ꦢꦺꦱ
ꦗꦮ
|
꧋ꦢꦺꦱ꧈ꦩꦶꦠꦸꦫꦸꦠ꧀ꦢꦺꦥ꦳ꦶꦤꦶꦱꦶꦲꦸꦤꦶꦮ꦳ꦼꦂꦱꦭ꧀꧈ꦪꦲꦶꦏꦸꦲꦒ꧀ꦭꦺꦴꦩꦼꦫꦱꦶꦥꦁꦒꦺꦴꦤꦤ꧀ꦲꦶꦁꦏꦫꦁꦥꦢꦺꦱꦤ꧀(ꦫꦸꦫꦭ꧀)꧉ꦲꦶꦁꦆꦤ꧀ꦝꦺꦴꦤꦺꦱꦶꦪ꧈ꦲꦶꦱ꧀ꦠꦶꦭꦃꦢꦺꦱꦲꦶꦏꦸꦏꦁꦒꦺꦴꦮꦼꦮꦼꦁꦏꦺꦴꦤ꧀ꦲꦢ꧀ꦩꦶꦤꦶꦱ꧀ꦠꦿꦠꦶꦥ꦳꧀ꦲꦶꦁꦆꦤ꧀ꦝꦺꦴꦤꦺꦱꦶꦪꦱꦶꦁꦲꦤꦆꦲꦶꦁꦔꦶꦱꦺꦴꦂꦫꦺꦏꦕꦩꦠꦤ꧀ꦭꦤ꧀ꦢꦶꦥꦤ꧀ꦢꦺꦒꦤꦶꦢꦺꦤꦶꦁꦏꦼꦥꦭꦢꦺꦱ꧉ꦏꦼꦥꦭꦢꦺꦱꦲꦶꦏꦸꦫꦕꦏꦺꦢꦶꦲꦫꦤꦶꦭꦸꦫꦃ꧉ꦮꦶꦮꦶꦠ꧀ꦭꦸꦩꦏꦸꦤꦺꦲꦺꦴꦠꦺꦴꦤꦺꦴꦩꦶꦭꦭꦢꦤ꧀ꦲꦶꦱ꧀ꦠꦶꦭꦃꦢꦺꦱꦧꦶꦱꦏꦫꦤ꧀ꦩꦮꦗꦼꦤꦼꦁꦭꦶꦪ꧈ꦲꦸꦥꦩꦤꦺꦲꦶꦁꦱꦸꦩꦠꦿꦏꦸꦭꦺꦴꦤ꧀ꦏꦫꦤ꧀ꦤꦒꦫꦶ꧈ꦭꦤ꧀ꦲꦶꦁꦥꦥꦸꦮꦭꦤ꧀ꦏꦸꦠꦻꦏꦸꦭꦺꦴꦤ꧀꧈ꦏꦭꦶꦩꦤ꧀ꦠꦤ꧀ꦮꦺꦠꦤ꧀ꦏꦫꦤ꧀ꦏꦩ꧀ꦥꦸꦁ꧉ꦱꦼꦩꦤꦲꦸꦒꦏꦧꦺꦃꦲꦶꦱ꧀ꦠꦶꦭꦃꦭꦤ꧀ꦲꦶꦤ꧀ꦱ꧀ꦠꦶꦠꦸꦱꦶꦲꦶꦁꦢꦺꦱꦧꦶꦱꦏꦫꦤ꧀ꦏꦤ꧀ꦛꦶꦗꦼꦤꦼꦁꦭꦶꦪꦩꦶꦠꦸꦫꦸꦠ꧀ꦏꦫꦏ꧀ꦠꦼꦫꦶꦱ꧀ꦠꦶꦏ꧀ꦲꦢꦠ꧀ꦢꦺꦱꦩꦲꦸ꧉ꦧꦧ꧀ꦲꦶꦏꦶꦢꦢꦶꦥꦔꦏꦸꦭꦤ꧀ꦥꦔꦗꦶꦤꦶꦁꦥꦩꦫꦺꦤ꧀ꦠꦃꦩꦫꦁꦩꦸꦭꦧꦸꦏꦭꦤ꧀ꦲꦢꦠ꧀ꦲꦼꦁꦒꦺꦴꦤꦤ꧀꧈
ꦢꦺꦱꦤꦁꦆꦤ꧀ꦝꦺꦴꦤꦺꦱꦶꦪ
[besut | besut sumber]꧋ꦩꦶꦠꦸꦫꦸꦠ꧀ꦥꦼꦫꦠꦸꦫꦤ꧀ꦥꦩꦫꦺꦤ꧀ꦠꦃꦤꦺꦴꦩꦺꦴꦂ꧇꧗꧒꧇ꦠꦲꦸꦤ꧀꧇꧒꧐꧐꧕꧇ꦔꦼꦤꦤꦶꦢꦺꦱ꧈ꦏꦫꦤ꧀ꦪꦺꦤ꧀ꦢꦺꦱꦆꦏꦸꦏꦼꦱꦠꦸꦮꦤ꧀ꦩꦱꦫꦏꦠ꧀ꦲꦸꦏꦸꦩ꧀ꦱꦶꦁꦢꦸꦮꦺꦮꦠꦼꦱ꧀ꦮꦠꦼꦱ꧀ꦮꦼꦮꦼꦁꦏꦺꦴꦤ꧀ꦱꦶꦁꦢꦸꦮꦺꦮꦼꦮꦼꦤꦁꦏꦁꦒꦺꦴꦔꦠꦸꦂꦭꦤ꧀ꦔꦸꦫꦸꦱ꧀ꦏꦥꦼꦤ꧀ꦠꦶꦔꦤ꧀ꦩꦱꦫꦏꦠ꧀ꦱꦲꦼꦁꦒꦺꦴꦤ꧀꧈ꦩꦶꦠꦸꦫꦸꦠ꧀ꦲꦱꦭ꧀ꦲꦸꦱꦸꦭ꧀ꦭꦤ꧀ꦲꦢꦠ꧀ꦲꦶꦱ꧀ꦠꦶꦪꦢꦠ꧀ꦱꦲꦼꦁꦒꦺꦴꦤ꧀ꦱꦶꦁꦢꦶꦪꦏꦺꦴꦤꦶꦭꦤ꧀ꦢꦶꦪꦸꦂꦩꦠꦶꦱꦗꦼꦫꦺꦴꦤꦶꦁꦱꦶꦱ꧀ꦠꦼꦩ꧀ꦥꦥꦿꦺꦤ꧀ꦠꦲꦤ꧀ꦤꦒꦫꦏꦼꦱꦠꦸꦮꦤ꧀ꦫꦺꦥꦸꦧ꧀ꦭꦶꦏ꧀ꦆꦤ꧀ꦝꦺꦴꦤꦺꦱꦶꦪ꧉
꧋ꦢꦺꦱꦲꦶꦏꦸꦢꦸꦢꦸꦧꦮꦲꦤ꧀ꦏꦕꦩꦠꦤ꧀ꦲꦩꦂꦒꦏꦕꦩꦠꦤ꧀ꦩꦶꦤꦁꦏꦥꦺꦫꦔꦤꦶꦁꦥꦼꦫꦁꦏꦠ꧀ꦭꦭꦢꦤ꧀ꦏꦧꦸꦥꦠꦺꦤ꧀/ꦏꦸꦛ꧈ꦭꦤ꧀ꦢꦺꦱꦢꦸꦢꦸꦥꦺꦫꦔꦤꦶꦁꦥꦼꦫꦁꦏꦠ꧀ꦭꦭꦢꦤ꧀꧈ꦧꦺꦢꦏꦫꦺꦴꦏꦭꦸꦫꦲꦤ꧀꧈ꦢꦺꦱꦢꦸꦮꦺꦲꦏ꧀ꦔꦠꦸꦂꦮꦼꦮꦼꦁꦏꦺꦴꦤꦺꦭꦸꦮꦶꦃꦲꦺꦴꦩ꧀ꦧꦺꦂ꧉ꦤꦔꦶꦁꦱꦗꦼꦫꦺꦴꦤꦶꦁꦥꦼꦂꦏꦼꦩ꧀ꦧꦔꦤ꧀ꦱꦧꦚ꧀ꦗꦸꦫꦺ꧈ꦱꦮꦶꦗꦶꦢꦺꦱꦧꦶꦱꦢꦶꦪꦺꦴꦮꦲꦶꦱ꧀ꦠꦠꦸꦱꦺꦢꦢꦶꦏꦭꦸꦫꦲꦤ꧀꧈
꧋ꦏꦮꦼꦤꦔꦤ꧀ꦢꦺꦱꦪꦲꦶꦏꦸ:
- ꦚꦼꦊꦁꦒꦫꦏꦏꦺꦲꦸꦫꦸꦱꦤ꧀ꦥꦥꦿꦺꦤ꧀ꦠꦲꦤ꧀ꦱꦶꦁꦮꦶꦱ꧀ꦲꦤꦩꦶꦠꦸꦫꦸꦠ꧀ꦲꦏ꧀ꦲꦱꦭ꧀ꦲꦸꦱꦸꦭ꧀ꦢꦺꦱ
- ꦚꦼꦊꦁꦒꦫꦏꦏꦺꦲꦸꦫꦸꦱꦤ꧀ꦥꦥꦿꦺꦤ꧀ꦠꦲꦤ꧀ꦱꦶꦁꦢꦢꦶꦏꦮꦼꦤꦔꦤ꧀ꦏꦧꦸꦥꦠꦺꦤ꧀/ꦏꦸꦛꦱꦶꦁꦢꦶꦥꦱꦿꦲꦏꦺꦥꦼꦔꦠꦸꦫꦤꦺꦩꦫꦁꦢꦺꦱ꧈ꦪꦲꦶꦏꦸꦲꦸꦫꦸꦱꦤ꧀ꦥꦥꦿꦺꦤ꧀ꦠꦲꦤ꧀ꦱꦶꦁꦏꦤ꧀ꦛꦶꦭꦁꦱꦸꦁꦧꦶꦱꦔꦸꦤ꧀ꦝꦏꦏꦺꦥꦼꦭꦪꦤꦤ꧀ꦩꦱꦫꦏꦠ꧀꧈
- ꦠꦸꦒꦱ꧀ꦥꦼꦩ꧀ꦧꦤ꧀ꦠꦸꦮꦤ꧀ꦱꦏꦥꦩꦫꦺꦤ꧀ꦠꦃ꧈ꦥꦩꦫꦺꦤ꧀ꦠꦃꦥꦿꦺꦴꦮ꦳ꦶꦤ꧀ꦱꦶ꧈ꦭꦤ꧀ꦥꦩꦫꦺꦤ꧀ꦠꦃꦏꦧꦸꦥꦠꦺꦤ꧀/ꦏꦸꦛ
- ꦲꦸꦫꦸꦱꦤ꧀ꦥꦥꦿꦺꦤ꧀ꦠꦲꦤ꧀ꦭꦶꦪꦱꦶꦁꦢ꧀ꦥꦱꦿꦲꦏꦺꦩꦫꦁꦢꦺꦱ꧉
ꦥꦥꦿꦺꦤ꧀ꦠꦲꦃꦤ꧀ꦢꦺꦱ
[besut | besut sumber]꧋ꦢꦺꦱꦢꦸꦮꦺꦥꦥꦿꦺꦤ꧀ꦠꦲꦤ꧀ꦝꦺꦮꦺ꧉ꦥꦥꦿꦺꦤ꧀ꦠꦲꦤ꧀ꦢꦺꦱꦢꦸꦩꦢꦶꦱꦏꦥꦩꦫꦺꦤ꧀ꦠꦃꦢꦺꦱ(ꦱꦶꦁꦚꦏꦸꦥ꧀ꦏꦼꦥꦭꦢꦺꦱꦭꦤ꧀ꦥꦼꦫꦁꦏꦠ꧀ꦢꦺꦱ)ꦭꦤ꧀ꦧꦢꦤ꧀ꦥꦼꦂꦩꦸꦱꦾꦮꦫꦠꦤ꧀ꦢꦺꦱ(ꦧꦥꦢ)