Ջոշ Չարլզ
Ծնվել է | սեպտեմբերի 15, 1971[1] (52 տարեկան) |
---|---|
Ծննդավայր | Բալթիմոր, Մերիլենդ, ԱՄՆ |
Կրթություն | Բալթիմորի արվեստի դպրոց |
Քաղաքացիություն | |
Մասնագիտություն | դերասան, թատրոնի դերասան, հեռուստատեսային դերասան և կինոդերասան |
Ամուսին(ներ) | Սոֆի Ֆլեք |
Ջոշուա Աարոն «Ջոշ» Չարլզ (անգլ.՝ Joshua Aaron "Josh" Charles, սեպտեմբերի 15, 1971[1], Բալթիմոր, Մերիլենդ, ԱՄՆ), թատրոնի, կինոյի և հեռուստատեսության ամերիկացի դերասան։ Առավել հայտնի է իր դերերով «Սպորտի գիշեր» և «Լավ կին» հեռուստասերիալներում։
Կենսագրություն
[խմբագրել | խմբագրել կոդը]Չարլզը ծնվել է Բալթիմորում, Մերիլենդ նահանգում, Ալան Չարլզի (գովազդային գործակալ) և Լորայի («Baltimore Sun» ամսագրի լրագրող) ընտանիքում։ Չարլզը իր կարիերան սկսել է ինը տարեկանում՝ որպես սիթքոմի մասնակից։ Դեռահասության շրջանում մի քանի ամառային արձակուրդ անց է կացրել սովորելով Նյու Յորքում՝ «Stagedoor Manor» անվանումով արվեստների կենտրոնում։
Կարիերա
[խմբագրել | խմբագրել կոդը]Չարլզի դեբյուտը կինոյում եղել է իր մասնակցությունը ռեժիսոր Ջոն Ուոթերսի «Մազերի լաք» ֆիլմում, 1988 թվականին։ Հաջորդ տարի նա Ռոբին Ուիլյամսի և Իթան Հոուքի հետ նկարահանվել է օսկարակիր «Մեռած պոետների հասարակություն» ֆիլմում (Dead Poets Society)։ Ավելի ուշ նկարահանվում է «Մի ասա մայրիկին, որ դայակը մեռել է» (1991) — Don’t Tell Mom the Babysitter’s Dead, «Անցնելով կամուրջը» (1992) — Crossing The Bridge, «Երեքը» (1994) — Threesome, «Կարկանդակը երկնքում» (1996) — Pie in the Sky, «Մափփեթները տիեզերքից» (1999) — Muppets from Space, «S.W.A.T» (2003) , «Եղբայրների համար» (2005) — Four Brothers, «Կյանքից հետո» (2009) — After.Life և «Կարճ հարցազրույցներ սոսկալի մարդկանց հետ» (2009) — Brief Interviews with Hideous Men ֆիլմերում։
Չարլզը մասնակցություն է ունեցել Աարոն Սորքինի «Սպորտի գիշեր» (Sports Night) սիթքոմում, որը դարձել է Էմմի մրցանակակիր և տևել է երկու տարի (1998—2000) ABC հեռուստաալիքում։ Այս հեռուստասերիալի շնորհիվ Չարլզը դարձել է կինոդերասանների Գիլդիայի անդամ։ 2008 թվականին Չարլզը կատարում է Ջեյքի դերը «Բուժում» (In Treatment) սերիալի առաջին եթերաշրջանում։ 2009-ին նա վերադառնում է հեռուստատեսություն և նկարահանվում է «Լավ կին» սերիալում, որում խաղում էին Ջուլիանա Մարգուլիսը և Քրիս Նոթը։
Ջոշ Չարլզը խաղում է նաև թատրոնում։ 2004 թվականին նա հայտնվել է Նիլ Լաբյուտի «Հեռավորությունը այստեղից» (The Distance From Here) ներկայացման մեջ, որը մրցանակ է ստացել որպես լավագույն դերասանական անսամբլ։ 2006 թվականին խաղացել է Ռիչարդ Գրինբերգի «Լավ կահավորված սենյակ» (The Well-Appointed Room) ներկայացման մեջ։ Այնուհետև սկսել է աշխատանքը ամերիկյան թատերային կոնսերվատորիայում, Սան Ֆրանցիսկոյում՝ մարմնավորելով կլոնավորված եղբայրներին Քերիլ Չերչիլի «Քանակ» (A Number) ներկայացման մեջ։ 2007-ին մասնակցում է Ադամ Բլոքսի «Դռնապան» ներկայացմանը, «Manhattan Theatre Club»-ում։
Անձնական կյանք
[խմբագրել | խմբագրել կոդը]Չարլզը երկրպագում է բեյսբոլի Բալթիմորյան «Baltimore Orioles» թիմին և ֆուտբոլի՝ «Baltimore Ravens»-ին։
2013 թվականի սեպտեմբերի 6-ից ամսունացած է դերասանուհի Սոֆի Ֆլեքի հետ։ 2014 թվականի դեկտեմբերի 9-ին նրանք որդի են ունեցել։
Ծանոթագրություններ
[խմբագրել | խմբագրել կոդը]Արտաքին հղումներ
[խմբագրել | խմբագրել կոդը]- People Weekly 1989 interview Արխիվացված 2017-06-29 Wayback Machine
- Josh Charles on 'The Daily Show', 13 April 1999
- Rob Neyer interview 2003 Արխիվացված 2009-02-02 Wayback Machine
Վիքիպահեստն ունի նյութեր, որոնք վերաբերում են «Ջոշ Չարլզ» հոդվածին։ |
|
- Սեպտեմբերի 15 ծնունդներ
- 1971 ծնունդներ
- Ապրող անձինք
- Բալթիմոր քաղաքում ծնվածներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի տղամարդ դերասաններ
- 21-րդ դարի ամերիկացի տղամարդ դերասաններ
- Ամերիկացի տղամարդ թատերական դերասաններ
- Ամերիկացի տղամարդ կինոդերասաններ
- Ամերիկացի տղամարդ հեռուստատեսային դերասաններ