Էրին Գրեյ
Ծնվել է | հունվարի 7, 1950[1] (74 տարեկան) |
---|---|
Ծննդավայր | Հոնոլուլու, ԱՄՆ |
Կրթություն | Լոս Անջելեսի կալիֆոռնյան համալսարան, Redwood High School? և Palisades Charter High School? |
Քաղաքացիություն | |
Մասնագիտություն | դերասանուհի, մոդել, հեռուստատեսային դերասանուհի և կինոդերասանուհի |
eringray.com | |
Էրին Գրեյ (անգլ.՝ Erin Gray, հունվարի 7, 1950[1], Հոնոլուլու, ԱՄՆ), ամերիկացի դերասանուհի։
Վաղ կյանք
[խմբագրել | խմբագրել կոդը]Էրին Գրեյը ծնվել է Հոնոլուլուում (Հավայան կղզիներ[2]): Երբ Գրեյը ութ տարեկան էր, նրա ծնողները բաժանվեցին, և հաջորդ մի քանի տարիների ընթացքում նա ապրել է իր տատի հետ Փալմ Սփրինգսում[3]։ Ի վերջո Էրինը մոր հետ տեղափոխվել է Կալիֆոռնիա, որտեղ սովորել է Ռեդվուդի ավագ դպրոցում, իսկ հետո Palisades Charter High School դպրոցում[3]։
Կարիերա
[խմբագրել | խմբագրել կոդը]1965 թվականին, 15 տարեկան հասակում, Էրին Գրեյը հոլիվուդյան գործակալություններից մեկում սկում է իր ֆոտոմոդելի կարիերան։ Հասել է որոշակի հաջողությունների որպես մոդել և մինչև 1975 թվականն իր տարեկան եկամուտը կազմում էր ավելի քան 100,000 ԱՄՆ դոլար[3]։ 1978 թվականին նկարահանվել է «Երեկոն Բյուզանդիայում» հեռուստաֆիլմում, որտեղ կինոքննադատների կողմից լավ արձագանքների է արժանացել իր դերասանական խաղը, ինչից հետո Universal Studios առաջարկել է դերասանուհուն կնքել յոթնամյա պայմանագիր։ Հաջորդ տարի «Բակ Ռոջերսը 25-րդ դարում» հեռուստասերիալում նա ստացել է գլխավոր կնոջ դերը[4]։
Սերիալն ավարտվելուց հետո Էրին Գրեյը Քեննի Ռոջերսի հետ նկարահանվել է «Վեցի ավազակախումբ» ֆիլմում, որը ձախողվել է վարձույթում։ 1982 թվականին ստացել է գլխավոր դեր «Արծաթե գդալներ» կատակերգական սերիալում, որը ունեցել է 5 եթերաշրջան և ավարտվել 1987 թվականին։ Այն ավարտվելուց հետո նա շարունակել է մնալ հեռուստատեսությունում, նկարահանվել է այնպիսի սերիալներում, ինչպիսիք են՝ «Հյուրանոց», «Նա գրել է սպանություն» և «Լոս Անջելեսի օրենքը», ինչպես նաև նկարահանվել է մի քանի ֆիլմում, որոնցից ամենահայտնին հավանաբար 1993 թվականի «Վերջին ուրբաթ. Ջեյսոնն ուղարկվում է դժոխք»։
Անձնական կյանք
[խմբագրել | խմբագրել կոդը]Էրին Գրեյն ամուսնացել է երկու անգամ։ Ունի երկու զավակ[5]։
Ծանոթագրություններ
[խմբագրել | խմբագրել կոդը]- ↑ 1,0 1,1 Internet Movie Database — 1990.
- ↑ Erin Gray at Film Reference
- ↑ 3,0 3,1 3,2 Jim Calio. «Buck Rogers Wouldn't Dare Tell Erin Gray What She's Heard for 14 Years from Ken Schwartz: Go Fly a Kite». People. Արխիվացված է օրիգինալից 2012 թ․ սեպտեմբերի 23-ին. Վերցված է 2012 թ․ հունիսի 2-ին.
- ↑ Kelly, Suzanne (2010 թ․ սեպտեմբերի 6). «Conventions: Another day at the office for celebs». CNN. Վերցված է 2010 թ․ սեպտեմբերի 6-ին.
- ↑ «Biography for Erin Gray». Արխիվացված է օրիգինալից 2012 թ․ սեպտեմբերի 23-ին. Վերցված է 2012 թ․ հունիսի 2-ին.
Արտաքին հղումներ
[խմբագրել | խմբագրել կոդը]Վիքիպահեստն ունի նյութեր, որոնք վերաբերում են «Էրին Գրեյ» հոդվածին։ |
|
- Հունվարի 7 ծնունդներ
- 1950 ծնունդներ
- Ապրող անձինք
- Հոնոլուլու քաղաքում ծնվածներ
- Անձինք այբբենական կարգով
- Դերասաններ այբբենական կարգով
- 20-րդ դարի ամերիկացի դերասանուհիներ
- 20-րդ դարի դերասանուհիներ
- 21-րդ դարի ամերիկացի դերասանուհիներ
- 21-րդ դարի դերասանուհիներ
- Ամերիկացի կինոդերասանուհիներ
- Ամերիկացի հեռուստատեսային դերասանուհիներ
- Ամերիկացի մոդելներ