Manuel Antonio Ínsua Fernández
Biografía | |||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Nacemento | 8 de outubro de 1961 Noia, España | ||||||||||||||||||||||||||||||||||||||
Datos persoais | |||||||||||||||||||||||||||||||||||||||
País de nacionalidade | España | ||||||||||||||||||||||||||||||||||||||
Actividade | |||||||||||||||||||||||||||||||||||||||
Ocupación | futbolista | ||||||||||||||||||||||||||||||||||||||
Lingua | Lingua castelá | ||||||||||||||||||||||||||||||||||||||
Deporte | fútbol | ||||||||||||||||||||||||||||||||||||||
| |||||||||||||||||||||||||||||||||||||||
Manuel Antonio Ínsua Fernández, nado en Noia o 8 de outubro de 1961, é un exfutbolista galego máis coñecido como Tono, que xogaba na demarcación de defensa.
Traxectoria
[editar | editar a fonte]Como xogador
[editar | editar a fonte]Comezou a xogar na súa vila natal, Noia, de onde foi fichado polo Celta de Vigo para xogar no equipo filial, o Gran Peña. A causa da folga do 2 de setembro de 1984, convocada polo sindicato de futbolistas (AFE) reclamando unha regulación laboral[1], os equipos profesionais vense obrigados a tirar de xogadores dos filiais, así é como Tono debuta co primeiro equipo.
A raíz do seu debut Tono foi gañando a confianza do adestrador, Félix Carnero, disputando esa tempada 19 encontros. O seguinte curso, xa en Primeira División, Tono perde peso no equipo coa fichaxe de Maraver e coa consolidación do canteirán Lema, cos que ten que compartir a titularidade. Debutou en Primeira o 31 de agosto de 1985 ante a Real Sociedad.
O equipo volveu descender na tempada 1985/86, porén recuperaría a categoría ao ano seguinte na que foi a tempada de Liga máis longa da historia, cunha modesta participación de Tono que incluíu o partido final ante o Sestao SC.
Acadado o ascenso déuselle a baixa a varios futbolistas como a Lema, e entre eles a Tono que fichou polo CD Lalín na Segunda División B. Tras dous anos en Lalín fichou polo SD Compostela dirixido por Fernando Castro Santos, co equipo xogou en Terceira, Segunda B e Segunda División acadando ascensos consecutivos e militando dous anos nesta última.
En 1993 ficha polo Racing de Ferrol para rematar colgando as botas no CD Lalín na Terceira División.
Como adestrador
[editar | editar a fonte]Unha vez retirado do fútbol en activo dirixe como adestrador os equipos inferiores do Compostela e fugazmente ao Vilalonga CF. En 1999 asume a dirección do Noia CF ata que en 2001 se fai cargo do Atlético de Riveira durante dous anos para despois volver ao Noia.
En 2004 ficha polo CD Boiro de Rexional Preferente, ao que dirixiu durante tres tempadas. En 2007 fichou polo Santiago de Compostela CF.
Notas
[editar | editar a fonte]- ↑ "El fútbol español ha vivido cuatro huelgas convocadas por los futbolistas". La Vanguardia (en castelán). 5 de novembro de 2009. Arquivado dende o orixinal o 06 de agosto de 2012. Consultado o 26 de febreiro de 2013.
- Nados en Noia
- Nados en 1961
- Futbolistas da provincia da Coruña
- Defensas de fútbol
- Xogadores do Gran Peña
- Xogadores do Celta de Vigo
- Xogadores do CD Lalín
- Xogadores da SD Compostela
- Xogadores do Racing de Ferrol
- Adestradores de fútbol de Galicia
- Adestradores do Vilalonga CF
- Adestradores do Noia CF
- Adestradores do Atlético de Riveira
- Adestradores do CD Boiro
- Adestradores do Santiago de Compostela CF