Александра Круниќ (родена на 15 март1993 година во Москва, Русија) е српскатенисерка. На 18.06.2018 година ја заземала 39. позиција на ВТА листата и е најдоброрангирана српска тенисерка.[1] Таа го освоила турнирот во Хертогенбош, Холандија во 2018 година и со тоа ја освоила првата ВТА титула во кариерата во поединечна конкуренција, а има и две ВТА титули во двојки. Круниќ, исто така, освоила една титула на ВТА 125k, десет ИТФ турнири и шест натпревари во двојки.
На 25 април 2009 година, Круниќ го направила своето деби за српскиот фед куп тим во двомечот против шпанската репрезентација, а во 2012 г. со соиграчите стигнала до финалето.[2]
Круниќ почнала да игра тенис на седумгодишна возраст.[3] Во 2006 година, таа стигнала до полуфиналето на јуниорскиот куп во Кремљ, каде што загубила од руската тенисерка Дарија Гаврилова, а истата година играла во финалето на јуниорскиот турнир во Франција, каде што загубила од бугарската тенисерка Далија Зафирова.[4] Следната година, таа освоила три јуниорски турнири во Подгорица, Ливорно и Маији. Во 2008 година играла во четвртфиналето на Европското првенство за јуниори и го освоила турнирот во Будимпешта. Во 2009 година, таа загубила во второто коло на австралиското јуниорско првенство во сингл и стигнала до финалето во двојки. Таа година таа стигнала до 17 позиција во јуниорската ранг-листа.
Круниќ добила покана за турнирот во Прокупље во 2008 година. Таа одиграла 3 натпревари за Фед купот во 2011 година. Таа во мечот од светската група Б со Канада загубила од Ребека Марино со 3-6 6-3 5-7, а во двојки со Бојана Јовановски ги победила Шерон Фичман и Мари Пелетје со 7-6 6-4. во бараж натпреварот за Светската група А, кој се играл со Словачка, во двојки со Јелена Јанковиќ ги победила Данијела Хантухова и Магдалена Рибарикова со 6-3 3-6 7-5 и со тоа и донела победа на Србија. Во 2011 година, таа стигнала до најдобриот пласман на листата, 208 места, благодарение на пласманот во полуфиналето на турнирот во Прага, кој се играл за награден фонд од 100.000 долари. Таа во полуфиналето загубила од Петра Квитова со 6-4 6-2, 10 на ВТА листата. Во истата година, таа го направила своето деби во главниот ждреб на турнирот ВТА. Таа успешно ги минала квалификациите за турнирот во Будимпешта и се пласирала во осминафиналето каде била поразена од третата носителка Клара Кукалова со резултат 7-5, 7-5. Потоа, во септември, таа влегува во главниот ждреб на турнирот во Ташкент. Таа во второто коло ја совладала Сорана Кирстеа со 6-3, 6-4. Во 2012 година, таа успеала да стигне до првото четвртфинале во кариерата, на турнирот во Баку. Таа во првото коло ја победила четвртата носителка Андреа Хлавачкова со 6-1, 6-7 (11), 6-4, а во второто коло Лаура Тио со 7-6 (5), 6-3. Во третото коло Бојана Јовановски, подоцнежната победничка на турнирот, славела во српското дерби со резултат 5-7, 7-6 (3), 6-3. Во 2013 година, за прв пат во кариерата, таа влегла во главниот ждреб на САД Опен. Во првото коло таа изгубила од Коко Вандвеј со 6-4, 7-6 (5). Квалификациите ги минала на турнирот во Линц, но изгубила во првото коло од главниот дел на турнирот од Марина Заневска со 7-5, 2-6, 6-2.
2014 Влегување во топ 100, прва победа над топ 5 играчи[уреди | уреди извор]
На крајот на јануари таа влегла во главниот ждреб на турнирот во Патаја. Успешно ги минала двете квалификациски кола и го загубила натпреварот од првото коло од главната ждрепка од Ниче Лертпитаксинчаи со 6-3, 6-3. На ИТФ турнирот во Трнава, кој се играл за награден фонд од 75.000 долари. Таа во првото коло ја победила својата сонародничка и осма носителка Весна Долонц со 6-3, 6-3, потоа без борба се пласирала во четвртфиналето, а во него ја совладала Оливија Роговска со 6-2, 6-1. Во полуфиналето загубила од првата носителка Барбора Захлавова Стрицова со 4-6, 6-2, 6-2. Набргу потоа стигнала до полуфиналето на ИТФ турнирот во Прага, кој се играл за награден фонд од 100.000 долари. Во полуфиналето загубила од Ана Шмидлова со 7-6 (6), 1-6, 6-3. На ВТА турнирот во Букурешт, таа во првото коло ја победила Александра Панова со 4:6, 6:3, 6:1, а во второто коло загубила од третата светска тенисерка Симона Халеп со 6:2, 6:4. На последниот Грен слем турнир во сезоната САД Опен го повторила успехот од 2013 година и ги минала квалификациите, а учеството го завршила во втората недела од турнирот. Таа во првото коло ја победила Катарина Петер со 6-4, 6-1. Во второто коло приредила изненадување и ја совладала 27 носителка Медисон Кис со 7-6 (4), 2-6, 7-5. Таа во третото коло направила вистинска сензација и ја победила четвртата тенисерка во светот и победничка на ВимблдонПетра Квитова со резултат 6-4, 6-4. Таа со оваа победа обезбедила влез меѓу 100-те најдобри светски играчи. Таа го загубила мечот во осминафиналето и покрај тоа што го добила првиот сет од Викторија Азаренка со 4-6, 6-4, 6-4. По поразот, противничката и дала комплименти за играта. За прв пат во кариерата забележала рејтинг, 100. место на листата. На турнирот во [Ташкент], на стартот била запрена од Лесја Чуренко. Но, тука е и првиот професионален трофеј во конкуренција на двојки, со Катарина Синијакова во финалето победиле со 6-2, 6-1. Таа добила специјална покана за Купот на Кремљ во Москва. На стартот ја победува Каролин Гарсија , а во вториот го губи мечот од Цветана Пиронкова. На ИТФ турнирот во Анкара, кој се играл за награден фонд од 50.000 долари, таа била избрана за прва носителка. Стигнала до финалето, во кое ја победила искусната Акгул Аманмурадова со 3-6, 6-2, 7-6 (6). Таа успеала да спаси три меч топки и да го освои турнирот.