie posterior do cúbito e na membrana interósea. Insírese na superficie dorsal da falanxe distal do polgar. Forma parte do bordo medial da tabaqueira anatómica no pulso.

Función

Estende todas as articulacións do dedo polgar.

Innervación

É innervado polo nervio interóseo posterior.