Asociación Socio-Educativa Antonio Gandoy
Asociación Socio-Educativa Antonio Gandoy | |
---|---|
Tipo | Intervención social; Investigación; Educación |
Propósito | Promover unha educación que capacite á persoa para comprender a realidade, intervir nela e vivir en harmonía consigo mesmo, cos demais e coa natureza |
Campo de traballo | Socio-Educativa |
Data de fundación | 15-02-2013 |
Fundador(es) | Traballadores e traballadoras de Preescolar na Casa |
Eventos/Actividades | Actividades orientadas aos cativos e cativas de 0 a 6 nais, ás súas familias e á sociedade en xeral |
Organización relacionada | Preescolar na Casa |
Persoas relacionadas | Antonio Gandoy; Ermitas Fernández |
Sede | R/ Carril das Flores, 54, 1ºA, 27002, Lugo |
País | Galiza |
43°01′48″N 7°33′48″O / 43.029917662612, -7.563342302555 | |
Na rede | |
Sitio web Páxina de Facebook Canle de Youtube | |
[ editar datos en Wikidata ] |
A Asociación Socio-Educativa Antonio Gandoy é unha entidade sen ánimo de lucro que promove a educación para comprender a realidade, intervir nela e vivir en harmonía consigo mesmo, cos demais e coa natureza dando relevancia á familia nos primeiros anos de vida e asumindo o compromiso coa lingua, a cultura, a contorna e o saber propios dos cativos e cativas como referencias para o desenvolvemento da personalidade especialmente de 0 a 3 anos.
Orixe
[editar | editar a fonte]A Asociación Socio-Educativa Antonio Gandoy continuou a labor de Preescolar na Casa en 2013 tras a cancelación do financiamento por parte da principal entidade sustentadora do programa, a Xunta de Galicia. Un grupo de traballadores e traballadoras vencelladas ao programa anterior decidiu constituír a asociación co gallo de continuar atendendo as necesidades das familias rurais con crianza de meniños e meniñas en idades previas á escolarización obrigatoria. Escolleron o nome (Antonio Gandoy) por ser el o fundador do proxecto anterior en 1977.[1]
Actividades
[editar | editar a fonte]A asociación leva a cabo unha serie de tarefas como[2]:
- A organización e inventario do material realizado por Preescolar na Casa para facilitalo ás persoas interesadas en coñecelo, estudalo ou usalo.
- O deseño de programas e recursos de intervención educativa encamiñados á parentalidade positiva.
- O desenvolvemento de actividades orientadas ás familias e sociedade para a mellora da educación dos meniños e meniñas como:
- Espazos das familias: seminarios que ofrecen formación para mais e pais con nenos e nenas de 0 a 3 anos co gallo de reforzar as competencias parentais e dar resposta ás diferentes necesidades da infancia.
- O son que me arrola: proposta musical para achegar a cultura tradicional oral galega a través das cantigas de berce, rimas e música para as familias de cativos e cativas de 0 a 6 anos.
- Festa xogueteira: xornadas de xogo familiar para mais e pais con petís de 0 a 3 anos a través dunha aprendizaxe estruturada en espazos de construción, motricidade, música, arte, coordinación, manipulación etc.
Colaboracións
[editar | editar a fonte]A asociación fai as súas actividades grazas ás achegas e colaboración de diversas entidades e persoas particulares[3]:
- As persoas poden contribuír como socios numerarios, socios protectores e voluntarios.
- Entre as institución colaboradoras, hai deputacións, concellos, asociacións, bibliotecas, fundacións e centros de desenvolvemento rural.
Obxectivos
[editar | editar a fonte]Os obxectivos da Asociación Socio-Educativa Antonio Gandoy son:[4]
- Promover unha educación que capacite á persoa para comprender a realidade, intervir nela e vivir en harmonía consigo mesmo, cos demais e coa natureza.
- Difundir unha cultura da infancia, das súas necesidades, potencialidades e dereitos de acordo coa Convención dos Dereitos do Neno adoptada e ratificada pola Asemblea Xeral das Nacións Unidas o 20 de novembro de 1989.
- Fomentar a educación da infancia a través de actividades preventivas e formativas que promovan o exercicio da parentalidade positiva.
- Fomentar a xestión do coñecemento sobre a infancia e a familia.
- Promover a creación de servizos de atención socio-educativa a nenas/os e/ou familias de diferentes colectivos, do ámbito rural, poboación dispersa e contornos familiares de especial vulnerabilidade, co fin de promover a igualdade de oportunidades e a conciliación da vida familiar e laboral.
- Fomentar o estudo, conservación e difusión da cultura tradicional galega así como o emprego e promoción da lingua galega.
- Fomentar a relación con entidades públicas e/ou privadas en aspectos que inciden no desenvolvemento e benestar da infancia e da familia.
- Promover programas de voluntariado para o desenvolvemento das accións que se leven a cabo.
Os obxectivos manteñen basicamente a liña de traballo de Preescolar na Casa.[5][6][7]
Notas
[editar | editar a fonte]- ↑ "Asociación socio-educativa Antonio Gandoy: A Asociación". Asociación socio-educativa Antonio Gandoy. Consultado o 2022-08-06.
- ↑ "Asociación socio-educativa Antonio Gandoy: Que facemos". Asociación socio-educativa Antonio Gandoy. Consultado o 2022-08-06.
- ↑ "Asociación socio-educativa Antonio Gandoy: Colabora". Asociación socio-educativa Antonio Gandoy. Consultado o 2022-08-06.
- ↑ "Asociación socio-educativa Antonio Gandoy: Misión. Visión e Valores da nosa Asociación". Asociación socio-educativa Antonio Gandoy. Consultado o 2022-08-06.
- ↑ Blanco, Rodolfo Luis Ferradás; López, José Pablo Franco (2018-01-28). "Preescolar na casa: de preparación para la escuela a educación familiar en el medio rural de Galicia (España) = Preescolar na casa: de preparación para a escola a educación familiar no medio rural de Galicia (España)". Historia y Memoria de la Educación (en castelán) (7): 335–389. ISSN 2444-0043. doi:10.5944/hme.7.2018.18740.
- ↑ Gontad Canosa, Cristina (2000). "Preescolar na Casa". Educación y biblioteca (116): 38–40. ISSN 0214-7491.
- ↑ Fernández Fernández, Ermitas; Rey Otero, M. Luisa (2000). "Preescolar na Casa. La educación infantil-familiar (Galicia)". Revista de Educación 322 (maio-agosto): 143–158.