Сконе (округ)
| Сконе Skåne län | |||||
|---|---|---|---|---|---|
| Округ | |||||
| |||||
| Земја | Шведска | ||||
| Админ. центар | Малме | ||||
| Управа | |||||
| • Управник | Јоран Тунхамар | ||||
| • Совет | Регионален совет на Сконе | ||||
| Површина[1] | |||||
| • Вкупна | 11.027 км2 (4,258 ми2) | ||||
| Население (31 март 2011)[2] | |||||
| • Вкупно | 1.245.214 | ||||
| • Густина | 110/км2 (290/ми2) | ||||
| Час. појас | CET (UTC+1) | ||||
| • Лето (ЛСВ) | CEST (UTC+2) | ||||
| БДП (ном.) | 278.254 милиони круни (2004) | ||||
| БДП/жит | 331.700 круни (2010) | ||||
| NUTS | SE224 | ||||
Сконе (швед. Skåne län) или Сканија (од лат. Scania) е најјужниот округ (län) во Шведска кој се совпаѓа со историската покраина Сканија. Се граничи со окрузите Халанд, Крунуберг и Блекинге. Административен центар е градот Малме. Регионалната управа е сместена во Кристијанстад.[3]
Денешниот округ е формиран во 1997 со спојување на окрузите Кристијанстад и Малмехус.
Сконе зафаќа околу 3% од вкупната површина на Шведска. Има 1.200.000 жители, и со тоа претставува 13% од населението во земјата.
Покраини
По своите граници, округот Сконе е речиси ист со покраината Сканија, со исклучок на незначителен дел од покраината Халанд.
Управа
Административен центар на округот е градот Малме. На чело на окружниот административен одбор (кој е државна служба) стои управник.
На картата се прикажани двата поранешни округа во покраината Сканија: Кристијанстад и Малмехус. Овие се формирани во 1719 и споени во 1997, образувајќи го денешниот округ кој има речиси идентични граници со покраината.
Окружен совет
Регионалниот совет на Сконе (Region Skåne) е произлезен од претходен окружен совет во 1999 со спојувањето на советите на поранешните окрузи. Надлежен е за здравството и јавниот превоз.
Општини
Сконе се дели на 33 општини[4] (kommuner), од кои најголеми се општините Малме (280.000), Хелсингборг (124.000), Лунд (103.000) и Кристијанстад (75.000 inhabitants). Секоја општина има своја општинска управа и се дели на месности кои имаат улога во избори и пописи.
Населени места по големина
Ова се десетте најголеми населени места во округот Сконе (Централна статистичка служба, 2005):
| # | Место | Население |
|---|---|---|
| 1 | Малме | 258.020 |
| 2 | Хелсингборг | 91.457 |
| 3 | Лунд | 76.188 |
| 4 | Кристијанстад | 33.083 |
| 5 | Ландскруна | 28.670 |
| 6 | Трелеборг | 25.643 |
| 7 | Енгелхолм | 22.537 |
| 8 | Хеслехолм | 22.548 |
| 9 | Истад | 17.286 |
| 10 | Еслев | 16.551 |
Наводи
- ↑ Шведски национален атлас (шведски) проверено на 2 април 2008
- ↑ Предлошка:Цмс (шведски)
- ↑ За регионот Сконе (англиски) проверено на 10 април 2008
- ↑ Општини во Сконе (англиски) проверено на 24 август 2007
Надворешни врски
- Окружен административен одбор на Сконе (шведски)
- Регионален совет на Сконе (шведски) (англиски)
| ||||||||
