Iziganen
Iziganen (Asuf: Azigan) d aɣref yebṭan ar iṛumen (deg Uruppa) yakk d inawaren d ikawliyen d iduman (deg usamer alemmas) kra deg-sen ttmeslayen yiwet n tutlayt yezdin gar-asen ma d kra n iden lan (sɛan) idles d wansayen yettemcabin, ar taggara n tsut tis 20 inzagen qqimen ttidiren deg tudert n yinig d ugaǧǧi. Inzagen lan (sɛan) ismawen yemgaraden s wemgarad n yideggan anda ttilin, deg tallin n tnazit iziganen d wid id yemmugren aṭas n udagaẓ
Deg useggas n 1992, Tuddsa n Yeɣlanen Yeddukklen tessers ass n 8 yebrir i yal aseggas d ass agreɣlan i yiziganen i wesmekti s ungaz (lmeḥna) d temsirit d udagaz id yetnittmagaren, yakk d usenmel s yidles-nsen d wansayen-nsen
Aẓaṛ n iziganen
Llant tmuɣliwin yemgaraden ɣef umezruy d yiẓuran n iziganen, gar-asen tamuɣli i d-iqqaren d akken iɣerfan-nni kkan-d seg Iran yakk d Lhend d tamiwin n Asya talemmast d unẓul-is anda i d-gguǧǧen seg tamiwin-nni seg tsut tis kuẓ, dɣa kra n yinmezruyen ssagzen-d d akken deg tlemmasin n tsut tis 15 wwṭen ɣer Hungarya d Sirbya d tamiwin niden n Bilkan, sin akin nfufden ɣer Pulunya d Rusya akken i yesmed (ikemmel) unfufed-nsen alammi wwṭen ɣer Swid d Tmurt n Unegliz deg tsut tis 16, yerna taɣreft meqqren deg-sen zedɣen tamurt n Spanya seg yimir-nni.