Benque Viejo del Carmen
Wapen/Flagg | Koort | |
---|---|---|
| ||
Basisdaten | ||
Inwahners: | 6.148 ( | 2010)|
Geograafsche Laag: | Koordinaten:17° 4′ N, 89° 8′ W17° 4′ N, 89° 8′ W | |
Benque Viejo del Carmen oder körter Benque Viejo is en Gemeen in’n Distrikt Cayo von dat Land Belize. De Inwahners sünd vör allen Mestizen.
De Oort liggt direkt an de Grenz na dat Departamento Petén von Guatemala.
Geografie
[ännern | Bornkood ännern]De Oort liggt op en Höögd von 129 m över de See an dat rechte Över von’n Mopan River. Na Süden to doot de Maya-Bargen liggen.
De Naveröörd sünd Calla Creek in’n Noorden, San Jose Succotz, San Ignacio un Cristo Rey in’n Noordoosten, San Antonio in’n Oosten, Augustine in’n Süüdoosten, Arenal in’n Süüdwesten un Melchor de Mencos in’n Westen.
Mit San Jose Succotz is de Oort al tohoopwussen.
Historie
[ännern | Bornkood ännern]En poor Kilometer in’n Noorden von de Stadt doot de Maya-Ruinen von Xunantunich liggen. Ok vondaag leevt in dat Rebeed noch Mayas.
De hüdige Oort is aver eerst in dat 19. Johrhunnert von Inwannerers ut Guatemala grünnt worrn. De eersten Inwahners weren Holtfällers. Dat Holt is över Mopan River un Belize River na de Küst flött worrn.
Elk Johr an’n 15. Juli warrt in Benque Viejo en Fiesta to Ehren von Uns Hillige Fro von’n Barg Karmel (Virgen del Carmen) fiert.
Inwahnertall
[ännern | Bornkood ännern]Johr | Inwahners |
---|---|
[1] | 19701.921 |
[1] | 19802.435 |
[1] | 19913.580 |
[2] | 20005.420 Lüüd, 1.174 Huushollen |
[2] | 20106.148 Lüüd, 1.416 Huushollen |
[3] | 20186.880 |
De Inwahners weren bi’n Zensus 2000 to 93 % Mestizen un to 3 % Maya. De Rest hett sik op de verscheden annern Volksgruppen von Belize opdeelt.[2]
Börgermeesters
[ännern | Bornkood ännern]- üm 1964: Pedro Guerra Mena
- 1982–1983: Pedro Guerra Mena (UDP)
- 2000–2003: Gerardo Marconi Sosa (UDP)
- 2003–2006: Said Badi Guerra (UDP)
- 2006–2009: Gerardo Marconi Sosa (UDP)
- 2009–2015: Nicholasito Russel Ruiz (UDP)
- 2015–: Heraldo Ramcharan Jr. (UDP)
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör’n Oort föhrt de George Price Highway, de in’n Noordoosten över San Ignacio/Santa Elena un Belmopan na Belize-Stadt föhrt un in’n Westen na Melchor de Mencos. Dor in Guatemala löppt de Straat wieder as CA-13 na Flores.
In de Neegd liggt de lüttje Flegerplatz von Maya Flats.
Scholen
[ännern | Bornkood ännern]In Benque Viejo del Carmen gifft dat ünner annern de Mount Carmel Primary School, de Nazarene Primary School, de Mount Carmel High School, dat John Paul II Junior College un de Mopan Technical High School.
Footnoten
[ännern | Bornkood ännern]- ↑ a b c Zensus 2000 (PDF) von dat Central Statistical Office of Belize
- ↑ a b c Zensus 2010 (PDF) von dat Statistical Institute of Belize
- ↑ http://citypopulation.de/Belize_d.html
Weblenken
[ännern | Bornkood ännern]Arenal | Armenia | Belmopan | Benque Viejo del Carmen | Billy White | Blackman Eddy | Buena Vista | Bullet Tree Falls | Calla Creek | Camalote | Central Farm | Cotton Tree | Cristo Rey | Duck Run 1 | Duck Run 2 | Duck Run 3 | Esperanza | Frank’s Eddy | Georgeville | La Gracia | Los Tambos | Lower Barton Creek | More Tomorrow | Ontario | Paslow Falls | Ringtail | Roaring Creek | San Antonio | San Ignacio/Santa Elena | San Jose Succotz | Santa Familia | Santa Martha | Selena | Seven Miles | Spanish Lookout | St. Matthew’s | Teakettle | Unitedville | Upper Barton Creek | Valley of Peace