David Álvarez Rey
Davo | |||
---|---|---|---|
| |||
Información persoal | |||
Nome | Antonio David Álvarez Rey | ||
Nacemento | 18 de decembro de 1994 | ||
Lugar de nacemento | Vilariño | ||
Altura | 1,78 m. | ||
Posición | Extremo dereito | ||
Información de club | |||
Club actual | Deportivo da Coruña | ||
Número | 11 | ||
Carreira xuvenil | |||
Luarca | |||
Avilés | |||
2012–2013 | Real Oviedo | ||
Carreira sénior | |||
Anos | Equipos | Aprs | (Gls) |
2012 | Avilés B | 3 | (1) |
2013 | Oviedo B | 4 | (0) |
2013–2014 | → Langreo | 24 | (5) |
2014–2015 | Caudal | 36 | (9) |
2015–2016 | Zamora | 37 | (13) |
2016–2017 | Oviedo B | 37 | (16) |
2017–2018 | Rápido de Bouzas | 13 | (1) |
2018 | Cerceda | 15 | (0) |
2018–2019 | Zamora | 35 | (20) |
2019–2020 | Langreo | 27 | (13) |
2020–2022 | Ibiza | 60 | (12) |
2022–2023 | Wisła Płock | 18 | (9) |
2023–2024 | Eupen | 7 | (0) |
2023–2024 | → Deportivo da Coruña | 37 | (8) |
2024– | Deportivo da Coruña | 0 | (0) |
Partidos e goles só en liga doméstica. Club: actualizado a 22 de xuño de 2024. [ editar datos en Wikidata ] | |||
Antonio David Álvarez Rey, coñecido como Davo, nado en Vilariño (O Pereiro de Aguiar) o 18 de decembro de 1994, é un futbolista español que xoga como extremo dereito e dianteiro no Deportivo da Coruña, da Segunda División.
Traxectoria
[editar | editar a fonte]Naceu na parroquia de Vilariño, no concello ourensán do Pereiro de Aguiar, e pouco despois trasladouse coa súa familia a Tenerife e logo a Luarca.[1] Criouse na vila asturiana e aos 7 anos comezou a xogar ao fútbol na canteira do Luarca CF, onde estivo ata rematar a súa etapa infantil, ingresando a continuación no equipo cadete do Real Avilés.[2] Na tempada 2011/12 os seus 23 goles co xuvenil do Avilés na Liga Nacional colocárono como o segundo máximo goleador do seu grupo, só por detrás de Carlos Castro,[3] e permitíronlle debutar co filial na Rexional Preferente, o 26 de febreiro de 2012, nun partido ante o Valdesoto.
No verán de 2012 fichou polo Real Oviedo para xogar co seu equipo xuvenil, no que militou unha campaña, chegando a debutar co Oviedo Vetusta na Tercera División. Comezou a campaña 2013/14 nas filas do filial oviedista, pero o 8 de outubro de 2013 saíu cedido ao Langreo, da mesma categoría.[4]
Co equipo dirixido polo veigués Pablo Lago, disputou un total de 24 partidos e marcou 5 goles, conseguindo o ascenso á Segunda B. Para a seguinte campaña seguiu a Lago ao Caudal, de Terceira, onde disputou un total de 38 partidos, anotando 9 goles.[5]
Na tempada 2015/16 fichou polo Zamora,[6] onde incrementou os seus rexistros ata os 13 goles nun total de 43 partidos, case todos como titular. O equipo adestrado por Balta Sánchez proclamouse campión do Grupo VIII da Terceira División, pero non conseguiu ascender ao caer eliminado na promoción.[2] En 2016 regresou ao Oviedo Vetusta,[7] co que marcou 16 goles nos 37 partidos que xogou durante a campaña.
Na 2017/18 fichou polo Rápido de Bouzas, co que debutou na Segunda División B.[8] Ás ordes de Borja Jiménez, contribuíu con 14 partidos e un gol á mellor tempada da historia do club, pero deixou o equipo no mercado invernal, pasando ás filas do Cerceda, da mesma categoría, co que acabou descendendo.[9]
No verán de 2018 volveu ao Zamora e alí conseguiu a mellor cifra goleadora da súa carreira, con 20 tantos en 36 encontros.[10][11] En xullo de 2019 regresou ao Langreo, desta vez na Segunda B, co que marcou 13 goles, sendo o cuarto máximo anotador do Grupo I, por detrás de Rufo, Gabarre e Joselu.[11]
Na tempada 2020/21 púxose ás ordes de Juan Carlos Carcedo no Ibiza e con dez goles foi o máximo goleador do equipo, que conseguiu o primeiro ascenso á Segunda División da súa historia.[12] Na primeira xornada da tempada 2021/22 debutou na categoría de prata, nun empate sen goles ante o Zaragoza na Romareda, onde saltou ao campo na segunda parte como substituto de Ekain Zenitagoia.[13]
En xuño de 2022 deixou por primeira vez o fútbol español e puxo rumbo a Polonia, onde asinou un contrato de dous anos co Wisła Płock da Ekstraklasa.[14] Con todo, xogou só medio ano no club de Płock, pois en xaneiro, sendo naquel momento o máximo goleador da liga con 9 dianas, foi traspasado ao Eupen, da Primeira División de Bélxica.[15] No equipo valón apenas tivo protagonismo, participando só en sete partidos, saíndo en todos eles dende o banco de suplentes.
En xullo de 2023 anunciouse a súa cesión ao Deportivo da Coruña, o terceiro club galego da súa carreira.[16] Na primeira metade da tempada foi titular na maioría das aliñacións do adestrador Imanol Idiakez e a pesar das críticas recibidas tivo un papel importante en decembro cos seus goles ante o Barcelona Atlètic e o Arenteiro, que salvaron unha complicada situación na clasificación e unha posible destitución de Idiakez.[17] Perdeu protagonismo na segunda parte da campaña, que culminou co ascenso do Deportivo á Segunda División. Pechou a tempada cun total de 39 partidos e 8 goles. En xuño de 2024 o club exerceu a opción de compra obrigatoria que tiña sobre o xogador en caso de ascenso.[17]
Palmarés
[editar | editar a fonte]- Zamora
- Terceira División (1): 2015/16.
- Ibiza
- Segunda División B (1): 2020/21.
- Deportivo da Coruña
Notas
[editar | editar a fonte]- ↑ Barreiros, Pedro (6 de abril de 2024). "Davo: «Cuando fui a ver mi primer partido en la grada de Riazor yo me enamoré»". La Voz de Galicia (en castelán). Consultado o 6 de abril de 2024.
- ↑ 2,0 2,1 "David Álvarez el Gol en Segunda b tiene acento Luarqués" (en castelán). 31 de xaneiro de 2021. Consultado o 2 de setembro de 2023.
- ↑ "Máximos Goleadores". lapreferente.com (en castelán). Consultado o 2 de setembro de 2023.
- ↑ "El Langreo ficha al delantero David Álvarez" (en castelán). 8 de outubro de 2013. Consultado o 2 de setembro de 2023.
- ↑ "David Álvarez deja el Langreo y se va al Caudal" (en castelán). 5 de xullo de 2014. Consultado o 2 de setembro de 2023.
- ↑ "David Álvarez deja el Caudal por el Zamora" (en castelán). 27 de xuño de 2015. Consultado o 2 de setembro de 2023.
- ↑ "El Vetusta se pone en marcha" (en castelán). 13 de xullo de 2016. Consultado o 2 de setembro de 2023.
- ↑ "El Rápido echa a correr con lo puesto" (en castelán). 18 de xullo de 2017. Consultado o 2 de setembro de 2023.
- ↑ "Así son las nuevas caras del Cerceda". La Voz de Galicia (en castelán). 7 de febreiro de 2018. Consultado o 2 de setembro de 2023.
- ↑ "El delantero David Álvarez ficha por el Zamora CF" (en castelán). 7 de xullo de 2018. Consultado o 2 de setembro de 2023.
- ↑ 11,0 11,1 Zapico, Borja (3 de xullo de 2019). "El gijonés David Álvarez regresa al Langreo" (en castelán). Consultado o 2 de setembro de 2023.
- ↑ "Davo, primer fichaje de la UD Ibiza para la próxima temporada" (en castelán). 13 de xullo de 2020. Consultado o 2 de setembro de 2023.
- ↑ Christian, Ortiz (14 de agosto de 2021). "El Zaragoza decepciona y empata ante un valiente Ibiza". Marca (en castelán). Consultado o 2 de setembro de 2023.
- ↑ "Ofensywnie usposobiony Antonio David Álvarez Rey, znany również jako Davo, to kolejny zawodnik, który zasili szeregi Wisły Płock przed inauguracją rozgrywek 2022/2023 w PKO Bank Polski Ekstraklasie." (en polaco). Consultado o 2 de setembro de 2023.
- ↑ "KAS Eupen signs Spanish forward Davo" (en inglés). 1 de febreiro de 2023. Consultado o 2 de setembro de 2023.
- ↑ "Antonio David Álvarez 'Davo', novo xogador do Dépor 2023-24". 18 de xullo de 2023. Consultado o 2 de setembro de 2023.
- ↑ 17,0 17,1 "El Deportivo anuncia la ejecución de la compra de Davo" (en castelán). 19 de xuño de 2024. Consultado o 24 de xuño de 2024.
Véxase tamén
[editar | editar a fonte]Ligazóns externas
[editar | editar a fonte]- Datos do xogador en LaPreferente.com (en castelán).
- Nados en 1994
- Nados no Pereiro de Aguiar
- Futbolistas da provincia de Ourense
- Futbolistas de Asturias
- Dianteiros de fútbol
- Xogadores do Real Avilés CF
- Xogadores do Real Oviedo B
- Xogadores do UP Langreo
- Xogadores do Caudal Deportivo
- Xogadores do Zamora CF
- Xogadores do Rápido de Bouzas
- Xogadores do CCD Cerceda
- Xogadores do KAS Eupen
- Xogadores do Deportivo da Coruña