Universitas Ricensis
Universitas Ricensis,[1] Anglice longius William Marsh Rice University, brevius Rice tantum appellata, est privata investigationis universitas in campo 295 agrorum Hustoniae in Texia sita. Universitas patet prope Districtum Museorum Hustoniensem et iuxta Centrum Medicum Texanum. Universitas inter optimas viginti universitates in Civitatibus Foederatis et optimas centum in orbe terrarum constanter aestimatur.
Universitas, anno 1912, paulum post Gulielmum Marsh Rice necatum aperta, nunc est universitas investigationis ad discipulos non iam graduatos attendens. Quod eruditionem exprimit ostenditur per parvum discipulorum corpus et quinque ad unum rationem discipulorum ad professores, inter minimas (et optimas) in optimis universitatibus Americanis, Foedere Hederae non excepto. Produxit eruditos Fulbrightianos centum et unum, eruditos Trumanianos undecim, eruditos Marshallianos viginti duos, eruditos Rhodesianos duodecim, laureatios Nobelianos tris,[2] acceptores Praemii Pulitzerani duos, et billionarios saltem duos vivos duosque mortuos.[3][4][5] Universitas altissimum investigationis gradum pro sua magnitudine sustinet, per $115.3 milliones in pecunia pro investigatione anno 2011 designata. Universitas est sodalis Societatis Universitatum Americanarum.
Pinacotheca
[recensere | fontem recensere]- Notabiles universitatis alumni
-
Annise Parker, classis 1978, sexagensimus unus Praefectus Houstoniae
-
Albertus Gonzales, classis 1979, olim Advocatus Fisci Civitatum Foederatarum
-
Iacobus Baker, Rerum Externarum Praefectus Civitatum Foederatarum et praefectus conditor Instituti Rationis Publicae Iacobi A. Baker
-
Peggy Whitson, classis 1986, astronauta NASA
Nexus interni
Notae
[recensere | fontem recensere]- ↑ Attestatio: "'Degree of Difference' just ain’t 'Veritas,'"[nexus deficit] The Rice Thresher, 24 Februarii 2006.
- ↑ de laureatis Nobelianos, www.lib.utexas.edu.
- ↑ Rice Alumna Caroline Shaw Wins Pulitzer-in-Music, news.rice.edu.
- ↑ [1]
- ↑ Rahul Rekhi wins a 2013 Marshall scholarship, The Rice Thresher, 29 Novembris 2012.
Nexus externi
[recensere | fontem recensere]- Archiva universitaria et historia Ricensis, scholarship.rice.edu
- Libri annui universitatis: 1916–1935, archive.org
- Situs publicus, www.rice.edu
- Situs publicus artium athleticarum, www.riceowls.com