Nutella
Nutella | |
Orixe | Piemonte, |
Información comercial | |
Marca | Nutella |
Fabricante | Ferrero |
Período | 1963 - presente |
Valor nutricional | 544 kcal cada 100 g |
Ingredientes | |
Orixe vexetal | Cacao Abelá |
Nutella é unha crema doce a base de cacao e abelás fabricada pola firma italiana Ferrero. Foi creada en 1963 por Pietro Ferrero, quen se baseou na pasta gianduia, preparación típica da rexión do Piemonte.
Información nutricional
[editar | editar a fonte]A Nutella aporta 544 kcal x 100 gramos.[1] A páxina web de Ferrero informa que 1 cullerada con 15 gramos contén:
- Calorías: 81 kcal
- Carbohidratos: 11g
- Proteínas: 1,2g
- Graxas totais: 6,3g
- Graxas saturadas: 2,1 g
Ingredientes
[editar | editar a fonte]- Azucre, aceite vexetal, abelás (13%)
- Cacao desgraxado (7,4%)
- Leite desnatado en po (6,6%)
- Soro lácteo en po
- Emulxentes: lecitinas (soia), vainillina
Historia
[editar | editar a fonte]Gianduja é unha mestura que contén aproximadamente 50% de abelás e 50% de chocolate. Foi feito no Piemonte, despois de que os impostos sobre os grans de cacao impediran a fabricación e distribución de chocolate convencional. Pietro Ferrero -que era dono dunha pastelería en Alba, no distrito de Langhe do Piemonte, unha zona coñecida pola produción de abelás- vende un lote inicial de 300 quilogramos (660 libras) de "Pasta Gianduja" en 1946. Este foi orixinalmente un bloque sólido, pero en 1949, Pietro comezou a vender unha versión cremosa, comercializada en 1951 como "Supercrema". En 1963, o fillo de Pietro, Michele renova Supercrema coa intención de comercializalo en toda Europa. A súa composición foi modificada e foi rebautizado co nome de "Nutella". O primeiro tarro de Nutella Ferrero saíu da fábrica de Alba o 20 de abril de 1964. O produto foi un éxito inmediato e segue sendo moi popular.
Nutella é actualmente un produto que se comercializa en Australia, Estados Unidos, Suecia, O Salvador, Austria, Canadá, Francia, Bélxica, Dinamarca, Alemaña, Grecia, Italia, Países Baixos, Polonia, Portugal, Rusia, España, Suíza, Turquía, Reino Unido, Alxeria, Exipto, Libia, Marrocos, Tunisia, Kuwait, Arabia Saudita, EAU, Nova Zelandia, Israel, Costa Rica, Guatemala, Honduras, México, Nicaragua, Arxentina, Panamá, Perú, Paraguai, Uruguai, Brasil, Chile, Ecuador, Venezuela, Perú, Porto Rico, República Dominicana, Xapón, China, Tailandia, Porto Rico, Bolivia e Colombia.
Gastronomía
[editar | editar a fonte]- Úntase en galletas ou pan para preparar merendas, que incluso pode combinarse con crema de cacahuete e xelea.
- Úsase para elaborar pasteis e sobremesas.
- Úsase para preparar trufas de chocolate.
- Úsase para preparar crepes.
- Úsase para facer café de Nutella.
Notas
[editar | editar a fonte]- ↑ "Copia arquivada". Arquivado dende o orixinal o 21 de febreiro de 2014. Consultado o 11 de febreiro de 2014.
Véxase tamén
[editar | editar a fonte]Commons ten máis contidos multimedia sobre: Nutella |