Citate del Vaticano
Le Stato del Citate del Vaticano es, con su 0,44 km² de superficie, e su 826 habitantes,[1] le pais minus extense e populate del mundo. Illo es inclavate in le citate de Roma (Italia), con le qual illo ha 4 km de frontiera. Le chef del Stato, que concentra le poteres legislative, executive e judicial, es le Papa, eligite per un conclave de cardinales. Le linguas official es le italiano e le latino. Le numerario, secundo un accordo subscripte con le Union Europee, es le euro.[2] Le Vaticano dispone tamben de terminal ferroviari e emissor de radio (Radio Vaticana).
Le Citate Vatican esseva create in 1929 per le Pacto de Laterano, firmate per Pietro Gasparri, in representation del Sancte Sede, e Benito Mussolini, prime ministro italian, durante le pontificato de Pio XI. Assi terminava le «Question roman», le disputo inter le Sancte Sede e le Regno de Italia que habeva existate desde 1870.
Le Sancte Sede, autoritate central del Ecclesia Catholic, governa le Citate Vatican e gere su interesses diplomatic.
Referentias
Ligamines externe
