Antonio Gato
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde maio de 2020.) |
Biografía | |
---|---|
Nacemento | 22 de febreiro de 1945 Monterroso, España |
2019 – xullo de 2020 (dimisión) – Rocío Seijas → | |
1999 – 2015 ← Luis Pereiro Vázquez – Jesús Otero Calvo → | |
Datos persoais | |
País de nacionalidade | España |
Actividade | |
Lugar de traballo | Monterroso |
Ocupación | político , escritor |
Partido político | Partido Socialista Obrero Español |
Membro de | |
Lingua | Lingua galega |
Antonio Edelmiro Gato Soengas, nado en Monterroso o 22 de febreiro de 1945, é un político galego do PSdeG-PSOE.
Traxectoria
[editar | editar a fonte]É diplomado en Maxisterio e licenciado en Dereito pola UNED. Comezou a súa militancia no Partido Socialista Popular de Tierno Galván en 1973, que acabou formando parte do PSdeG-PSOE. Encabezou a candidatura do PSdeG-PSOE en Monterroso en 1979, sendo elixido concelleiro, se ben presentou a súa dimisión ó ano seguinte. Foi elixido deputado autonómico tralas Eleccións ao Parlamento de Galicia de 1981, revalidando a súa acta nas seguintes convocatorias electorais ata a súa retirada das listas en 1997. Foi concelleiro en Castro de Rei de 1991 a 1999, sendo candidato á alcaldía en 1995. Foi deputado provincial no mandato 1991-1995.
Nas eleccións municipais de 1999 encabezou a candidatura do PSdeG-PSOE en Monterroso e foi elixido alcalde por maioría absoluta. Revalidou a alcaldía, tamén por maioría absoluta, nas seguintes eleccións de 2003, 2007 e 2011. No mandato 2007-2011 foi desginado deputado provincial, sendo o portavoz do PSdeG na Deputación de Lugo.
En 2015 perdeu a alcaldía en favor do seu excompañeiro Jesús Otero Calvo, o cal logrou a maioría absoluta á fronte dunha candidatura independente, tralo cal non recolleu a súa acta de concelleiro e se retirou da política local. A comezos de 2018 regresou á política municipal como Secretario Xeral do PSdeG de Monterroso. Porén, as discrepancias co partido, especialmente coa dirección provincial do partido, supuxo que se dese de baixa como afiliado en setembro dese mesmo ano[1].
Nas municipais de 2019 presentouse como candidato á alcaldía por un novo partido, Independentes por Monterroso (IxM) e resultou elixido alcalde por maioría simple, tras gañar as eleccións por tan só un voto de diferenza sobre o PSdeG. Ao pouco disto, destituíu os tenentes de alcalde do seu partido, e gobernou el só. A finais de 2019, nomeou tenentes de alcalde os edís do PSdeG e CxG.[2] En maio de 2020 viviu outra crise de goberno, a segunda no mandato, e destituíu os concelleiros do PSdeG: quedou no goberno el só co apoio do edil de CxG[3]. En xullo de 2020 renunciou á alcaldía e abandonou o concello[4], sendo substituído pola súa excompañeira de IxM Rocío Seijas Vázquez.
En setembro de 2022 anunciouse o seu regreso ao PSdeG-PSOE como candidato á alcaldía de Monterroso nas muncipais de 2023[5]. En dita convocatoria electoral foi a segunda forza máis votada, tan só 8 votos por detrás do PPdeG e con 3 concelleiros ambos. A negativa dos demais partidos a apoialo supuxo que os populares asumisen a alcaldía en minoría.
Predecesor: Luis Pereiro Vázquez |
Alcalde de Monterroso 1999 - 2015 |
Sucesor: Jesús Otero Calvo |
Predecesor: Miguel Rico Gómez |
Alcalde de Monterroso 2019 - 2020 |
Sucesor: Rocío Seijas Vázquez |
Obras
[editar | editar a fonte]- O entroido de Casa de Naia, 1992.
- Francisco Salgado López de Quiroga. Vida e obra poética, 1993.
- Os muíños de auga na Ulloa, 1998.
Notas
[editar | editar a fonte]- ↑ El histórico Antonio Gato deja el PSOE tras 43 años de militancia
- ↑ Antonio Gato nombra a tenientes de alcalde del PSdeG y CxG tras cesar a los suyos
- ↑ Ramudo (2020-05-06). "El PSdeG reclama la dimisión de Gato tras quedarse con el apoyo de un único concejal". COPE (en castelán). Consultado o 2020-05-18.
- ↑ "Antonio Gato: «A miña decisión non ten que ver ca Fiscalía, e demostrareino»". La Voz de Galicia (en castelán). 2020-07-08. Consultado o 2020-07-09.
- ↑ Antonio Gato será el candidato del PSOE en Monterroso
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Ficha na Deputación de Lugo Arquivado 14 de febreiro de 2011 en Wayback Machine.
- Escritores de Galicia en lingua galega
- Deputados do Parlamento de Galicia polo PSdeG-PSOE
- Alcaldes de Monterroso
- Alcaldes de Galicia polo PSdeG-PSOE
- Alcaldes de Galicia durante a democracia
- Deputados provinciais de Lugo
- Nados en Monterroso
- Nados en 1945
- Deputados da I Lexislatura do Parlamento de Galicia
- Deputados da II Lexislatura do Parlamento de Galicia
- Deputados da III Lexislatura do Parlamento de Galicia
- Deputados da IV Lexislatura do Parlamento de Galicia