Real Betis Baloncesto
Real Betis Baloncesto | |
Información xeral | |
---|---|
Liga | Primeira FEB |
Fundación | 1987 |
Historia | CDB Sevilla (1987–2018) |
Cores | Verde, branco |
Presidente | |
Adestrador | |
Patrocinador | Coosur |
Mascota | Jerónimo |
Localización | |
Cidade | |
Pavillón | Palacio Municipal San Pablo |
Capacidade | 7 626 |
Inauguración | 1987 |
realbetisbaloncesto.com |
O Real Betis Baloncesto S.A.D. é un equipo profesional de baloncesto da cidade de Sevilla, Andalucía (España). Actualmente o equipo participa na Primeira FEB, a segunda categoría do baloncesto español, xogando os seus partidos como local no Palacio Municipal de Deportes San Pablo, un pavillón con capacidade para 7 626 espectadores. Durante anos, por mor do patrocinio dunha entidade financeira, o equipo foi coñecido popularmente como Caja San Fernando.
Historia
[editar | editar a fonte]As orixes do Club Deportivo de Baloncesto Sevilla remóntanse a 1987, ano no que a entidade hispalense compra os dereitos do club Dribling de Madrid de Primeira B. A compra foi feita co apoio económico da Deputación Provincial de Sevilla,[1] da que tamén dependía a caixa de aforros Caja San Fernando e que patrocinaría ao club.[2] Logrado o obxectivo da praza, encargóuselle a José Luís Sáez, presidente por aquel entón da Federación Andaluza de Baloncesto, e a Guillermo Sierra Molina, primeiro presidente e membro fundador do club, o labor de iniciar as negociacións cos xogadores que posteriormente engrosarían as filas do equipo.
Na temporada 1987−88, co equipo en Primeira División B, o equipo clasifícase para disputar os play-offs de ascenso, sendo eliminado polo Mayoral Maristas. Na temporada seguinte é cando o equipo logra o ascenso á Liga ACB, tras vencer nas eliminatorias finais ao Lagisa Gijón e ao Syrius Patronato de Mallorca. Na temporada 1992−93, a cuarta en Liga ACB, o equipo acada o quinto lugar e logra unha praza para disputar a Copa Korać, debutando así na tempada seguinte en competición internacional. Nas temporadas 1995−96 e 1998−99 consegue a súa mellor clasficiación na historia, conseguindo acadar o subcampionato de Liga. O equipo acadou a segunda praza após perderen na final ante o Barcelona en ámbalas ocasións. Estes segundo postos permitiron ao equipo disputar a máxima competición continental, a Euroliga. Con todo, o maior éxito a nivel europeo non chegaría até a temporada 2010−11, cando o equipo foi subcampión da EuroCup, a segunda principal competición europea.
Porén, en 2016 o equipo está a piques de desaparecer debido a problemas económicos. No verán de 2016, CaixaBank, que era o accionista maioritario da sociedade desde que comprou Banca Cívica, anterior propietario das antigas accións da Caja San Fernando, vendeu a súa participación á empresa Energía Plus e ao Real Betis Balompié.[3] Isto evita a desaparición do equipo, aínda que os problemas continúan coa descenso á Liga LEB en 2018. En Xunta Xeral de Accionistas celebrada o 15 de decembro de 2018, e tras recibir o permiso da Casa Real, o equipo muda o nome da sociedade a Real Betis Baloncesto S.A.D.[4] Despois desta mudanza, o club consegue regresar na mesma campaña á Liga ACB.
Patrocinios
[editar | editar a fonte]Por motivos de patrocinio, o club tivo diversos nomes ao longo da súa historia. Durante as primeiras dúas décadas do club, recibiu o nome de Caja San Fernando. En 2001, con motivos da posible fusión das caixas de aforro "Caja San Fernando" e "El Monte de Piedad", rumoreouse a posibilidade do nome de "Alcaja". Este proxecto de fusión non se levou a cabo naquela altura, levándose a cabo anos máis tarde e recibindo o nome co cal se lle coñeceu ata xullo de 2011, "Cajasol".
- Caja San Fernando (1987–2007)
- Cajasol (2007–2010)
- Cajasol Banca Cívica (2010–2011)
- Banca Cívica (2011–2012)
- Cajasol (2012–2014)
- Baloncesto Sevilla (2014–2016)
- Real Betis Energía Plus (2016–2019)
- Coosur Real Betis (2019–presente)
Pavillón
[editar | editar a fonte]- Artigo principal: Palacio Municipal de Deportes San Pablo.
O conxunto hispalense disputa os seus encontros no Palacio Municipal dos Deportes de San Pablo, un pavillón que está situado no barrio sevillano de San Pablo, que foi inaugurado no ano 1987 e que conta cunha capacidade para 7 626 espectadores. Este enclave deportivo albergou a Copa do Rei dos anos 1994 e 2004, e foi sede do Eurobasket celebrado en España en 2007.
Indumentaria
[editar | editar a fonte]Nas súas orixes, en 1987, o Club Deportivo de Baloncesto Sevilla adopta as cores dos dous principais clubs de fútbol da cidade, o Sevilla Fútbol Club e o Real Betis Balompié. O obxectivo era xuntar nun só club de baloncesto os sentimentos dos afeccionados dos dous rivais futbolísticos, empregando o vermello do Sevilla e o verde do Betis. Entre 1987 e 2004, o Baloncesto Sevilla emprega como primeira indumentaria, en pantalóns e en camiseta, a cor vermella con elementos decorativos verdes e como segunda unha indumentaria a inversa, é dicir, verde con elementos decorativos vermellos. Nalgunhas ocasión tamén empregou un equipamento branco con elementos decorativos vermellos ou verdes.
Após dezasete anos de utilización da cor vermella, na temporada 2004−05 suprímese, quedando unha primeira equipación de cor verde, tanto en pantalón como en camiseta, e mantendo a indumentaria de cor branca, tanto en pantalón como en camiseta como segundo equipamento. Dende a entidade alúdese que a eliminación do equipamento vermello débese a motivos de imaxe da entidade patrocinadora, a Caja San Fernando. Na temporada 2007−08 cámbianse definitivamente ambas cores, adoptando equipacións negras e brancas. Este cambio de cores non foi ben recibido pola afección, xa que os seareiros non se sentían representados por eles, sendo habitual o cántico dos afeccionados de "Sevilla es verde y roja" (do castelán: Sevilla é verde e vermella). Esta cor negra mantense até a temporada 2009−10, adoptando esta vez as cores azul e branco con elementos decorativos dourados. Esta mudanza de cores fíxose para adpatarse ás cores da empresa patrocinadora, Cajasol primeiro e Banca Cívica despois.
Para a temporada 2013−14, o club pregunta aos seus seareiros polas súas cores preferidas para o equipo. As cores escollidas maioritariamente foron o verde e o vermello, volvendo así as cores clásicas das orixes do "Caja San Fernando". A partir da temporada 2016−17, con motivo do novo patrocinio do Real Betis, o club comeza a vestir as cores tradicionais do equipamento bético: verde e branco en barras verticais. O segundo equipamento pasa a ser verde ao completo. Isto produciu o enfado dalgúns seguidores, de feito provocou a disolución do principal grupo de animación do club, La Keka.[5]
Xogadores
[editar | editar a fonte]Cadro actual
[editar | editar a fonte]Real Betis Baloncesto 2022−2023 | ||||||||||||||||||||||||||||||||||||||||||||||||||||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Xogadores | Adestradores | |||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
Dorsais retirados
[editar | editar a fonte]Dorsais retirados polo Real Betis | ||||
N° | Xogador | Posición | Etapa | |
---|---|---|---|---|
9 | Raúl Pérez | Ala | 1989–1997, 2002–2006 |
Destacados
[editar | editar a fonte]Nacho Azofra
Iván Corrales
Salva Díez
Chuck Kornegay
Raúl Pérez
Ignacio Romero
Mike Smith
Hernán Jasen
Chris Anstey
Martin Cattalini
Vassil Evtimov
Carl English
Maurice Ager
Mike Anderson
Elmer Bennett
Louis Bullock
Paul Davis
James Donaldson
Tyrone Ellis
Darryl Middleton
Hollis Price
Lou Roe
Richard Scott
Steve Trumbo
Clay Tucker
Andre Turner
Warren Kidd
Beka Burjanadze
Patrick Femerling
Michalis Kakiouzis
Kristaps Porziņģis
Donatas Slanina
Francisco Elson
Michał Ignerski
John Holland
Darren Phillip
Ondřej Balvín
Tomáš Satoranský
Duško Savanović
Galardóns individuais
[editar | editar a fonte]MVP da ACB
- Michael Anderson – 1996
Concurso de triplas da ACB
- Raúl Pérez – 2003
Concurso de mates da ACB
- Tomáš Satoranský – 2010
Estrela emerxente da EuroCup
- Kristaps Porziņģis – 2015
Primeiro quinteto da EuroCup
- Tariq Kirksay – 2011
Segundo quinteto da EuroCup
- Paul Davis – 2011
Adestradores
[editar | editar a fonte]A seguinte é unha lista dos adestradores do Real Betis desde a fundación do club en 1987.
Arturo Montequi (1987)
Ramón Etchamendi (1987−1988)
Leo Chaves (1988)
José Alberto Pesquera (1988−1995)
Aleksandar Petrović (1995−1997)
Salva Maldonado (1997−1998)
José Alberto Pesquera (1998)
Javier Imbroda (1998−2001)
Javier Fijo (2001)
Marco Crespi (2001−2002)
Gustavo Aranzana (2002−2004)
Velimir Perasović (2004−2005)
Javier Fijo (2005)
Óscar Quintana (2005)
Javier Fijo (2005)
Manel Comas (2005−2007)
Moncho López (2007)
Rubén Magnano (2007−2008)
Manel Comas (2008)
Angel González Jareño (2008)
Pedro Martínez (2008−2009)
Joan Plaza (2009−2012)
Aíto García Reneses (2012−2014)
Scott Roth (2014−2015)
Javier Carrasco (2015)
Luis Casimiro (2015−2016)
Žan Tabak (2016−2017)
Alejandro Martínez (2017)
Óscar Quintana (2017−2018)
Javier Carrasco (2018)
Curro Segura (2018−2020)
Joan Plaza (2020−presente)
Palmarés
[editar | editar a fonte]- Campións (1): 2018–19
- Campións (1): 2019
Copa Andalucía
- Campións (6): 1998, 1999, 2002, 2005, 2009, 2019
- Subcampións (12): 1997, 2001, 2003, 2007, 2010, 2011, 2012, 2014, 2015, 2016, 2017, 2018
Historial
[editar | editar a fonte]Ano | Nivel | Liga | Pos. | V–D | Copa do Rei | Outras copas | Competicións europeas | |||
---|---|---|---|---|---|---|---|---|---|---|
1987–88 | 2 | 1ª B | 10º | 20–21 | ||||||
1988–89 | 2 | 1ª | 2º | 22–14 | ||||||
1989–90 | 1 | ACB | 12º | 17–23 | Oitavos de final | |||||
1990–91 | 1 | ACB | 12º | 18–22 | Terceira rolda | |||||
1991–92 | 1 | ACB | 19º | 17–21 | Primeira rolda | |||||
1992–93 | 1 | ACB | 5º | 22–14 | Cuartos de final | |||||
1993–94 | 1 | ACB | 6º | 17–17 | Terceira rolda | 3 Copa Korać | FG | 4–6 | ||
1994–95 | 1 | ACB | 10º | 19–19 | Segunda rolda | 3 Copa Korać | FG | 6–4 | ||
1995–96 | 1 | ACB | 2º | 27–21 | Cuartos de final | |||||
1996–97 | 1 | ACB | 9º | 19–15 | Cuartos de final | 1 Euroliga | OF | 7–11 | ||
1997–98 | 1 | ACB | 13º | 13–21 | ||||||
1998–99 | 1 | ACB | 2º | 31–15 | Subcampión | |||||
1999–00 | 1 | ACB | 5º | 23–15 | Semifinais | 1 Euroliga | FG | 6–10 | ||
2000–01 | 1 | ACB | 12º | 13–21 | 2 Copa Saporta | OF | 5–7 | |||
2001–02 | 1 | ACB | 12º | 14–20 | Cuartos de final | |||||
2002–03 | 1 | ACB | 12º | 16–18 | ||||||
2003–04 | 1 | ACB | 12º | 15–19 | Semifinais | |||||
2004–05 | 1 | ACB | 10º | 14–20 | ||||||
2005–06 | 1 | ACB | 11º | 14–20 | ||||||
2006–07 | 1 | ACB | 13º | 14–20 | Cuartos de final | |||||
2007–08 | 1 | ACB | 10º | 14–20 | ||||||
2008–09 | 1 | ACB | 14º | 10–22 | 2 EuroCup | 2RC | 0–2 | |||
3 EuroChallenge | OF | 5–7 | ||||||||
2009–10 | 1 | ACB | 6º | 20–17 | Cuartos de final | |||||
2010–11 | 1 | ACB | 11º | 16–18 | 2 EuroCup | 2º | 10–6 | |||
2011–12 | 1 | ACB | 7º | 18–18 | Semifinais | |||||
2012–13 | 1 | ACB | 15º | 12–22 | 2 EuroCup | OF | 4–8 | |||
2013–14 | 1 | ACB | 7º | 19–18 | ||||||
2014–15 | 1 | ACB | 15º | 12–22 | 2 EuroCup | L32 | 7–9 | |||
2015–16 | 1 | ACB | 11º | 14–20 | ||||||
2016–17 | 1 | ACB | 16º | 9–23 | ||||||
2017–18 | 1 | ACB | 18º | 7–27 | ||||||
2018–19 | 2 | LEB | 1º | 30–4 | Copa Princesa | C | ||||
2019–20 | 1 | ACB | 15º | 8–15 | ||||||
2020–21 | 1 | ACB | 16º | 11–25 |
Filial
[editar | editar a fonte]O Real Betis Baloncesto posúe un equipo filial, o Real Betis B, o cal na temporada 2021−22 milita na cuarta categoría do baloncesto español, a Liga EBA.
Notas
[editar | editar a fonte]- ↑ Fernández, Pepe (20 de xullo de 2016). "Baloncesto Sevilla, la Caixa acaba con una ilusión". Confidencial Andaluz (en castelán).
- ↑ Delmás, Alejandro (14 de xaneiro de 2015). "Baloncesto Sevilla: situación límite tras 25 años en la ACB". Diario As (en castelán).
- ↑ "CB Sevilla se salva de desaparición con la entrada del Betis y Energía Plus". La Vanguardia (en castelán). 21 de xullo de 2021.
- ↑ "El CB Sevilla pasa a denominarse oficialmente Real Betis Baloncesto". ABC (en castelán). 15 de decembro de 2018. Arquivado dende o orixinal o 02 de abril de 2019. Consultado o 24 de agosto de 2021.
- ↑ "Indignación de los sevillistas después de que el equipo de baloncesto de la ciudad pase a llamarse Real Betis". vozpopuli.com (en castelán). 18 de agosto de 2016.