Северен Остров
Северниот Остров (англиски: North Island) е еден од двата главни острови на Нов Зеланд, од кои другиот е Јужниот Остров.[1] Островот зафаќа површина од 113,729 км² [2], и како таков е 14-тиот остров по големина во светот.
На Северниот Остров се наоѓаат неколку важни градови како најголемиот во државата, Окленд, и главниот град Велингтон кој се наоѓа на јужниот крај од островот. Околу 76% од населението на Нов Зеланд живее на Северниот Остров.
Според преданијата на маорската митологија, Северниот и Јужниот новозеландски остров потекнуваат од времето на Мауи, кој бил полубог. Тој рибарел заедно со браќата од нивниот чун (Јужниот Остров) и фатил голема риба која ја извлекол од морето. Додека вниманието му било свртено на нешто друго, браќата на Мауи се истепале за рибата и така ја распарчиле. Оваа голема риба станала Северниот Остров и затоа на маорски тој е наречен Te Ika-a-Māui („Рибата на Мауи“). Се сметало дека планините и долините се резултат на парчосувањето на рибата при борбата помеѓу браќата.[3]
Региони на Северниот остров
Северниот остров, и околните острови и територијални води ги покриваат девет региони.
Градови на Северниот остров
(помали населени места може да се најдат на Листа на градови во Нов Зеланд.)
- Велингтон
- Гизборн
- Кембриџ
- Керикери
- Коромандел
- Матамата
- Мастертон
- Непиер
- Нов Плимут
- Окленд
- Палмерстон Север
- Парапарауму
- Пахиатуа
- Раглан
- Роторуа
- Стратфорд
- Таупо
- Тауранга
- Фокстон
- Хамилтон
- Хантли
- Хестингс
Географски поими
- Ваикато (река)
- Ваипујска каури-шума
- Ваитомски пештери
- Куков проток
- Реинга ('рт)
- Таупо (езеро)
- Тетауматафакатангихангакоауаотаматеаурехаеатурипукапихимаунгахоронукупокаифенуаакитанараху
- Национален Парк Тонгариро
Белешки
- ↑ На некои карти од XIX век, Северниот Остров е наречен New Munster (Нов Манстер).
- ↑ Статистика Нов Зеланд Geography - physical features
- ↑ Сè до раниот XX век, друго маорско име за Северниот Остров било Аотеароа. Денес името Аотеароа се однесува на целиот Нов Зеланд.
|