Manuel Fariña Suárez
Biografía | |
---|---|
Nacemento | 1943 Cabana de Bergantiños, España |
Morte | 8 de xuño de 2000 (56/57 anos) A Coruña, España |
Alcalde de Cabana de Bergantiños | |
Datos persoais | |
País de nacionalidade | España |
Actividade | |
Ocupación | político , mestre |
Partido político | Partido dos Socialistas de Galicia Partido Demócrata Popular |
Manuel Fariña Suárez, nado en 1943 en Cabana de Bergantiños e finado o 8 de xuño de 2000 na Coruña foi un político e mestre galego.
Traxectoria[editar | editar a fonte]
Diplomado en Maxisterio e Filoloxía Hispánica con especialidade en francés[1], exerceu como mestre de EXB no CPI As Revoltas, en Cabana de Bergantiños. Foi elixido concelleiro neste municipio en 1973 polo terzo de entidades culturais[2], e trala dimisión de Julián Tedín en 1977 para presentarse ás eleccións xerais por AP, foi elixido novo alcalde de Cabana. Nas eleccións municipais de 1979 encabezou a candidatura Agrupación Independente de Cabana e foi elixido alcalde cunha ampla maioría absoluta, con 9 concelleiros de 13. En 1983 encabezou a candidatura da coalición de AP co PDP e Unión Liberal e foi reelixido alcalde coa mesma maioría. En 1987 encabezou a candidatura da CPG e foi reelixido con 10 concelleiros. Foi un dos alcaldes desta coalición que respaldou o apoio de 3 dos seus deputados á moción de censura do socialista Salvador Fernández Moreda contra o popular José Manuel Romay Beccaría na Deputación da Coruña en xuño de 1989.
Nas municipais de 1991 encabezou o PSdeG-PSOE e foi reelixido cunha maioría absoluta de 9 concelleiros. En 1995 perdeu a alcaldía en favor do PPdeG, que logrou maioría absoluta. Nas municipais de 1999 conseguiu recuperala alcaldía ó perdela maioría absoluta os populares e alcanzar un pacto de goberno co BNG. Faleceu o 8 de xuño de 2000 na súa casa da Coruña, sendo sucedido na alcaldía polo tamén socialista Enrique Díaz Varela.
Predecesor: Julián Tedín |
Alcalde de Cabana de Bergantiños 1977 - 1995 |
Sucesor: Manuel Barral Castro |
Predecesor: Manuel Barral Castro |
Alcalde de Cabana de Bergantiños 1999 - 2000 |
Sucesor: Enrique Díaz Varela |
Vida persoal[editar | editar a fonte]
Casou con María del Carmen Garrido Riveiro e tiveron 4 fillos[3].
Notas[editar | editar a fonte]
Véxase tamén[editar | editar a fonte]
Outras páxinas[editar | editar a fonte]
Ligazóns externas[editar | editar a fonte]
- Alcaldes de Cabana de Bergantiños
- Alcaldes de Galicia polo PSdeG-PSOE
- Alcaldes de Galicia por Coalición Progresista Galega
- Alcaldes de Galicia por AP
- Alcaldes de Galicia de candidaturas independentes
- Alcaldes de Galicia durante a democracia
- Alcaldes de Galicia durante o franquismo e a transición
- Nados en Cabana de Bergantiños
- Nados en 1943
- Finados en 2000