Constantinus Macroducas
Constantinus Macroducas, Graece Κωνσταντίνος Μακροδούκας[1] (mortuus die 30 Maii 1185) fuit nobilis Byzantinus. Iam anno 1166 titulo "pansebastus sebastus" dignatus, in matrimonium duxit Annam, filiam sebastocratoris Isaacii Comneni neptemque imperatoris Manuelis. Pro imperatore annis 1170 et 1176 Macroducas contra Clitzasthlan II Selgiukida militavit. Imperatore Andronico Macroducas ad gradum panhypersebasti elevatus est, sed rebellante nepote Isaacio in insula Cypro, Constantinus Macroducas et Andronicus Ducas, supplicio ultimo ob cognationem iussu imperatoris destinati, ad oram Bospori iuxta Mangana impalati sunt.
Fontes
[recensere | fontem recensere]- Nicetas Choniates, Historia pp. 180, 189, 290-296, 313 van Dieten
- Ioannes Cinnamus, Epitome rerum ab Ioanne et Manuele Comnenis gestarum p. 201 Brand
Notae
[recensere | fontem recensere]- ↑ Ita apud Nicetam Choniatam sed fortasse vero nomine Δούκας
Bibliographia
[recensere | fontem recensere]- Demetrios I. Polemis, The Doukai: A Contribution to Byzantine Prosopography (Londinii: Athlone Press, 1968) pp. 192-193
Nexus externi
[recensere | fontem recensere]- "Konstantinos Doukas" e Medieval Lands (situs a Carolo Cawley elaboratus apud FMG)