Robert Aldrich
De Robert Aldrich, gebuer den 9. August 1918 zu Cranston, Rhode Island a gestuerwen de 5. Dezember 1983 zu Los Angeles, Kalifornien, war en US-amerikanesche Filmregisseur, Dréibuchauteur a Filmproduzent.
No senge Studien op der University of Virginia huet de Robert Aldrich bei der Filmproduktiounsgesellschaft RKO Pictures als juristesche Beroder eng Aarbecht fonnt. Duerno huet hien als Regieassistent bei Filmregisseuren ewéi Edward Dmytryk, Jean Renoir, Joseph Losey, Charlie Chaplin, Lewis Milestone a Richard Fleischer geschafft.
Säin éischte Kinosfilm als Regisseur war The Big Leaguer (1953). Bei de Filmkritiker a bei den Zuschauer ass him den Duerchbroch mam Western Vera Cruz (1954) mat dem Gary Cooper an dem Burt Lancaster an den Haaptrollen gelongen. Weider interessant Filmer an de 1950 Joren waren de Kriminalfilm Kiss Me Deadly (1955) an den Drama The Big Knife“ (1955) mam Jack Palance an Ida Lupino.
Kommerziell an och artistesch Succèsen hat hien dann nach mat dem Psychothriller Whatever Happened to Baby Jane? (1962) an dem Krichsfilm The Dirty Dozen (1967) mam Lee Marvin.
Filmographie
- 1953: Big Leaguer, mam Edward G. Robinson a Vera-Ellen
- 1954: World for Ransom, mam Dan Duryea
- 1954: Apache, mam Burt Lancaster an Jean Peters
- 1954: Vera Cruz, mam Burt Lancaster a Gary Cooper
- 1955: Kiss Me Deadly, mam Ralph Meeker an Albert Dekker
- 1955: The Big Knife, mam Jack Palance an Ida Lupino
- 1956: Autumn Leaves, mam Joan Crawford, Cliff Robertson a Vera Miles
- 1956: Attack, mam Jack Palance an Eddie Albert
- 1959: Ten Seconds to Hell, mam Jack Palance, Jeff Chandler a Martine Carol
- 1959: The Angry Hills, mam Robert Mitchum a Stanley Baker
- 1961: The Last Sunset, mam Rock Hudson, Kirk Douglas an Dorothy Malone
- 1962: Sodom and Gomorrah, mam Stewart Granger, Pier Angeli, Stanley Baker an Anouk Aimée
- 1962: What Ever Happened to Baby Jane?, mam Bette Davis an Joan Crawford
- 1963: 4 For Texas, mam Frank Sinatra, Dean Martin, Anita Ekberg an Ursula Andress
- 1964: Hush… Hush, Sweet Charlotte, mam Bette Davis an Olivia de Havilland
- 1965 The Flight of the Phoenix, mam James Stewart a Richard Attenborough
- 1966: The Dirty Dozen, mam Lee Marvin a Charles Bronson
- 1968: The Killing of Sister George, mam Beryl Reid a Susannah York
- 1968: The Legend of Lylah Clare, mam Kim Novak a Peter Finch
- 1969: The Greatest Mother of Them All, mam Peter Finch an Ann Sothern (Kuerzfilm)
- 1970: Too Late to Hero, mam Michael Caine a Cliff Robertson
- 1971: The Grissom Gang, mam Kim Darby an Tony Musante
- 1972: Ulzana's Raid, mam Burt Lancaster
- 1973: Emperor of the North Pole, mam Lee Marvin an Ernest Borgnine
- 1974: The Longest Yard, mam Burt Reynolds an Eddie Albert
- 1975: Hustle, mam Burt Reynolds a Catherine Deneuve
- 1977: Twilight's Last Gleaming, mam Burt Lancaster a Richard Widmark
- 1977: The Choirboys, mam Charles Durning a Perry King
- 1979: The Frisco Kid, mam Gene Wilder an Harrison Ford
- 1981: …All the Marbles, mam Peter Falk a Burt Young