Dantes Alagherius
Dantes Alagherius (-tis, Italiane: Dante Alighieri) Florentiae 30 Maii 1265 natus est, die 14 Septembris 1321 exsul Ravennae vitae defunctus. Scriptor, poeta, philosophus fuit.
Dantes, poeta maximus appellatus, pater Italiae ac Linguae Italicae ab eruditis putatur, maxime quia Divinam Comoediam scripsit. Etiam poeta Dulcis Novi Stili (Italiane: Dolce Stil Novo) fuit.
DANTI ALIGHERIO TVSCI HONORARIVM TVMVLVM A MAIORIBVS TER FRVSTRA DECRETVM ANNO M·DCCC·XXIX FELICITER EXCITARVNT
Biographia
Natus est Florentiae anno 1265. Dies non certe cognoscitur, sed in Divina Comoedia Dantes dicit se natum esse sub signo Geminorum. Videtur puellam quaendam adulescens amavisse, Beatricem nomine: in carminibus suis, Beatrix mulier describitur, a poeta valde amata vel admirata. Dantes in Comoedia dicit magistrum suum fuisse Brunettum Latinum, laudatum auctorem libri Provinciali lingua Tresor nomati. Dantes non modo peritissimus factus est litteris Latinis vulgaribusque sed etiam scientia et philosophia. Anno 1300 in exilium a Florentia depulsus est, quia in bello inter partes (Blanca et Nigra nominatas) cum familia Cerca contra Donatos non praevaluit. Exsul multas urbes visitavit, sed praecipue Veronae atque Ravennae habitavit. Ibi amicus factus est Canis Grandis Scalensis, ducis Veronae, cui Paradisum, tertiam partem Divinae Comoediae, dedicavit. Vita defunctus est anno 1321, die 14 Septembris, Ravennae.
Opera
- Divina Comoedia Italiane scripta
- De Monarchia Latine scriptum
- De vulgari eloquentia Latine scriptum
- Vita Nova Italice scripta
- Convivium Italice scriptum;
- Rimae Italice scriptae
- tredecim epistolae ac alii tractati, e.g. Quaestio de aqua et terra
- Eclogae Latine scriptae, circa annum 1319
QVI COELVM CECINIT MEDIVMQVE TRIBVNAL / LVSTRAVITQVE ANIMO CVNCTA POETA SVO / DOCTVS ADEST DANTES SVA QVEM FLORENTIA SAEPE / SENSIT CONSILIS AC PIETATE PATREM / NIL POTVIT TANTO MORS SAEVA NOCERE POETAE / QVEM VIVVM VIRTVS CARMEN IMAGO FACIT
Minutiae
- Nomen vulgare Dante est hypocoristicum nominis Durante, id est Durantis, ut asseveravit Iacobus Alagherius,[1] tamen fontibus Latinis, contra etymologiam, Dantes est solitum.
Dicta
- (Italiane) Quanto sa di sale lo pane altrui. Exilium difficilem agebat Dantes.
Vide etiam
Notae
- ↑ Sic vicipaedia Italica.
Fontes
- Allitt, John Stewart. 2011. Dante, il Pellegrino. Villa di Serio (BG), Edizioni Villadiseriane.
- Gardner, Edmund Garratt. 1921. Dante, Londinii: Pub. for the British academy by H. Milford, Oxford University Press.
- Hede, Jesper. 2007. Reading Dante: The Pursuit of Meaning. Lanham, Terrae Mariae: Lexington Books.
- Raffa, Guy P. 2009. The Complete Danteworlds: A Reader's Guide to the Divine Comedy. Sicagi: University of Chicago Press. ISBN 978-0-226-70270-4
- Scott, John A. 1996. Dante's Political Purgatory. Philadelphiae: University of Pennsylvania Press.
- Seung, T. K. 1962. The Fragile Leaves of the Sibyl: Dante's Master Plan. Westminster, Terrae Mariae: Newman Press.
- Toynbee, Paget. 1898. A Dictionary of the Proper Names and Notable Matters in the Works of Dante. Londinii: Clarendon Press.
- Whiting, Mary Bradford. 1922. Dante the Man and the Poet. Cantabrigiae: W. Heffer & Sons, ltd.
Nexus externi
Vicimedia Communia plura habent quae ad Dantem Alagherium spectant. |
Vicicitatio habet citationes quae ad Dantem Alagherium spectant. |
Vide Dantem Alagherium apud Vicifontem. |
- Bibliotheca Augustana Opera Latina Italicaque Dantis Alagherii in Bibliotheca Augustana
- Opera Dantis Alagherii in Bibliotheca Latina
- Dantis Alligherii, Carolus Witte, Divina Comoedia, hexametris latinis reddita ab Gaetano dalla Piazza, Ioan. Ambros. Barth, 1848.
Formula:Link FA
Formula:Link FA
Formula:Link FA
Formula:Link GA