28 Days Later
28 Days Later | |
---|---|
Logo título do filme | |
Ficha técnica | |
Título orixinal | 28 Days Later |
Director | Danny Boyle |
Produtor | Andrew Macdonald |
Guión | Alex Garland |
Intérpretes | Cillian Murphy Naomie Harris Brendan Gleeson Megan Burns Christopher Eccleston |
Música | John Murphy |
Fotografía | Anthony Dod Mantle |
Montaxe | Chris Gill |
Estudio | DNA Films British Film Council |
Distribuidora | Fox Searchlight Pictures |
Estrea | 2002 |
Duración | 113 minutos |
Orixe | |
Xénero | Ficción científica, terror |
Orzamento | £5 000 000 |
Recadación | £52 833 190,55 (ou $82 719 885) |
Filme seguinte | 28 Weeks Later |
Na rede | |
http://www.foxsearchlight.com/28dayslater/ | |
28 Days Later é unha película británica de terror. Foi dirixida polo británico Danny Boyle, estreada en Reino Unido o 1 de novembro de 2002. Deu lugar a unha secuela no 2007, 28 Weeks Later, e a unha novela gráfica.
Sinopse
[editar | editar a fonte]A historia comeza cando unha incursión de activistas a favor dos dereitos dos animais ceiba a un grupo de monos infectados cun contaxioso virus que se transmite a través do sangue e a saliva. Mais o virus acabarase estendendo por todo o Reino Unido, transformando a case a totalidade da poboación en seres violentos e primitivos, e obrigando a declarar unha corentena total sobre a illa.
O protagonista, Jim (Cillian Murphy) desperta dun coma nun hospital londiniense 28 días despois de iniciarse a pandemia. Ao saír, Jim descobre un Londres deserto e apocalíptico. Ao anoitecer, Jim acaba sendo perseguido por un grupo de infectados, a atoparase con Selena e Mark, dous sobreviventes, que se dan desfeito dos infectados. Mark e Selena levan a Jim ao seu agocho no Metro de Londres. Mark explícalle a Jim como se expandiu o virus mutante polo Reino Unido arrasando todo, especialmente en Londres. Ao día seguinte, o grupo vai á casa de Jim e descobren que os padres de Jim, nun último intento de non ser infectados, se suicidaron. Ao anoitecer, uns infectados entran na casa; Mark e Selena logran matalos, mais Mark cortouse cun vidro, así que Selena execútao antes de que se converta nun infectado. Selena explícalle a Jim como o virus se contaxia por mordeduras, sangue e saliva, e que o virus tarda só 20 segundos en facer efecto.
Logo, tras ver unhas luces, chegan a un edificio de apartamentos abandonado onde coñecen a Frank e á súa fila Hannah. Fican con eles uns días e cando a auga e a comida comezan a escasear, Frank failles escoitar a Jim e Selena un anuncio por radio do exército que ofrece seguridade e un novo comezo, así que intentan dirixirse ao norte cara Manchester, o que lles levará 3 días. Cando chegan, encontran todos os helicópteros e autos militares baleiros. Frank acaba infectado polo virus nun accidente, caéndolle unha gota de sangue dun infectado que estaba morto recostado nunha planta superior, ao ollo deste. Cando Jim estaba a punto de golpear a Frank infectado aparecen militares para disparar e matar a Frank. A situación na mansión que utilizan como refuxio non é boa, xa que o plan dos militares inclúe converter ás compañeiras de Jim en escravas sexuais para repoboar a terra cando os infectados teñan morto por inanición. Jim e as súas compañeiras conseguen escapar, mais Jim é gravemente ferido por un disparo.
As derradeiras escenas da película mostran a Jim, Selena e Hannah nunha pequena casa no campo, fabricando un enorme cartel que di Hello ("ola") en espera de ser rescatados polos avións de recoñecemento que os sobrevoan.
Finais alternativos
[editar | editar a fonte]O DVD da película presenta tres finais alternativos, dous dos cales foron filmados, polo menos parcialmente, mentres que o terceiro apenas foi esbozado polos guionistas. Nos tres finais alternativos Jim morre, a diferenza da versión definitiva, na que se salva.
Jim morre no hospital
[editar | editar a fonte]Neste final, Jim é ferido polo disparo do comandante Henry West, e Selena e Hannah lévano a un hospital, pero as manobras de resucitación non funcionan, e ambas afástanse, armadas, a través do hospital deserto. No comentario incluído no DVD, Boyle e Garland explican que este foi a fin orixinal da película, pero que foi rexeitada despois de probalo con audiencias de control, por consideralo demasiado deprimente. En opinión dos guionistas, a imaxe final de Selena e Hannah saíndo do hospital quería dar a entender que sobrevivirían, mentres que os espectadores entenderon o contrario, que estaban condenadas a morrer. Pese a que finalmente o cambiaron, este final segue sendo o preferido polos guionistas, xa que consideran que así o círculo cérrase para Jim, quen empeza e remata a película nunha cama nun hospital deserto.
Rescate sen Jim
[editar | editar a fonte]Este final só foi parcialmente montado, e é unha versión alternativa para a secuencia final do rescate finalmente incluída na película. As escenas finais son idénticas, excepto polo feito de que Jim non aparece nelas. Este final debía aparecer a continuación do primeiro final alternativo, no que Jim morría no hospital.
Final radicalmente alternativo
[editar | editar a fonte]O final radicalmente alternativo nunca foi filmado, polo que no DVD só se mostra como unha serie de storyboards comentados por Boyle e Garland. Esta versión alternativa cambia completamente o curso da acción desde o momento no que Jim, Selena, Frank e Hannah se dirixen cara ao norte, e Frank se contaxia co virus nunha barricada preto de Manchester. Nesta versión, os militares non chegan a aparecer, e no seu lugar os protagonistas descobren un centro de investigación onde un científico lles ofrece unha posible vía de salvación para Frank: que reciba unha transfusión completa de sangue, eliminando así o virus do seu organismo. Jim, que resulta ter o mesmo tipo de sangue que Frank, ofrécese a intercambiar o seu sangre con el, de forma que Jim morre infectado, mentres que Frank sobrevive. Segundo os guionistas, a súa intención ao escribir esta versión era experimentar co que tería pasado se non houberan ampliado o núcleo dos catro protagonistas. Finalmente decidiron rexeitar este final porque a cura por transfusión completa non lles pareceu verosímil.
Elenco
[editar | editar a fonte]Actor/Actriz | Personaxe |
---|---|
Cillian Murphy | Jim |
Naomie Harris | Selena |
Noah Huntley | Mark |
Brendan Gleeson | Frank |
Megan Burns | Hannah |
Luke Mably | Soldado Clifton |
Stuart McQuarrie | Sarxento Farrell |
Ricci Harnett | Cabo Mitchell |
Leo Bill | Soldado Jones |
Junior Laniyan | Soldado Bell |
Ray Panthaki | Soldado Bedfort |
Christopher Eccleston | Comandante Henry West |
Sanjay Rambaruth | Soldado Davis |
Marvin Campbell | Soldado Mailer |
Novela
[editar | editar a fonte]Steve Niles, xunto con Dennis Calero e Dan Nakrosis, crearon unha novela gráfica 28 Days Later: The Aftermath, que narra a historia antes de que Jim esperte no hospital.
Véxase tamén
[editar | editar a fonte]Wikimedia Commons ten máis contidos multimedia na categoría: 28 Days Later |