Ravo

O ravo común (en castelán, rábano), de nome científico Raphanus sativus é unha hortaliza bianual da familia das Brasicáceas, cultivado polos seus característicos hipocotilos, (a parte do talo situado baixo os cotiledones) de consistencia carnosa. O ravo consúmese normalmente cru, sobre todo en ensaladas. O termo designa tamén por extensión á planta que o produce. Os seus froitos preséntanse nunha especie de cápsulas chamadas silicuas.

Froitos en silicua do ravo.

Variantes

Ravos de bulbo alongado.

Ravos de bulbo redondo.

A parte comestible, un bulbo de pulpa blanca, é a parte subterránea e inchada do talo, a que queda xusto enriba da raíz. Pódense atopar ravos de pel de cores varias que van dende o vermello ata o blanco, pasando polos rosas, blancos grisáceos, ou mesmo blancos rotos de algunhas variedades. Sen embargo, o vermello é a variante máis coñecida e corrente. Do mesmo xeito, e dentro da mesma especie, a forma do bulbo tamén pode variar, polo que podemos atopar ravos ben redondos, ou de forma alongada.

• Existe unha grande variedade de ravos de pel amarela, que teñen un sutil sabor a limón.
• O ravo negro (Raphanus sativus var. niger)(ás veces chamado incorrectamente ravo picante, aínda que non pertenza ó seu mesmo xénero) é unha variante de tamaño moito maior e de sabor máis picante.
• Sen embargo, o ravo blanco xigante xaponés, tamén chamado daikon ten un sabor dóce.

Consumo

O bulbo consúmese xeralmente cru en ensalada, pero outras especies máis duras poden ser cocidas ó vapor. A carne crúa ten unha texture crocante e un sabor picante en maior ou menor medida segundo a variante do ravo. O "picante" do gusto pódese eliminar retirando a pel externa. O ravo é máis picante canto maior teña sufrido unha falta de auga durante o seu crecemento.