Avelino Ares
Biografía | |
---|---|
Nacemento | 1975 Ribeira, España |
Morte | 2018 (42/43 anos) Fafián, España |
Datos persoais | |
País de nacionalidade | España |
Actividade | |
Ocupación | batería |
Membro de | Heredeiros da Crus (1992–1992) |
Lingua | Lingua castelá |
Avelino Manuel Ares Santos[1], nado en Ribeira en 1975 e finado entre finais de abril e primeiros de maio de 2018 en Fafián (Ribeira) [2], foi un músico galego, un dos fundadores de Heredeiros da Crus.
Traxectoria[editar | editar a fonte]
Veciños de Ribeira, el e mais Tonhito de Poi, comezaron a tocar nunha banda de pop chamada Eclipse, e en 1992 fundaron Heredeiros da Crus canda outros tres membros (Tuchiño, Javi Maneiro e Francisco Velo). Ares ata o momento fora teclista, pero, necesitados dun batería no novo grupo[3], vendeu o seu teclado e mercou unha batería simple coa que empezaron a tocar e cantar.
Ares deixou ese mesmo ano a banda[3], durante os ensaios do que sería o seu primeiro álbum, A cuadrilla de Pepa a Loba, se ben xa tocara con Heredeiros en diversas ocasións, entre elas a primeira actuación na Festa da Dorna (1992) de Ribeira.
Despois integrou outros grupos de rock, entre os que destacou La Tuna del Norte (2004).
Vida persoal[editar | editar a fonte]
Estivo nas drogas[3] e faleceu nun piso abandonado de Ribeira, a canda a súa parella sentimental, quizais por asfixia por combustión dun braseiro. No tempo do seu falecemento traballaba descargando peixes. Está soterrado no camposanto parroquial de Xuño.
Notas[editar | editar a fonte]
- ↑ "Entierros en Ribeira | Pompas Fúnebres del Noroeste". www.pompasfunebresnoroeste.es (en castelán). Pompas Fúnebres del Noroeste. 2018-05-12. Arquivado dende o orixinal o 15/05/2018. Consultado o 14/5/2018.
- ↑ "Encontran dous cadáveres nun edificio abandonado en Ribeira | CRTVG". www.crtvg.es. Consultado o 14/5/2018.
- ↑ 3,0 3,1 3,2 "El teclista que se hizo batería para dar alas a Heredeiros da Crus". La Voz de Galicia (en castelán). 14/5/2018. Consultado o 14/5/2018.