Chylomicronum
Chylomicrona sunt particulae diametri 75-450 nm e lipoproteinis compositae, quae lipida alimentaria ab intestino ad alias telas ferunt[1]. Et quantitas et qualitas chylomicronaemiae (chylomicronorum in sanguine) a nonnullis factoribus pendet.
Chylomicrona sunt una ex quinque lipoproteinorum.
Etymologia
Chylomicron de verbis Graecis χυλός, sucus, et μικρόν, particula, derivatur.
Contextus
3H
8O
3 est.
Post cibum lipida alimentaria per cadenam transvectionis de tractu gastrointestinali ad corporis cellulas transvehenda sunt.
Initio lipida alimentaria, acida adipata enim et monoglycerida, in cellulas epithelii intestinalis (enterocytos) absorbentur, quo chylomicrona nascentia involucra lipidorum generantur, quia translatio triglyceridorum et cholesteroli in sanguine vehicula et involucra requirit, alio modo haec intra sanguinem coalescerent, at sic emboli se formarent. Igitur synthesis chylomicronorum vehiculorum iam intra intestino pernecesse est[2]. Post liberationem exocytosi ex cellula intra lympham per ductum thoracicum denique in sanguinem perveniunt. Iam in itinere chylomicron nascens proteina de lipoproteinis altae densitatis (HDL) accipit; et postea chylomicron maturum dicitur. Proteina sic accepta superficiem chylomicroni se sternunt, quare haec apo-lipo-proteina nominantur.
Natura chylomicronorum
Diameter ab 75 ad 450 nm est et a multitudine absorptionis lipidorum atque illorum generibus dependent. Exterius stratum ex multis phospholipidis velut apolipoproteinis compositum chylomicronum cingit.
Physiologia
Generatio chylomicronorum in enterocytis intestini fit. Ex apparatu Golgiano chylomicrona nascentia derogata, ea post exocytosem per lympham et ductum thoracicum in sanguinem fluunt.
Gubernatio
Peptidum glucagono simile typi 1 (GLP-1) synthesem chylomicronorum deminuit, ac peptidum glucagono simile typi 2 (GLP-2) auget[3].
Notae
- ↑ Dash S., Xiao C., Morgantini C., Lewis G. F. (2015). "New Insights into the Regulation of Chylomicron Production". Annual review of nutrition 35: 265-94
- ↑ Hussain M. M., Kedees M. H., Singh K., Athar H., Jamali N. Z. (2001). "Signposts in the assembly of chylomicrons". Frontiers in bioscience 6: D320-31
- ↑ Hein G. J., Baker C., Hsieh J., Farr S., Adeli K. (2013). "GLP-1 and GLP-2 as yin and yang of intestinal lipoprotein production: evidence for predominance of GLP-2-stimulated postprandial lipemia in normal and insulin-resistant states". Diabetes 62 (2): 373-81