Fara í innihald

Vetnissamsætur

Úr Wikipediu, frjálsa alfræðiritinu
Útgáfa frá 16. janúar 2021 kl. 09:40 eftir InternetArchiveBot (spjall | framlög) Útgáfa frá 16. janúar 2021 kl. 09:40 eftir InternetArchiveBot (spjall | framlög) (Bjarga 2 heimildum og merki 0 sem dauðar.) #IABot (v2.0.8)
(breyting) ←Fyrri útgáfa | Nýjasta útgáfa (breyting) | Næsta útgáfa→ (breyting)
Mynd af þeim vetnissamsætum sem koma fyrir í náttúrunni; til vinstri liggur einvetni, í miðjunni tvívetni og til hægri þrívetni. Allar hafa þær eina róteind og eina rafeind en fjöldi nifteinda er mismikill þar sem einvetni hefur enga nifteind, tvívetni eina og þrívetni tvær.

Vetnissamsætur eru samsætur vetnis (H). Náttúrlega finnast aðeins þrjár þeirra, 1H (einvetni), 2H (tvívetni), og 3H (þrívetni), en fáeinar mjög óstöðugar vetnissamsætur, (4H, 5H, 6H og 7H), hafa verið myndaðir í tilraunastofum.

Táknið D er stundum notað yfir tvívetni sem kemur af nafninu deuterium og táknið T er stundum notað yfir þrívetni sem kemur af nafninu tritium, en alþjóðasamtök um hreina og hagnýta efnafræði (IUPAC) mæla ekki með þessum rithætti.

Vetni-1 (einvetni)

[breyta | breyta frumkóða]
Einvetni eða ‚prótín‘ er langalgengasta samsæta vetnis, en það hefur aðeins eina róteind og eina rafeind. Einvetni er eina stöðuga samsætan sem hefur engar nifteindir (sjá 2He).

1H er 99.98% af öllu vetni og því langalgengasta vetnissamsæta. Þar sem kjarni þess inniheldur bara eina róteind í kjarnanum. Efnið er einnig nefnt prótín sem kemur af orðinu protium en það vísar til enska heitisins á róteind; proton.

Vetni-2 (tvívetni)

[breyta | breyta frumkóða]

2H eða D frá orðinu deuterium (einnig þekkt sem þungt vetni[1] eða þungavetni) inniheldur eina róteind og eina nifteind í kjarnanum. Um 0.0026 – 0.0184% af öllu vetni á Jörðinni samanstendur af tvívetni. Tvívetni er ekki geislavirkt.

Vatn sem hefur verið auðgað með sameindum sem innihalda tvívetni frekar en einvetni kallast þungt vatn.

Vetni-3 (þrívetni)

[breyta | breyta frumkóða]

3H eða T frá orðinu tritium (einnig þekkt undir nafninu þrívetni eða ofurþungt vetni) hefur eina róteind og tvær nifteindir í kjarna sínum. Þrívetni er geislavirkt.

4H er mjög óstöðug samsæta vetnis, en kjarni þess samanstendur af einni róteind og þremur nifteindum. Vetni-4 hefur verið myndað með því að skjóta tvívetniskjörnum í þrívetni.

5H er mjög óstöðug samsæta vetnis, en kjarni þess samanstendur af einni róteind og fjórum nifteindum. Vetni-5 hefur verið myndað með því að skjóta þrívetniskjörnum í þrívetni.

Kjarni 6H samanstendur af einni róteind og fimm nifteindum.

Kjarni 7H samanstendur af einni róteind og sex nifteindum.

  1. http://herdubreid.rhi.hi.is:1026/wordbank/terminfo?idTerm=325603&FirstResult=0&mainlanguage=IS

Ytri tenglar

[breyta | breyta frumkóða]
  • „Hvað er þungt vatn og til hvers er það notað?“. Vísindavefurinn.
  • Umfjöllun um vetni og samsætur þess Geymt 4 mars 2016 í Wayback Machine
  • Eindir í atómum Geymt 29 ágúst 2009 í Wayback Machine, glærur frá Menntaskólanum í Reykjavík