რომან ცხომელიძე
| რომან ცხომელიძე | |
|---|---|
| დაბადების თარიღი | 5 ნოემბერი, 1943 |
| მოქალაქეობა |
 სსრკ → საქართველო |
| განათლება | ბათუმის სახელმწიფო უნივერსიტეტი |
| ეროვნება | ქართველი |
რომან ცხომელიძე (დ. 5 ნოემბერი, 1943) — ქართველი პოლიტიკოსი.
დაამთავრა ბათუმის შოთა რუსთაველის სახელობის სახელმწიფო პედაგოგიური ინსტიტუტი. 1965-1968 წლებში იყო ხულოს რაიონის აგარის საშუალო სკოლის, ქობულეთის № 40 პროფტექნიკური სასწავლებლის, ქობულეთის №1 საშუალო სკოლის მასწავლებელი, 1968-1973 წლებში იყო კომკავშირის ქობულეთის რაიონული კომიტეტის განყოფილების გამგე, მეორე მდივანი, პირველი მდივანი, 1973-1978 წლებში იყო საქართველოს კომუნისტური პარტიის ქობულეთის რაიკომის საორგანიზაციო განყოფილების გამგე, 1980-1986 წლებში იყო მუხაესტატეს მეციტრუსეობის მეურნეობის დირექტორი, 1986 წლიდან იყო ცეცხლაურის მეურნეობის დირექტორი. 1990-1991 წლებში იყო საქართველოს რესპუბლიკის პირველი მოწვევის უზენაესი საბჭოს წევრი, ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).
