Диран
Бұл - Гилджит алқабында бой көтерген ең көрнекті шыңдардың бірі. Диран тауы сол өлкеге ерекше сұлулық беріп тұр. Диран тауының әдемілігін тамашалау үшін бұл аймаққа арнайы келетін саяхатшылар өте көп. Таудың биіктігі - 7266 м. Диран әлемдегі өң биік таулардың арасында 93-ші орынды иемденген. Таудың географиялық координаталары: 36 0 07’19°С, 74 ° 39’40° Ш. Тау дөңестігі -1325 м. Диран Малубитинг тауынан бастау алады. Диран тауының шыңы Минапин деп аталады. Оған Қарақорым тасжолымен оңай көтерілуге болады. Таудың оңтүстік беткейі Багрот алқабында орналасқан. Бұл өңір Қарақорым тасжолынан анық көрінеді. Диран тауының ең биік беткейі тегіс, жазық болып келеді. Онда үнемі жел соғып турады. Диран тауы Қарақорым тау тізбегіне жатады. Ол Кашмирдегі Ракапош Харамоштың бір бөлігі болып табылады. Диран тауы биік беткейлерінің теп-тегіс болуымен ерекшеленеді Оған көтерілу үшін тауға шығу тәжірибесі жоғары шебер маман болу қажет. 1958 жылы британдық экспедиция Диран тауына оның солтүстік- батыс беткейінен көтерілмек болған. Бірақ аталған топ өз мақсатына жете алмады. Боранның кесірінен экспедиция басшысы Е.Ж.Варр мен экспедиция мүшесі Ф.С.Хойт шың басына жетуге 300 м қалғанда жоғалып кеткен. Минапин шыңы- Қарақорым тау тізбегіндегі биіктігі 7000 м-ді құрайтын шыңдардың арасындағы ең әдемісі. 1968 жылы Диран тауына алғаш рет австралиялық үш азамат - Рейнер Гоечи, Рудольф Пишингер және Ханс Шелл көтерілген болатын.[1]
Дереккөздер
[өңдеу | қайнарын өңдеу]- ↑ Алматы: “Аруна” баспасы. 208 бет. Сер.:“1100 қызықты дерек”.