Aril
Câa
Chest artícol a l'è scricc in Lumbàrt, ortograféa orientàl unificàda. |
El fiöm Arìl, ciamàt pò a Rì, l'è giü dèi 25 fiöm che i èntra endèl Lach de Gàrda. El cór per entréch en la frasiù de Cassone endèl cümü de Malsézen, endèla Pruìncia de Verùna.
A l'è cugnusìt perchè l'è lónch adóma che 175 méter, e per chèsto se dis che l'è 'l fiöm piö cürt endèl mónt. Endèl sò viàs a l'è 'ntraversàt de trì pucc e 'l g'ha enfìna 'na cascàda.
Chèsto fiöm el nas de 'na bòia che la fa 'n pìcol lach che l'è 'na resèrva de pèsca protèta, perchè le tróte i remónta 'l sò lèt per depóner i öf.