Լուիզա Ասլանյան
- Վիքիպեդիայում կան հոդվածներ Ասլանյան ազգանունով այլ մարդկանց մասին։
Լուիզա Ասլանյան | |
---|---|
Ծննդյան անուն | Լուիզա Գրիգորեան |
Ծնվել է | մայիսի 5, 1906 |
Ծննդավայր | Թավրիզ, Պարսկական կայսրություն |
Վախճանվել է | հունվարի 30, 1945 (38 տարեկան) |
Վախճանի վայր | Ռավենսբրյուկ համակենտրոնացման ճամբար, Նացիստական Գերմանիա |
Գրական անուն | Լաս և Lass |
Մասնագիտություն | գրող, ձեռնարկատեր, բանաստեղծուհի և Ֆրանսիական դիմադրության մարտիկ |
Ազգություն | հայ |
Քաղաքացիություն | Իրան |
Անդամակցություն | Հայաստանի օգնության կոմիտեի Ֆրանսիայի մասնաճյուղ |
Կուսակցություն | Ֆրանսիայի կոմունիստական կուսակցություն |
Աշխատավայր | Զանգու |
Ամուսին | Արփիար Ասլանյան |
Լուիզա Ասլանյան Վիքիդարանում | |
ԼԱՍ, ծննդյան անունը՝ Լուիզա Ասլանյան (ֆր.՝ Louise Aslanian, Lass, մայիսի 5, 1906, Թավրիզ, Պարսկական կայսրություն - հունվարի 30, 1945, Ռավենսբրյուկ համակենտրոնացման ճամբար, Նացիստական Գերմանիա), հայկական ծագմամբ ֆրանսիացի հակաֆաշիստ, կոմունիստ, Ֆրանսիական դիմադրության ականավոր գործիչ, գրող։
Դիմադրության շարժման մեջ հայտնի է եղել Մադլեն անունով։
Կենսագրություն
[խմբագրել | խմբագրել կոդը]Ծնվել է Թավրիզում՝ Սրապիոն և Մանյա Գրիգորյանների ընտանիքում։ Սովորել է Թավրիզի կենտրոնական թեմի վարժարանում և Թիֆլիսի ռուսական գիմնազիայում։ Դպրոցական տարիներից ցուցաբերել է գրական ձիրք՝ գրելով քնարական բանաստեղծություններ, թարգմանություններ կատարելով ռուսերենից ու ֆրանսերենից։ Վաղ տարիքից նվագել է դաշնամուր։ Վերադառնալով Թավրիզ՝ 1923 թվականին ամուսնացել է մասնագիտությամբ իրավաբան Արփիար Ասլանյանի հետ։
1923 թվականին երիտասարդ ամուսինները տեղափոխվել են Փարիզ. նրանց հետ գնացել են նաև Լուիզայի մայրը՝ Մանյան, և քույրը՝ Արշալույսը։ Փարիզում Լուիզան ցանկացել է շարունակել երաժշտական կրթությունը (դաշնամուր նվագել), սակայն ֆինանսական խնդիրների պատճառով ստիպված է եղել հրաժարվել իր երազանքից։ Արդյունքում հետևել է Սորբոնի համալսարանի գրականության դասընթացներին։ Փարիզում ակտիվ մասնակցություն է ունեցել հայ-ֆրանսիական գրական միության աշխատանքներին, աշխատել թերթերում, ծանոթացել գրական շրջանակների ներկայացուցիչների հետ և վերցրել «ԼԱՍ» գրական կեղծանունը։
1920-ական թվականների կեսերին հայ-ֆրանսիական մամուլում հրատարակել է «Մետաղադրամների հավաքածու», «Գինու երկաթե վաճառական», «Ճահիճ» և այլ պատմվածքներ։ Իր ստեղծագործությունները գրել է հայերեն և ֆրանսերեն։
1928 թվականին լույս է տեսել կարճ պատմվածքների «Khan» («Խան») ժողովածուն, 1935 թվականին՝ «Gtsits durs» («Գծից դուրս») պատմվածքների ժողովածուն[1] երկու հատորով։
Կռվել է ֆրանսիական դիմադրության շարքերում և զոհվել «Ռավենսբրյուկ» համակենտրոնացման ճամբարում[2]։
Երկեր
[խմբագրել | խմբագրել կոդը]- Գծից դուրս (պատմվածքների ժողովածու), Բեյրութ, 1956։
- Հարցականի ուղիներով, Ե., 1959։
Ծանոթագրություններ
[խմբագրել | խմբագրել կոդը]- ↑ «Գծից դուրս» պատմվածքների ժողովածուն Ֆրանսիայի ազգային գրադարանի կատալոգում(ֆր.)
- ↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
Արտաքին հղումներ
[խմբագրել | խմբագրել կոդը]Վիքիդարանն ունի նյութեր, որոնք վերաբերում են «Լուիզա Ասլանյան» հոդվածին։ |
Վիքիպահեստն ունի նյութեր, որոնք վերաբերում են «Լուիզա Ասլանյան» հոդվածին։ |
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 490)։ |
- Մայիսի 5 ծնունդներ
- 1906 ծնունդներ
- Թավրիզ քաղաքում ծնվածներ
- Հունվարի 30 մահեր
- 1945 մահեր
- Անձինք այբբենական կարգով
- Գրողներ այբբենական կարգով
- 20-րդ դարի հայ բանաստեղծներ
- 20-րդ դարի հայ գրողներ
- 20-րդ դարի հայ կին գրողներ
- Գրական կեղծանուններով հայտնի հեղինակներ
- Իրանահայ գրողներ
- Իրանահայ հասարակական գործիչներ
- Իրանցի կին գրողներ
- Կին վիպասաններ
- Հայ բանաստեղծուհիներ
- Հայալեզու գրողներ
- Ֆրանսալեզու գրողներ
- Ֆրանսահայ կոմունիստներ
- Ֆրանսիացի կին գրողներ