Ջեսի Ուիլյամս
անգլ.՝ Jesse Williams | |
---|---|
Ծնվել է | օգոստոսի 5, 1981 (43 տարեկան) |
Ծննդավայր | Չիկագո |
Կրթություն | Թեմփլի համալսարան և Moses Brown School? |
Քաղաքացիություն | |
Մասնագիտություն | ուսուցիչ, մոդել, կինոդերասան, հեռուստատեսային դերասան, թատրոնի դերասան, դերասան, պոդքաստեր և հեռուստատեսային պրոդյուսեր |
Ամուսին(ներ) | Aryn Drake-Lee?[1][2] |
Համատեղ ապրող(ներ) | Մինկա Քելլի |
Ջեսի Ուեսլի Ուիլյամս (անգլ.՝ Jesse Wesley Williams, օգոստոսի 5, 1981, Չիկագո), ամերիկացի դերասան և մոդել։ Առավել հայտնի է «Գրեյի անատոմիա» հեռուստասերիալում խաղացած բժիշկ Ջեքսոն Էվերի դերով, ինչպես նաև «Detroit: Become Human» խաղում խաղացած Մարկուս դերով։
Կենսագրություն
[խմբագրել | խմբագրել կոդը]Ջեսին ծնվել է Իլինոյս նահանգի Չիկագո քաղաքում[3]։ Նրա հայրը աֆրոամերիկացի էր, իսկ մայրը՝ շվեդուհի[4]։ Ավարտել է Փենսիլվանիա նահանգի Ֆիլադելֆիա քաղաքի Թեմփլի համալսարանը, որտեղ սովորելու ընթացքում սկսել է մոդելի կարիերան Kenneth Cole Productions-ի համար։
Կարիերա
[խմբագրել | խմբագրել կոդը]Ուիլյամսը էկրանին առաջնաելույթ է կատարել 2006 թվականին «Օրենք և կարգ» սերիալի էպիզոդում։ Հետո նկարահանվել է «Beyond the Break» պատանեկան սերիալում և հայտնվել է «Համալսարան» հեռուստասերիալում։ 2008 թվականին մոդելի փոքր դերով հայտնվել է «Ջինսեր-թալիսման 2» ֆիլմում։ 2009 թվականին նկարահանվել է Ռիհաննայի «Russian Roulette» տեսահոլովակում։ Բացի այդ, հայտնվել է բրիտանացի երգչուհի Էստելի «Fall in Love» տեսահոլովակում։
2009 թվականին Ուիլյամսը «Գրեյի անատոմիա» հեռուստասերիալի վեցերորդ եթերաշրջանում ստացել է Ջեքսոն Էվերի դերը։ Սերիալում նրա հայտնվելը ի սկզբանե պարբերական էր, իսկ յոթերորդ եթերաշրջանից սկսած՝ նա բարձրացվել է մինչև հիմանական դերասանական կազմ[5]։ 2010 թվականին BuddyTV-ը նրան ներառել է իր «Տարվա 100 ամենասեքսուալ տղամարդիկ» ցուցակում, որտեղ Ուիլյամսը զբաղեցրել է վեցերորդ տեղը[6]։ 2011 թվականին ստացել է «Երիտասարդ Հոլիվուդ» մրցանակը[7]։
Ուիլյամսը խաղացել է «Խրճիթ անտառում» ֆիլմի գլխավոր դերերից մեկը, որը թողարկվել է 2012 թվականի ապրիլին։
2017 թվականի դեկտեմբերին Ուիլյամսը նկարահանվել է Դեմի Լովատոյի «Tell Me You Love Me» տեսահոլովակում[8]։
2018 թվականին Ջեսին դարձել է «Detroit: Become Human» խաղի գլխավոր հերոսներից մեկը՝ կատարելով Մարկուս դերը։
Անձնական կյանք
[խմբագրել | խմբագրել կոդը]Ջեսի Ուիլյամսը և նրա ապագա կինը՝ Էրին Դրեյք Լին, ծանոթացել են, երբ նա դեռ հայտնի չէր։ Աղջիկը զբաղվում էր անշարժ գույքով, իսկ նա աշխատում էր որպես դպրոցի ուսուցիչ և երբեմն միայն լրացուցիչ գումար էր վաստակում որպես մոդել։ 2012 թվականի սեպտեմբերի 1-ին Ջեսի Ուիլյամսը և Էրին Դրեյք Լին ամուսնացել են։ Զույգն ունի երկու երեխա. դուստրը՝ Սեդին (ծնվ. 2013 թվականի դեկտեմբեր)[9], և որդին՝ Մասեոն (ծնվ. 2015 թվականի հոկտեմբեր)[10]։ 2017 թվականի ապրիլին հայտնի է դարձել, որ Ջեսի Ուիլյամսը և Էրին Դրեյք Լին 5 տարվա ամուսնությունից հետո ամուսնալուծվել են[11]։
Ֆիլմագրություն
[խմբագրել | խմբագրել կոդը]Տարի | Հայերեն անվանում | Բնօրինակ անվանում | Դեր | |
---|---|---|---|---|
2006 | ս | Օրենք և կարգ | Law & Order | Կվամի |
2008 | ս | Համալսարան | Greek | Դրյու Քոլինզ |
2008 | ֆ | Ջինսեր–թալիսման 2 | The Sisterhood of the Traveling Pants 2 | Լեո |
2009 | ֆ | Բրուքլինի ոստիկանները | Brooklyn’s Finest | Էդի Քուիլան |
2009 | ս | Գրեյի անատոմիա | Grey’s Anatomy | բժիշկ Ջեքսոն Էյվերի |
2010 | ս | Երջանկություն Սիեթլում։ Հույսի ուղերձ | Seattle Grace: Message of Hope | բժիշկ Ջեքսոն Էյվերի |
2011 | կարճամետրաժ | Բռնագրավում | J.A.W. | Էնին |
2012 | ֆ | Խրճիթ անտառում | The Cabin in the Woods | Հոլդեն Մաքքրեա |
2012 | կարճամետրաժ | Հարուստ աղջկա խնդիրները | Rich Girl Problems | Պիտեր |
2013 | ֆ | Օձը և մանգուստը | Snake and Mongoose | Դոն «Օձ» Պրյուդոմ |
2013 | ֆ | Ծառայապետ | The Butler | Ջեյմս Լոուսոն |
2013 | կարճամետրաժ | Լուսաբացին նրանք կմեռնեն | They Die by Dawn | Ջոն Թեյլոր |
2016 | ֆ | Գումար | Money | Շոն |
2018 | կինոնկար | Detroit: Become Human | Detroit: Become Human | Մարկուս |
2020—2020 | ս | Ամենուր բռնկվում են հրդեհներ | Little Fires Everywhere | Ջո Ռայան |
Ծանոթագրություններ
[խմբագրել | խմբագրել կոդը]- ↑ https://www.essence.com/love/aryn-drake-lee-speaks-on-jessie-williams-divorce/
- ↑ https://people.com/tv/jesse-williams-aryn-drake-lee-finalize-divorce/
- ↑ «The Betty Interview: Jesse Williams». Արխիվացված է օրիգինալից 2016 թ․ մարտի 28-ին. Վերցված է 2021 թ․ հունվարի 4-ին.
- ↑ «Jesse Williams learns and plays history». Արխիվացված օրիգինալից 2012 թ․ սեպտեմբերի 20-ին. Վերցված է 2012 թ․ մայիսի 9-ին.
- ↑ «Grey’s Anatomy» Exclusive: Jesse Williams Gets Full-Time Upgrade Արխիվացված 2010-06-09 Wayback Machine, Entertainment Weekly, June 8, 2010
- ↑ «TV's 100 Sexiest Men of 2010». BuddyT]. Արխիվացված օրիգինալից 2012 թ․ սեպտեմբերի 20-ին. Վերցված է 2012 թ․ հունվարի 13-ին.
- ↑ «Awards for Jesse Williams». Արխիվացված օրիգինալից 2012 թ․ սեպտեմբերի 20-ին. Վերցված է 2012 թ․ մայիսի 9-ին.
- ↑ DemiLovatoVEVO (2017 թ․ դեկտեմբերի 1). «Demi Lovato - Tell Me You Love Me». Վերցված է 2018 թ․ հունիսի 8-ին.
- ↑ «Grey's Anatomy's Jesse Williams Welcomes Baby Girl Sadie With Wife Aryn Drake-Lee!».
- ↑ «Grey's Anatomy' Star Jesse Williams and Aryn-Drake Lee Welcome Second Child, Son Maceo». Արխիվացված է օրիգինալից 2019 թ․ օգոստոսի 11-ին. Վերցված է 2021 թ․ հունվարի 4-ին.
- ↑ «Jesse Williams' Divorce: The Grey's Anatomy Star and Wife Clashed over Living in L.A., Says Source».
Վիքիպահեստն ունի նյութեր, որոնք վերաբերում են «Ջեսի Ուիլյամս» հոդվածին։ |
|
- Օգոստոսի 5 ծնունդներ
- 1981 ծնունդներ
- Ապրող անձինք
- Չիկագո քաղաքում ծնվածներ
- Անձինք այբբենական կարգով
- Դերասաններ այբբենական կարգով
- 21-րդ դարի ամերիկացի տղամարդ դերասաններ
- Ամերիկացի կինոպրոդյուսերներ
- Ամերիկացի հասարակական գործիչներ
- Ամերիկացի հեռուստապրոդյուսերներ
- Ամերիկացի մանկավարժներ
- Ամերիկացի մոդելներ
- Ամերիկացի պրոդյուսերներ
- Ամերիկացի տղամարդ թատերական դերասաններ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ
- Աուդիոգիրք կարդացողներ